Një kallëzim i ri penal i shtohet çështjes së abuzimit me fondet e filialit të Postës Shqiptare në Durrës.
Sipas...
POLITIKE
"Në 12 vite vetëm keni vjedhur"/ Rama u përgjigjet komentuesve: I kemi hequr namin e zi Shqipërisë! Po kurojmë ende plagët që na la trashëgimi këneta...
b.zPërditësimi i fundit 9 Mars 2025, 17:31
Edi Rama
TIRANË - Kryeministri Edi Rama u është përgjigjur edhe këtë të diel pyetjeve të komentuesve përmes rubrikës online Sy m'sy në facebook.
Një komentues e pyet Ramën në lidhje me postimin e bërë më herët për rrugën e re Shëngjin-Velipojë, teksa shprehet se ky i funidt nuk ka asnjë rrugë me standarde në Shqipëri.
“Nuk ke asnjë rrugë me standarde, sepse pjesa e standardit që i duhet rrugëve ju duhet të paguani zgjedhjet”, ka thënë komentuesi.
Teksa kryeministri Rama është shprehur se kjo deklaratë është një fyerje për 800 mijë votuesit e PS, nëse thuhet se blihen votat në zgjedhje. Kryeministri duke akuzuar sërish opozitën, thotë se PS sipas tij po kuron ende plagët e thella që la PD kur ishte në pushtet.
“E kundërta është e vërtetë! Çfarë i karakterizon mijëra kilometra rrugë të ndërtuara prej nesh janë standarde, e këtë nuk e them unë por partnerët tanë të BE. Mos harro se pas një beteje të gjatë e futëm Shqipërinë në korridoret europiane në 2023, dhe po ndërtojmë korridorin blu dhe korridorin 8. Dhe rrugën e Kombit që u hap në kohën e kënetës, jemi përpjekur ta fusim në standardet europiane, dhe ende nuk ka mbaruar përpjekja. Ironia pastaj se standardet mungojnë se ne paguajmë zgjedhjet, është një fyerje direkt e 800 mijë shqiptarëve, që në 11 maj do t’i afrohet 1 milionëve që votojnë mua dhe PS, pikërisht sepse ne po ndërtojmë një Shqipëri me standarde mbi kënetën e plagëve të thella që trashëguam kur morëm detyrën”, tha Rama.
Një tjetër komentues i thotë Ramës se Shqipëria nuk bëhet kurrë si Itali dhe sikur Rama të rrijë 10 vite në pushtet, ndërsa ky i fundit i thotë se Shqipëria nuk ka pse bëhet si Italia, por mund të bëhet një copëz Italie në Ballkan.
“Vendi nuk bëhet kurrë si Italian, edhe po të rrish 10 shekuj në pushtet”, thotë komentuesi.
“Italia është një nga shtatë ekonomitë e botës, kështu që Shqipëria as mund të bëhet Italia, as nuk ka pse pretendon të bëhet, por mund dhe do të bëhet një copëz Italie në Ballkan, por një gjë nuk e kuptoj… pse nuk gëzohesh ti kur sheh një punë të bukur?”, replikoi kreu i qeverisë.
Sakaq një tjetër komentues ngre akuza se qeveria e drejtuar nga Rama në 12 vjet sipas tij ka bërë namin me vjedhje, ndërsa kreu i qeverisë i është përgjigjur me ironi, duke i thënë se nuk del dot nga këneta, referuar këtu opozitës.
“Po sa shumë keni vjedh, në 12 vite vetëm rrugë, spitale dhe shkolla po reklamon sikur ke bërë namin",- thotë komentuesi.
“Në 12 vjet namin mbase nuk e kemi bërë, por që namin e zi Shqipërisë ia kemi hequr, ia kemi hequr dhe kjo nuk ha asnjë diskutim. Sot udhëheqësit e vendeve të tjera mblidhen këtu dhe bëjnë samite. Më parë ndërkombëtarët e shikonin Shqipërinë me nënqeshje, sot ulemi në tryeze si të barabartë. Rrugë, shkolla, spitale, kurrë më shumë se në këtë dekadë nuk janë ndërtuar, dhe me standarde europiane. Dakord nuk e del dot nga këneta, por të paktën mos e thuaj haptazi që nuk del dot”, replikon Rama.
