Partia Popullore Europiane (PPE) ka reaguar lidhur me protestat në Shqipëri, duke theksuar se e drejta për protestë paqësore duhet t&eu...
POLITIKE
"Nëse ndotësit më të mëdhenj vazhdojnë si zakonisht..." Samiti për Klimën në Baku/ The Guardian: Rama vë në dyshim pikën e takimit
M.B.Përditësimi i fundit 13 Nëntor 2024, 10:11
AZERBAJXHAN- Dy ditë më parë në Baku të Azerbajxhanit u mbajt Samiti për Klimën ku morën pjesë liderë shtetesh, ministra dhe zyrtarë nga 200 vende të botës. Shqipëria u përfaqësua në këtë Samit nga kryeministri Edi Rama i cili sipas “The Guardian”, ka dalë jashtë skenarit, duke thënë se la pas “fjalimin e tij të përgatitur mirë”, pasi pa liderët e tjerë bënin deklaratat e tyre në ekranet e heshtura mbi kolltuqe të rehatshëm në një dhomë ngjitur në ambientet e Cop29 në Baku.
“Njerëzit atje hanë, pinë, takohen dhe fotografojnë së bashku, ndërsa imazhet e liderëve pa zë luhen vazhdimisht në sfond. Për mua, kjo më duket saktësisht si ajo që ndodh në botën reale çdo ditë. Jeta vazhdon, me zakonet e saj të vjetra dhe fjalimet tona, plot fjalë të mira për luftimin e ndryshimeve klimatike, nuk ndryshojnë asgjë”, tha Rama.
Media britanike shton se Rama vuri në dukje deklaratën e djeshme të Sekretarit të Përgjithshëm të OKB-së, duke theksuar se emetimet e karbonit u rritën midis mbledhjes së fundit të Cop dhe asaj që u mbajt këto dy ditë.
“Çfarë do të thotë për të ardhmen e botës nëse ndotësit më të mëdhenj vazhdojnë si zakonisht?”, pyeti Rama. “Çfarë do të bëjmë ne në këtë mbledhje, pa pushim, nëse nuk ka vullnet të përbashkët politik në horizont për të shkuar përtej fjalëve dhe për t’u bashkuar për veprime kuptimplota”, tha Rama.
