Zbardhen detaje rreth profilit të autori ttë ngjarjes në Maliq, që vrau një polic dhe plagosi një tjetër. Violand Bracellar...
POLITIKE
"Në krye të Policisë së Shtetit është Rama!" Burgosja e Salianjit, Meta: Nuk do të ndërpriten denoncimet, por do të rritet më tej zemërata e deputetëve
M.B.Përditësimi i fundit 4 Tetor 2024, 14:24
TIRANA- Presidenti i Partisë së Lirisë, Ilir Meta, në një konferencë për media sot, tha se burgosja e Ervin Salianjit jo vetëm që nuk do të ndalojë denoncimet, por do të rrisë më tej zemëratën e deputetëve dhe qytetarëve shqiptarë. Sipas tij, këtu problemi nuk janë disa karrige por vendi që është përfshirë nga flakët e krimit të organizuar. I pyetur në lidhje me emërimin e drejtorit të ri të Përgjithshëm të Policisë së Shtetit, Ilir Proda, Meta tha në krye të policisë së shtetit është Edi Rama.
“Qëndrimi i Edi Ramës është të mos ketë opozitës ose të jetë e telekomanduar. Burgosja politike e deputetit Salianji, që ka qenë ë krye të denoncimeve të forta kundër kësaj regjimi, jo vetëm që nuk, do të ndërpresë denoncimet por do të rrisë më tej zemëratën e deputetëve dhe qytetarëve. Këtu problemi nuk janë disa karrige por vendi që është përfshirë nga flakët e krimit të organizuar, flakët e një korrupsioni skizofrenik.
Në krye të policisë së shtetit është Edi Rama, përgjegjësi kryesi i inkriminim. Nuk ka rëndësi ndërrimi i ministrave dhe drejtuesve, pasi kjo qeveri instrumentin e parë që politizoi ishte policia e shtetit përmes së cilës kanalizoi vendin dhe intimidoi votuesit”, tha Meta.
