Një shpërthim me lëndë të dyshuar plasëse është regjistruar në orët e para të mëngjesit të so...
POLITIKE
Në Shkodër bëhet masakër, Rama: Shqipëria, partner i besueshëm në rajon, jemi pranë BE-së
PiranjatPërditësimi i fundit 8 Shtator 2025, 11:35
Kryeministri Edi Rama tha sot se të gjitha forcat e shërbimit tonë diplomatik duhet të fokusohen tek arritja e objektivit historik të anëtarësimit në Bashkimin Evropian.
Duke folur gjatë konferencës 3-ditore të ambasadorëve shqiptarë nëpër botë, Rama u shpreh: “konferenca tradicionale e ambasadorëve këtë vit vjen në një moment historik për rrugëtimin e Shqipërisë drejt majës së shumëndërruar të BE-së dhe pa asnjë diskutim të gjitha forcat e shërbimit tonë diplomatik kudo, nga Brukseli e në çdo kryeqytet tjetër duhet të fokusohen në radhë të parë tek ky objektiv historik që tanimë është më afër se asnjëherë tjetër dhe që duhet përmbushur me finalizimin me sukses të procesit të negociatave për anëtarësim, me ratifikimin me sukses të vendimit të anëtarësimit në 27 parlamentet të vendeve anëtare të BE-së”.
Edi Rama u shpreh se: “kjo do të thotë se këto 4 vite, të cilat përkojnë me këtë axhendë janë 4 vite ku asnjë ditë nuk duhet humbur dhe ku koha nuk pret për të përgatitur të gjithë terrenin e mbështetjes së vendimit që do të marrë Këshilli Evropian për anëtarësimin e Shqipërisë në BE”.
Ndërsa sa u përket negociatave, Rama u shtoi se ato zhvillohen mbi bazë dypalëshe mes Republikë së Shqipërisë dhe Komisionit Evropian, por më tej, ai theksoi se: “e gjithë atmosfera rreth tyre ka një rëndësi të vetën dhe është e ndikueshme patjetër, siç e kemi parë dhe në të shkuarën nga faktorë të ndryshëm”.
Kryeqeveritari shtoi se, për këtë arsye është me rëndësi puna e përditshme e shërbimit tonë diplomatik dhe fokusi i përditshëm sidomos në disa prej vendeve evropiane ku nevoja për të ushqyer me energji pozitive nga Shqipëria politikëbërësit dhe opinionin publik është e një rëndësie të veçantë.
Edi Rama deklaroi: “kjo konferencë zhvillohet në një moment kur kreditet e Shqipërisë në arenën ndërkombëtare janë më të larta se asnjëherë dhe kur profili i Shqipërisë si një vend në ngjitje, si një realitet në zhvillim, si një partner i besueshëm në rajon, në të gjitha tryezat ndërkombëtare është absolutisht një aset, i cili duhet shfrytëzuar në funksion të Shqipërisë 2030 dhe më tutje”.
Këto deklarata nga Rama vijnë në një ditë, ku vetëm mëngjesin e sotëm dy persona humbën jetën dhe dy të tjerë u plagosën nga një atentat me breshëri plumbash në Shkodër.
