Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
POLITIKE
Nepotizmi në Bashkinë Rrogozhinë denoncuar nga 'Piranjat', Xhaferri: Edison Memolla, është aty si i deleguar i Bandës '5D'
PiranjatPërditësimi i fundit 11 Tetor 2025, 10:44
Deputeti i Partisë Demokratike, Besart Xhaferri, ka reaguar ashpër pas denoncimit të emisionit "Piranjat" për nepotizmin dhe korrupsionin në Bashkinë e Rrogozhinës, duke e akuzuar Kryebashkiakun e Rrogozhinës, Edison Memolla, si pjesë të një praktike të pastrimit të administratës publike nga bashkëpunëtorët e tij dhe të tjerë të lidhur me “Banden 5D”.
Sipas Xhaferrit, Bashkia Rrogozhinë është shndërruar në një “sipërmarrje familjare”, ku pozitat dhe emërimet janë bërë vetëm për anëtarët e familjes Memolla, të cilët janë përfshirë në një praktikë të qartë nepotizmi.
Reagimi i Besart Xhaferrit:
Privatizimi i Bashkisë Rrogozhinë dhe heshtja e SPAK për “Manualin Memolla” të Nepotizmit!
Kryebashkiaku i dënuar i Rrogozhinës, Edison Memolla, është aty si i deleguar i Bandës “5D”, me të cilën jemi përballur në zgjedhjet e pjesshme të korrikut 2023, ku rezultati u përcaktua nga presionet me vendin e punës dhe votat e blera nga bedelët e Erion Veliajt, të arrestuar në kuadër të Dosjes “5D”.
Benjamini i Erion Veliajt paska shpikur “Manualin Memolla të Nepotizmit”, ku Bashkia Rrogozhinë, që duhet të jetë në shërbim të qytetarëve, është kthyer në një sipërmarrje familjare, ku të gjitha pozicionet e punës janë “fituar me konkurs” nga pjesëtarët e familjes Memolla.
Ajo çfarë ekspozoi emisioni “Piranjat” nuk është thjesht nepotizëm, por korrupsion i hapur që mbahet gjallë me taksat e qytetarëve të varfër të Rrogozhinës – qytetarë që
Edison Memollën e kanë ndëshkuar me votë, por vota e tyre u tjetërsua nga banda elektorale e Erion Veliajt.
KLSH dhe SPAK duhet të zbarkojnë urgjentisht në Bashkinë Rrogozhinë për të ndalur vjedhjen dhe për t’i dhënë fund babëzisë që ka kapluar!
