Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
POLITIKE
Nën hetim për përndjekje të punonjësve, arrestohet ish-drejtoresha e Spitalit të Dibrës
M.B.Përditësimi i fundit 23 Prill 2025, 21:11
DIBRA- Ish-drejtoresha e Spitalit Rajonal Dibër, Irini Shehu, është vënë në pranga. Arrestimi i saj është bërë pasi dyshohet se ka përndjekur një person.
Njoftimi:
Dibër- Specialistët për Hetimin e Krimeve të Komisariatit të Policisë Dibër, arrestuan në flagrancë shtetasen I.Sh., 44 vjeçe, banuese në Peshkopi, pasi dyshohet se ka përndjekur shtetasin R.D.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprën penale "Përndjekja".
Shehu ishte vënë nën hetim edhe më parë për përndjekje të punonjësve, dhe ishte shkarkuar nga detyra pasi goditi me një mjet të fortë shefin e financës, Shaban Uklala. Ky i fundit pati bërë edhe denoncimin në polici ndaj Shehut.
Pas kësaj, punonjës të tjerë të spitalit e kanë denoncuar Shehun për fyerje dhe kërcënime teksa raportohet se rasti i fundit ka qenë kur policia njoftoi se ka bërë një tjetër procedim ndaj Shehut pasi dyshohet se ka kërcënuar me sms dhe thirrje telefonike shtetasen Sh.B 48 vjeçe.
Në atë kohë, Shehu është paraqitur në ambientet e spitalit dhe pse e kishte të ndaluar, ndërsa dhe nuk kanë munguar sërish përplasjet me punonjës të spitalit. Nisur nga këto ngjarje, prokuroria ka urdhëruar arrestimin e Irini Shehut, por kjo e fundit mundohet ta shmangë me gjendjen e saj shëndetësore teksa qëndron në një nga dhomat e spitalit nën monitorimin e policisë së shtetit.
