Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
POLITIKE
Shembet një biznes në zonën e Kombinatit, Tabaku: Kjo s'është qeverisje, është abuzim me pushtetin
PiranjatPërditësimi i fundit 11 Tetor 2025, 09:57
Deputetja e Partisë Demokratike, Jorida Tabaku, ka reaguar pas shembjes së një biznesi në zonën e Kombinatit, duke e cilësuar këtë akt si një tjetër shkelje të rëndë të të drejtave të qytetarëve dhe abuzim me pushtetin nga ana e shtetit.
Në një video të publikuar në rrjetet sociale, Tabaku theksoi se ky rast është një shembull i qeverisjes socialiste që, sipas saj, ka shkatërruar pronat e qytetarëve për interesa klienteliste. “Bashkë me Oneldën jemi në Kombinat, përballë rrënojave të një biznesi që shteti ia shkatërroi brenda ditës, megjithëse ishte në tokën dhe në biznesin e tij të ligjshëm, që paguante taksa,” tha Tabaku.
Ajo shtoi se ngjarja në Kombinat pasqyron mënyrën e abuzimit të pushtetit nga qeveria, e cila, sipas saj, ka uzurpuar pronat dhe bizneset për më shumë se 12 vite. Sipas Tabakut, IKMT ka kryer veprimet pa njoftim dhe pa vendim të formës së prerë, ku sipas saj ky është një "abuzim me pushtetin."
Tabaku paralajmëroi gjithashtu se pas rasteve të tilla si ato të 5 Majit, Thethit, Vlorës dhe tani Kombinatit, askush nuk është më i mbrojtur. “Sot ndodhi në Kombinat, nesër mund të ndodhë te dera e shtëpisë suaj."
