Nga afera e EcoPark te Inceneratorët/ Intervista e plotë e Arben Ahmetajt: Rama, një nga 6 personat përgjegjës nëse më ndodh gjë, ekziston një përgjim për familjen e tij

Arben Ahmetaj

ZVICËR- Ish-zv.kryeministri Arben Ahmetaj ka nxjerr detaje të reja nga skandalet e qeverisë Rama gjatë kësaj kohe në qeverisje. I ftuar mbrëmjen e djeshme në emisionin "Çim Peka Live" në Syri Tv, Ahmetaj ka deklaruar se pronarët faktik dhe real të inceneratorëve janë kryeministri Edi Rama së bashku me kryebashkiakun Erion Veliaj. Duke theksuar se dosja hetimore ndaj tij për aferën e inceneratorit, është improvizuar nga kryeministri Edi Rama dhe Altin Dumani, Ahmetaj shtoi se ky i fundit ka deklaruar se e ka personale çështjen me të. 

Ish-zëvendëskryeministri gjithashtu ka akuzuar kryeministrin Edi Rama se është i përfshirë duke firmosur drejtëpërdrejtë në aferën e EcoPark duke firmosur dokumenta. Por gjithashtu theksoi se ekziston një përgjim ambiental ku del familja e kryeministrit Edi Rama te AKSHI. Ahmetaj duke folur për AKSHI-n, ka theksuar se ABS që ka qenë një prestanome e njerëzve të afërt të kryeministrit që ka marrë 43 mln. Arben Ahmetaj ka deklaruar gjithashtu se kryeministri Edi Rama është një nga 6 emrat e personave përgjegjës nëse atij i ndodh gjë.

Intervista e Plotë:

Peka: Mirëmbrëma! Ekzaktësisht pas 6 muajsh, në një farë forme e paralajmëruar, rikthehem për të intervistuar, ish-zv/kryeministrin, ish-zyrtar shumë i lartë i qeverisë së PS, ish-numrin dy të Edi Ramës, Arben Ahmetaj.

Arben Ahmetaj: Mirëmbrëma!

Peka: Mirë se të gjeta sërish. Pyetja e parë për ju. Ju gjej në të njëjtat kushte? Kur them në të njëjtat kushte, në aspektin personal, emocional, të sulmuar, dhe kryesisht në aspektin ligjor.

Ahmetaj: Në aspektin personal, asnjë ditë nuk është si dita që kaloi, se ditët e mia dhe të familjes time janë tejet të vështira. Sigurisht që qytetarëve shqiptarë nuk ju interesojnë detajet e ditës time, apo të familjes time, por në të gjitha dimensionet, janë ditë të vështira në çfarëdolloj aspekti që do më pyesje. Në aspektin e vendosmërisë, pas sulmeve të fundit të SPAK me urdhër të kryeministrit...

Peka: Këtu do të flasim gjatë, por janë ditë të vështira. Mediat e Ramës, dhe konkretisht Report TV e Karlo Bolinos, është kujdesur që të fotografojë një banesë në Zvicër, ku në sytë e opinionit nuk jetoni ditë të vështira, por jetoni në luks. Si jeton Arben Ahmetaj?

Ahmetaj: Qesh. Edhe njëherë, me median, mediat e Edi Ramës, personale të tij, do të merrem më vonë në këtë intervistë. Unë i referohem situatës time të përditshme. Mund ta vizitosh shtëpinë time, je i lutur të kuptosh pseudo luksin. Jetojmë në një shtëpi në kushte normale, që më në fund kemi mundësi që sa herë më viziton nëna ime 83 vjeçe, apo prindërit e Eriolës, pak më të rinj, po kaq të vjetër, të kenë mundësinë të kenë një hapësirë ku të rrinë dhe të flenë. Ky është ndryshimi i pseudoluksit që kujdesen dhe arsyet pse kujdesen kaq shumë do ti themi më vonë në këtë intervistë, kujdesen e merren me mua në pafundësi. Është urdhër dhe zell.

Peka: Në gjykimin tuaj, ajo foto e publikuar ishte për të krijuar një perceptim që akuzat ndaj Ahmetajt qëndrojnë dhe po jeton në luks, apo ishte për të treguar vendndodhjen dhe ju e morët edhe si njëfarë kërcënimi.

Ahmetaj: Ishte një kërcënim i drejtpërdrejtë dhe pas atij publikimi, unë kam pasur dy episode. Një episod u tre qytetarë shqiptarë, njëri prej tyre me qëndrim në Zvicër, të cilët i njoh, nuk i bëj publike për qytetarët shqiptarë, nëse do të duhet një ditë për të verifikuar vërtetësinë e asaj që them, i them edhe me emër se cilët janë, kanë ardhur kanë bërë foto tek dera e pallatit dhe janë regjistruar rastësisht nga një njeri i imi, se çfarë kanë thënë. Një episod të cilin unë e kam ndarë me autoritet këtu, ku duke zbritur nga një ambient publik në ashensor, një bashkëqytetar që shprehte në mërmëritje dhe sipër egërsi dhe sharje dhe i njëjti person, në kafen ku unë pi kafen e paradites, se aq është dita ime në këtë vend, sërish aty përballë. E kam fotografuar, depozituar tek autoritetet, e kam marrë seriozisht, si ato tre kërcënimet të jetës time, plus atë provokim që i është bërë fëmijës tim në Tiranë, gocës time të vogël, Kelis dhe sigurisht që jam shumë alert, ashtu siç vetë kam deponuar në të tre shërbimet, të 6 emrat që janë iniciatorë të goditjeve të mundshme kundër meje dhe familjes time.

Peka: Jeni në alert. A ndjeheni i tërhequr, apo jeni njëlloj i motivuar për ti shkuar të drejtës tuaj, deri në fund. Po e them këtë sepse kjo është intervista e tretë, e dyta bashkë, dhe një intervistë deri diku e vjedhur nga kolegët e Report në RAI3, për të cilët do të ju pyes dhe më vonë, e cila ka krijuar jo pak turbullira në Tiranë, sidomos intervista e dytë.

Ahmetaj: Përsa i përket vendosmërisë dhe motivimit tim për të vazhduar betejën për të drejtën tim dhe për ti kthyer reston ligjore, të gjithë atyre që kanë kaluar në mënyrë të paligjshme pragun e shtëpisë time, nuk ka kthim pas. Kjo nuk diskutohet. Kushdo që ka shkelur në mënyrë të paligjshme pragun e shtëpisë time, do të marrë resto të ligjshme deri në fund. Kjo nuk diskutohet. Unë jam i bindur në pafajësinë time. Unë e di çfarë kryqi duhet të mbaj në kurriz, por jo këto. Jo këto të sajuara nga Altin Dumani, pas nxjerrjes në pritë nga Edi Rama. Dhe si thotë Edi Rama, ankohen për PS. Nuk kam gjë unë me PS, unë PS e kam aty ku duhet ta kem. Me PS-në, atë krijesë të madhe unë jam rritur.

Peka: Për të qenë i sinqertë ju nuk kemi gjë me PS, me PS e kam unë.

Peka: Edhe Kadri Hazbiu thoshte, partia ime më dënon ... e kam këtu, çfarë keni këtu. Jemi rritur, por jeni rritur në një organizatë kriminale nëse akuzat tuaja janë të pavërteta dhe të diktuara nga Edi Rama.

Ahmetaj: Duhet të bëni diferencës mes PS dhe Edi Ramës...

Peka: Mendoni se ka diferencë sot ...

Ahmetaj: Do të ju lutesha që për hir të transmetimit të mesazhit, edhe në respekt të punës dhe mundimit që ke marrë për intervistën, të mos më ndërprisje se dua të çoj mendimin deri në fund. Del Edi Rama dhe thotë, këta kërkohen nga drejtësia dhe ankohen për PS. Unë nuk ankohem për PS, unë vetëm një kërkesë kam për ish-kolegët e mi. Si ka mundësi, që asnjëri nga ana, që nga ministri i Drejtësisë, që nga kë të duash ti, jurist dhe jo jurist, Fatmir Xhafaj, Klotilda Bushka, Ben Pëllumbi, alamet burrash dhe grash nuk lexuan dosjen që solli Altin Dumani aty. Ju referua Edi Rama dosje voluminoze, por po ta lexoni dosjen që nuk e ka lexuar, që ta lexonte Ulsi Manja, Xhafaj, Bushka, të thonin shiko çfarë është, Damian Gjiknuri, kë të duash ti, nga juristët dhe jo juristët, të thoshte shiko se çfarë bëjnë këta njerëz. Shiko çfarë standardi krijojnë, shiko çfarë sjellin. Është shprehur pas heqjes së imunitetit tim, mirë ja bënë maskarait. Kryeministri Edi Rama, mirë ja bënë maskarait. Një nga ish-kolegët e mi, ka thënë, bobo çfarë bëmë, çfarë precedenti kemi krijuar. Mirë ja bënë maskarait. Unë isha maskarai, dhe më pas dikush që paguhet nga inceneratorët më quan i poshtë, etj. Të kam thënë Çim Peka, pas intervistës lufta e tyre me supozime dhe sajesa, ka për tu kaluar në një nivel të ri. Kaloi në një nivel të ri. U akuzua ish-bashkëshortja ime, dhe bashkëshortja ime sot, me akuzë për pastrim parash dhe është një jurist shumë i zoti në Shqipëri, ka bërë një kërkim, se i turren, siç i turren kujtdo. Do të them një moment që ankohet për staf, është qesharake që ankohet për staf ky drejtuesi i SPAK. Po i kthehem logjikës së persekutimit familjar. Ka bërë një kërkim dhe ka thënë është i vetmi rast në botën demokratike, ku akuzohet e gjithë familja. Ta zëmë se të gjitha ëndërrat e këtyre ishin të vërteta, çfarë kanë nënshkruar këta. O i kam bërë unë, o i kanë bërë ata. Ku keni parë ju që akuzohen, as firmë, as vulë, as pjesë e institucioneve publike. Po pse e kanë bërë? Është kërcënim i hapur.  Do të të shkrijmë si familje. Mua do më shkrijë si familje Altin Dumani, që del e thua e kam personale. Ti e ke personale me mua? Pse e ke, ne as futboll nuk kemi luajtur bashkë që mund të kem thyer ndonjë këmbë, as not nuk kemi bërë bashkë, që ti të më kesh zhytur mua, apo unë ty. Çfarë arsye ke që e ke personale. Ty nuk të lejohet në kod  themelor të një institucioni, palë jo drejtësie, por palë, se je institucioni i akuzës, ta kesh personale me mua. Pse e ke personale me mua. Je shprehur se unë i kam bërë karshillëk kryeministrit. Po çpunë ke ti, se çfarë bëj unë me kryeministrin. Ti çpunë ke ...

Peka: Është shprehur Altin Dumani se, e ka personale me ju, pasi ju i keni bërë karshillëk kryeministrit?

Ahmetaj: Është shprehur, nuk e di unë se çfarë quan ai karshillëk. Ai është shprehur se e ka personale. Kë ka personale.

Peka: E keni njohur ju përpara.

Ahmetaj: Zero. Unë i sugjeroj si të dojë ai ta marrë, si qytetarë, si i kërkuar nga drejtësia e Ramës, si i arratisur, siç e përdorin, si të dojë. I sugjeroj që një përfaqësues i drejtësisë nuk mund të ketë emocione, as negative, as pozitive ndaj një qytetari, një të investiguari, një të akuzuari, apo një të arrestuari. Si të duash ti. Jo nuk i lejohet. Po do ta mbajë personale me mua, unë i sugjeroj që jo. Po të dojë le ta mbajë, por i sugjeroj që jo, sepse është shkelje themelore e integritetit të punës së një pale në të gjithë strukturën e drejtësisë. Pse i them palë? Nuk është drejtësi SPAK-u. Duhet të ishin gjykatat.

Peka: Meqë këtu kemi një insert, nuk është drejtësia e SPAK, por duhet të jenë gjykatat. Këto e thoni ju, ndërkohë që drejtuesi i SPAK thotë që: afërmendsh gjykatat bëjnë çfarë vendosim ne. Është krejt i qartë drejtuesi i SPAK.

Ahmetaj: Në intervistën e parë, unë ju kam thënë ju dhe qytetarëve shqiptarë, se aty është përmbysur sistemi i drejtësisë. Praktikisht Edi Rama, nëpërmjet SPAK, ta kam thënë dhe ty dikur, të kam thënë Çim Peka, ky njeriu kontrollon makinerinë dhe makinerinë ua vë përballë njerëzve që nuk i do, armiqve të tij, armiqve të përkohshëm, të përhershëm, apo kujt i duhet për të pastruar rrugën. Ky ka kapur makinerinë, e kemi diskutuar herën e parë, gjithë procesi ndaj meje. Po ta vini re çfarë ka thënë Altin Dumani aty, është tmerrësisht interesante. Pse është interesante. Ka dy gjëra bashkë plus pastaj konsekuencat institucionale. E di për çfarë ka folur që afërmendsh vendosin gjykatat? Për atë pjesë që sipas tij, merr pafajësi. Pra, ky ka qëllimshëri jo drejtësinë, por 100% dënimin, ky ka qëllimshëri statistikën. Thyerje e integritetit të SPAK dhe të reformës në drejtësi. Nuk ka qenë ky aspirimi i reformës në drejtësi, të krijojë statistika. Nuk është reforma në drejtësi të mburret me emrin tim, e kemi ndaluar ish-zv/kryeministrin për inceneratorët. O ti djalë, a ke mundësi ti tregosh dhe Edi Ramës, Ulsi Manjës, të gjithë atyre që të kontrollojnë dhe qytetarëve shqiptarë, një letër cilin incenerator, për cilin incenerator më akuzon ti mua? Për Elbasanin, jo nuk kam marrë pjesë në procedurë. Për Fierin, jo nuk kam marrë pjesë në procedurë, për Tiranën, jo nuk kam marrë pjesë në procedurë. Ti ke sajuar hetim pasuror duke më kthyer mua në një shënjestër dhe duke shkatërruar reformën në drejtësi. Më thoni ju të nderuar qytetarë, ndash ekonomist, avokat, jurist, gjyqtar, ministrat, kryeministrat, president, më thoni nëse në një vend normal demokratik, kryeprokurori do të thoshte atë që ka thënë ai; afërmendsh gjykata vendosin siç i kërkojmë ne. Çfarë do të ndodhte me atë. Kam një avokat këtu që ka qenë, shefi i antikrimit ekonomik në prokurorinë federale. Do të vijë në Shqipëri dhe si asistent i avokatëve të mi në Tiranë. Dhe ka bërë edhe ai një vëzhgim të dosjes. Më tha dy gjëra. Është shumë e çuditshme çfarë ndodh me këtë dosje. Unë nuk e di tha është qëllimshëri politike, apo tjetër. Por këtu nuk merret parasysh themeli i elementit të korrupsionit që është një klasifikim ndërkombëtar. E para. E dyta  mungon pra në këtë dosje. E dyta, si mund të flasë prokurori kështu. Ishte shkarkuar në atë sekondë nëse nuk do të kishte dhënë dorëheqjen. Tani përpos nga mediat e drejtuara nga Edi Rama dhe do ti zejë në gojë, një e nga një nuk e përmendën, si ka mundësi që KLP nuk bëri asnjë koment. Janë autoriteti që duhej të kontrollonte në bazë të strukturës që ka bërë reforma në drejtësi, që të kontrollonte këta, të pahetueshmit. KLGJ asnjë koment, dhoma e avokatëve asnjë koment. Më thoni në çfarë vendi normal, të dalë një njeri që është kryeprokurori dhe të thotë, afërmendsh gjykatat vendosin siç i kërkojmë ne. Rënie e një sistemi dhe në fakt, i foli e vërteta në subkoshiencë dhe unë di shumë fakte dhe ne kemi përsëri takim bashkë, se si është ushtruar presion mbi prokurorë, gjyqtarë për të arritur statistikisht ku duan këta, apo emocionalisht personale.

Peka: Presion në rastin tuaj apo në përgjithësi...

Ahmetaj: Në rastin tim është persekselentë, sepse në rastin tim  kanë shkuar edhe ... kur thotë që nuk kemi staf, 20 veta i kanë shkuar kunatës së Eriolës në kontroll për ti marrë telefonin e tretë, 20 veta dhe është një çështje që nuk kam firmosur dhe nuk kam marrë pjesë në procedurë. Është një çështje që nuk ka asnjë nominim dëmi ekonomik, nga buxheti. Nuk ka lidhje. Si ka mundësi që ky vrapon në të gjitha mënyrat që unë i di, ai i di për të marrë dosjen time, pas nxjerrjes në pritë nga Edi Rama, ndërkohë që nuk ka marrë dosjen e Tiranës, me minimalisht 700 milionë dëm. Pse ky heroi i fëmijëve tanë nuk ka marrë ketë dosje.

Peka: Kur thoni nuk ka marrë dosjen, çfarë keni parasysh...

Ahmetaj: Inceneratori i Tiranës.

Peka: Tek inceneratori i Elbasanit është angazhuar vetë tek dosja për shkakun tuaj. Tek Tirana është jashtë, nuk përfshihet sepse sipas jush është Rama dhe Veliaj.

Ahmetaj: 100%. Shiko çfarë po ndodh tek inceneratori i Tiranës. Dy muaj e dinin të gjithë shqiptarët, do arrestohet ky e ajo, u katandis kokoshi një thelë. Po pse? Se shkoi aty ku duhet, e morën ata ustallarët që kontrollojnë makinerinë e SPAK dhe thanë, ky duhet, ky sduhet, ky shtohet, ky hiqet, dhe pastruan listën. Dy muaj e dinin gjithë dynjaja. Si ka mundësi që dy muaj para se të sekuestrohej inceneratori i Tiranës e dinte gjithë Tirana. Si ka mundësi u gjetën vetëm 2 mijë euro tek inceneratori i Tiranës. Sepse ishte thënë përpara çfarë do të ndodhte, ishte bërë ajo që është bërë, pastruar lista.

Peka: Për të qenë pak më konkret për publikun, ju po thoni tek Elbasani dhe Fieri, ku presupozohet se mund të ishit ju, u angazhua vetë Altin Dumani

Peka: Ndërsa tek Tiranë ku ju thoni që dëmi do të shkojë 700 milion dollarë dhe në intervistën e kaluar keni thënë se, shkon shumë lart, do të llahtarisen shqiptarët...

Ahmetaj: Kjo është arsyeja që nuk hetohet...

Peka: Ku nuk hetohet Rama e Veliaj, ai nuk bëhet pjesë e dosjes...

Ahmetaj: Si mund të bëhet pjesë e dosjes. Ai është i kontrolluar politikisht, procedurialisht dhe jo nga ligji, por është politikisht i kontrolluar. E patë në parlament si fliste në emër, PD i fliste zoti filan. Pse ku jemi, treg shokësh jemi këtu dhe pastaj PS duartrokisht. Në ç’vend të botës duartrokitet prokurori. Për çfarë e duartroket. Për çfarë... për statistikën apo që ka zbatuar urdhrat. Dakord, si ka mundësi që për 3 muaj nxori urdhër arresti. Si ka mundësi ...

Peka: Ta them unë se është shumë interesante. Në fakt kemi një tjetër insert. Është e qartë për Altin Dumanin, është një krim intelektual dhe intelektuali para se të kryejë krimin, mundohet ta fshehë. Për çështjen konkrete është në hetim paraprak po hetohet, por gjithsesi duket sikur pas dështimit për të ju hetuar për inceneratorin e Elbasanit ka hetuar hetimi pasuror sepse ndoshta ju, për Altin Dumanin jeni shumë intelektual dhe i keni marrë masat që krimi të fshihet.

Ahmetaj: Nuk dua ti komentoj këto shprehje se seriozisht këto do të futen nëpër analet e drejtësisë se si nuk duhet thënë gjëja e gabuar para publikut, deputetëve dhe si nuk duhet të përdoren shprehje të kësaj natyre, për të fshehur krimin intelektual. Realisht është qesharake. Ky djali e ka personale me mua, unë nuk e di arsyen, ai e di arsyen, unë i kam bërë karshillëk bosit të vet, kryeministrit, ish shefit tim. Kështu thotë ai nëpër korridore. Dhe herë pas here, sa herë që pyetet nga gazetarët off the records, më thoni çfarë do të thotë, ai thotë ka surpriza për Ahmetajn, ka të reja. Këtij dmth koshienca dhe nënkoshienca i sjell emrin tim. Sepse ky vrapon të tregojë se po bën detyrën, bos unë po bëj detyrën, po e shkri këtë maskarain, e kam personale. Nuk ka firmosur?  Nuk do të ja dijë Altin Dumani, kam firmosur apo jo unë. Ai quan punën, shitjen e pasurisë të vënë para 20 vitesh, e cilëson pastrim paraje. Blerjen e viletës në Hamallaj që ka bërë familja e Eriolës dhe Eriola, e quan pastrim parash. E di ti si e lidh? Do ta dëgjosh, ta dëgjojnë shqiptarët që të qeshin. Nuk e di a e ka lexuar ky në dosje, se ja kanë bërë këta që i urdhëron Ulsi Manja, Besmiri me shokë që i ka referuar në punë Ulsi Manja. Imagjino lidhjet, nepotizmi deri tek vetingu që është i konsilduar nepotizmi. Arrin që vetingun e kalon një njeri që i falet një shtëpi, por nuk e kalon një ish- prokuror apo gjyqtar që i është prerë një biletë për të shkuar tek motra, apo që ka një koshere bletësh një fshat. I kalon vetingu një prokurori të SPAK që e ka blerë vilën në të njëjtin vend me Eriolën, gjysmën e shumës së Eriolës, dhe duke e blerë me paratë jo të reja, të freskëta të vënë dje në llogari, por me dhjetëra vite, u cilësoka pastrim parash. E dini ju që ka një letër SPAK, që është e “Nixon Peabody”, që nuk e ka lexuar as inspektori i Lartë i Drejtësisë, kryetarja e Kuvendit nuk e hapi, unë e di pse nuk e hapi, por do ta themi tek e treta. Ulsi Manja e shkarkoi, por nuk e ka lexuar ti thotë kryeministrit shiko çfarë i kemi bërë këtij djali, nuk e di pse. Se Ulsiu mbase nuk e di pse ka ndodhur kjo me mua. Ti thotë shiko, çfarë i kemi bërë. E di çfarë ka thënë.

Peka: Çfarë ka thënë ...

Ahmetaj: Arben Ahmetaj ka nominuar anëtarët e bordit të OSHEE-së dhe thotë, Klodian Zoto, me biznesmenin që ka shitur shtëpinë kanë hyrë në një tender tek OSHEE dhe aty kanë fituar, 700-800, por në fakt kanë fituar mbi 1 milionë dhe aty ka mjaft para dhe për shtëpinë e Hamallajt. Mos u habisni, kështu kanë thënë.

Peka: Kjo është lidhja që ka bërë në dosjen e tij..

Ahmetaj: Ta lexojë kush të dojë, gazetarët le ta marrin dhe të qeshin.

Peka: Pra ju keni dominuar anëtarët e bordit të OSHEE...

Ahmetaj: Aty është bërë një tender që e ka fituar Zoto me biznesmenin që i ka shitur shtëpinë Eriolës, aty kanë fituar ku di gjë unë se sa, këtu ka mjaft para edhe për të blerë shtëpinë. Kjo nuk është lidhje juridike, është lidhje o zot i madh na ruaj. E para, për të gjithë ata që nuk e dinë, anëtarët e bordit të OSHEE-së nuk i emërtonte ministri i Ekonomisë, ministri bënte procedurën si përfaqësues i pronarit. Ministrat e linjave, drejtësia, infrastruktura nominonim, sillnin emrat dhe ministri i Ekonomisë, bënte procedurën. Edhe sikur të ishte e vërtetë, sikur unë ti kisha emëruar, bordi nuk bën tendera. E treta me vendim qeverie OSHEE-ja raporton e varet tek ministri i Infrastrukturës dhe Energjisë që është përtej çdo lloj pozicioni që unë kam pasur. E katërta dmth, Banka Botërore dhe OSHEE, kanë bërë këtë tenderin dhe e kanë fituar këta. Ky tenderi nuk është korrupsion, por paratë mi kanë sjellë mua, për shtëpinë. E dini çfarë kanë bërë këta, fusin në dosje ujëra pa fund, sepse gjykatat gjithsesi vendosin si duam ne. Çojmë një dosje 600 faqe, 200 faqe janë vetëm për procedurën e Terit dhe Alqit atje. 100 faqe janë e njihja unë Mirelin apo jo. Pjesa tjetër pastaj është nga këto sajesat, ka qenë në këtë udhëtim, ka qenë në atë udhëtim, si agjenci udhëtimesh. Ka udhëtuar me Terin dhe Alqin dhe Eriolën. Asnjëherë nuk kam udhëtuar me Terin dhe Alqin. Kurrë. Budallaqe të kësaj natyre. I bie që ky tenderi pa korrupsion, paska paguar para për çfarë? Se do ti, se ti ke kërkuar me të gjitha mënyrat bashkë me Edi Ramën, që unë të akuzohem gjatë muajve shtator-dhjetor të 2022, kur morët vesh që nuk isha pjesë e procedurës dhe nuk isha pjesë e fajësisë nëse do dhe për të gjithë ata prezumohen nga pafajësia do më shumë respekt. Jo për njërin të thuhet, se po të isha unë gjyqtar dhe prokuror, thotë kryeministri ai do ta kishte më keq. Ndërsa për tjetrin thotë; mos më folni mua për Beqajn, ka prezumim pafajësia. Për mua nuk paska prezumim pafajësie, për Beqajn të ketë. Po unë, apo unë ai që të shkoja në të s’ëmës, se kisha prishur unitetin. Dmth unë të vazhdoja rrjedhën e të shkuarin në të s’ëmës, që nga mirë ja bëmë maskarait, të shkojë në të s’ëmës, e ruajt Zoti, pa atdhe, në kërkim të drejtësisë, se ky është bërë dhe zot i atdheut dhe flamurit. Tani, po vij te tjetra. Për çfarë arsye nxirri urdhër arresti për mua, ndërkohë që ditën që ky kërkonte imunitetin tim në akordancë me kryeministrin, me Ramën. 

Peka: Të flasim me emra, që ti kuptojë populli. Kur thua ky, e keni për Altin Dumanin.

Ahmetaj: Po, Altin Dumani. Njëri ishte me kabrio, me zv/kryeministren dhe ish-drejtorin, festonin me demek rrugët që do ti vijmë se si janë bërë, festonin heqjen e imunitetit tim dhe arrestimit. Ky përse nxitohej. Tani unë po të marr disa shembuj. Unë kam realisht tjetër besim për të gjitha rastet që do të përmend këtu. Tani unë po ndaj me qytetarët, se si ka mundësi që ky vjen, arreston.

Peka: Ndryshe nga intervista e parë, sot paske ardhë me shumë letra.

Ahmetaj: Sa letra ka. Altin Dumani vjen dhe sjell arrestimin pas tre muajsh. A di çfarë tha në korrupsion, kur e ka pyetur një i opozitës, më dinjitoz ai, jurist që e pyet; çfarë nxitimi ke ti që e sjell arrestin. Se na prish provat, ka thënë Dumani. Tani, unë po të numëroj sjelljen me standard totalisht ndryshe. Rasti Beqaj. Normale, në gjendje të lirë. Rasti Mediu, normale, padrejtësi e madhe ndaj tij, në gjendje të lirë. Rasti Veliaj, është në krye të detyrës, vazhdon paguan inceneratorin, 5D në anën tjetër, nuk i prish provat Erioni, unë i prishja, që nuk isha asgjë. Rasti Olta Xhaçka, normale, rasti i Krifcës, normale, rasti i Plarent Ndrecës, normale. Nuk duhet të ketë arrestim, nuk duhet të ketë, smund të trajtohen si në mesjetë. Rasti Beqajt. Si ka mundësi që e arrestojnë Beqaj, 6 muaj pasi pseudoprovat u deklaruan nëpër media. Pse duhej arrestuar, pse. Teatër i Edi Ramës, ta arrestojmë për këtë gjënë e vogël, ta mbyllin gojën këta. Teatër komplet. Kam lënë letra unë për sterilizimin, le ti zhdukë, siç kanë zhdukur një letër të EcoParku, por nuk e dinë që ekziston diku. Duhet ta dinë që ajo letër ekziston diku.

Peka: Keni lënë letër për sterilizimin...

Ahmetaj: Po, në nëntor dhe dhjetor 2018, le ti zhdukin, ti fshehin, aty janë dhe ato letra janë të gjitha në një kuti.

Peka: Çfarë letre keni lënë për sterilizimin...

Ahmetaj: Që është shkatërrues, dhe ti vendoset tavan. Por nuk ka rëndësi kjo. Po i kthehem standardit të dyfishtë. Po pyes qytetarëve shqiptarë, unë përmenda të gjithë këto emra, të më falin, kanë prezumim pafajësie tek unë, të gjithë që kam përmendur. Çfarë isha unë? Unë mund të jem përfolur për lloj-lloj gjërash. Por unë për lidhje me krimin, e di gjithë Shqipëria, gjithë bota që unë nuk kam pasur lidhje. Ka pasur një njeri, Sali Berisha që më ka goditur pa të drejtë, tërë kohës. Një gjë e ka thënë publikisht, ky njeri të paktën nuk e akuzon dot për lidhje me krimin. Pse duhej të sillte urdhër-arresti, të kënaqte bosin të shkojë në të s’ëmës. Cila ishte arsyeja, statistikë, guxon e mburret me emrin tim dhe pastaj thotë, e kanë personale. Ej djalë, të lutem foli mendjes, nuk është kjo reforma në drejtësi. Ti jo vetëm që po shkatërron reformën, se bashku me Ramën, ti po përmbys demokracinë. Sepse ditën që drejtësia bie pre e presionit politik dhe kthehet në polici politike, dëmi që i shkakton demorkacisë është fondamental dhe po ju them, kapja e drejtësisë, o zot larg qoftë, fton dhunë. I them si qytetar tani dhe si njeri që kam kontribuar në atë vend që ti thërrasë mendjes.

Peka: Ju po i thoni drejtuesit të SPAK, ti thërrasë mendjes si qytetar, por ndërkohë ju jeni i kërkuar prej tij. A mund ti jepni ju këshilla drejtuesit të SPAK, kur ju sipas tij, jeni i akuzuar për korrupsion dhe i fshiheni drejtësisë. Pyetja ime është konkrete për ju; në rast se Altin Dumani ti hipë avionit, të vijë këtu ku jeni dhe të ju kërkojë një dëshmi nga këtu. Meqenëse kohët e fundit është shprehur se do të ketë surpriza. A është i gatshëm Arben Ahmetaj në këtë vend ku jemi, pa këto kamera, të japë dëshminë dhe të gjitha pretendimet e tij, në mënyrë të veçantë për inceneratorin e Tiranës, që në intervistën e parë thatë, se do të llahtarisen shqiptarët sa lart shkon. A jeni i gatshëm të uleni përballë Altin Dumanit këtu ku jeni dhe të jepni këtë dëshmi?

Ahmetaj: Unë kam një pyetje për ty. A ka kurajon me atë shkelje ligjore që ka bërë Altin Dumani të vijë të kërkojë dëshmi. A e ka kurajën? Jo nuk e ka kurajën. Del e thotë në ekrane se kemi kërkuar ekstradimin, për sa na përket ne është në kërkim nga drejtësia e tij, nga drejtësia që ai thotë, gjykata do bëjë çfarë i themi ne. Apo nga drejtësia e Edi Ramës, që njëherë e shan SPAK dhe e kërcënon kur i duhet, pastaj e mbron. Pastaj i sulet prokurorit të Tiranës, pastaj merr SPAK kur i duhet për ndonjë projekt i bën presion, pastaj në anën tjetër i thotë, ja ku është ai që duhet, ky nuk vjen se është 3 metra, ky që është 173 cm ky vjedh. Orienton. Nuk ka kurajo Altin Dumani. Do të kishte kurajo nëse do të ishte i pastër në integritetin e prokurorit dhe institucionit. Patjetër. Nuk ka kurajo. E dyta, o i dashur. Letra janë atje, nuk do ti shohë. Ku janë 80 mln dollarë e inceneratorit të Tiranës, ndiq paranë, ku janë. Të më falë kjo zonja që do i zë emrin në gojë. Denisa Tollkuçi, e dini që kjo negocionte rrogën për 1500 euro, punonte te inceneratori i Tiranës. E akuzojnë për grup të strukturua kriminal. Ndërkohë që mungojnë 80 mln dollarë dhe nuk ka incenerator. Kush mban përgjegjësi, ti vish vërdallë gjithë gjësë. Pyeteni Edi Ramën, a ke folur ti për procedurën e inceneratorit të Elbasanit me Arben Ahmetaj. Zero. Pyetja e dytë, a mban mend çfarë të ka thënë Ahmetaj në korridorin e kryeministrisë për investimin publik të Fierit. E treta, çfarë ka ndodhur...

Peka: Çfarë i keni thënë...

Ahmetaj: Nuk ka rëndësi, pyeteni ta kujtojë. E treta, çfarë ka ndodhur në verën e 2017 që në 31 gusht u firmos Tirana. Unë e kam kundërshtuar Tiranën. Çfarë ka ndodhur me aktorët. A mund ta pyesni këtë kryeministrin e drejtësisë së re, pyeteni të ju kthejë përgjigje. Zero me Elbasanin.

Peka: Zero komunikim për Elbasanin, zero për Fierin ...

Ahmetaj: Për Fierin, investim publik në fazën fillestare të investimit publik, jo të procedurës kam biseduar me të në korridor të kryeministrisë. 

Peka: Po për Tiranën...

Ahmetaj: Për Tiranën janë letrat, refuzimi. Po, janë letrat.

Peka: Kur e keni refuzuar, çfarë ju ka thënë...

Ahmetaj: Çfarë të më thotë, kush ka punuar me mua që pastaj del në ekran dhe thotë, ai ska folur, ka heshtur, e di shumë mirë që nuk më mbyllet goja. Madje në një moment i kam thënë, edhe publikisht që, ndoshta doja do të jetë dhe armiku im. Nuk më mbyllej goja për këto gjëra.

Peka: në fakt kjo është pjesa më interesante. Ja çfarë keni thënë përpara se të fillonte ky sulm prej Edi Ramës ndaj jush.  Zero komunikim për Elbasanin dhe komunikim me shkresa për Tiranën ku keni refuzuar. Keni thënë, nuk isha unë atë fuqinë madhore të firmosja 17 vkm brenda ditës.

Ahmetaj: E dini pse e kam thënë atë? Jo për të bërë fajtor dikë, apo këdo, unë e kam thënë për ti treguar Edi Ramës dhe SPAK që kam qenë jashtë procedurës dhe që procedura është bërë në mënyrë të drejtpërdrejtë kolegjiale me vendim të Këshillit të Ministrave. Për çfarë i vijnë vërdallë Elbasanit. Ka dy teori interesante konspiracioni. Kur ka teori konspiracioni të pavullnetshme dhe të vullnetshme të promovuara dhe sponsorizuara e vërteta fundoset, nuk ka më vlerë. Ku është bazuar e gjithë kjo historia e Ben Ahmetaj dhe inceneratorëve. Te njohja ime me Mirel Mërtirin. Tani kur dalin letrat unë e kam refuzuar inceneratorin e Tiranës. Sa për dijeni, pyesni dhe prokurorët, pyesni dhe Belinda Ballukun, kanë dalë me humbje kompanitë dhe te Fieri e Elbasani. Unë e kam kundërshtuar Tiranën. Kjo bullshit që këta thonë nëpër ambasada, nëpër media, jo po fjetja atje, fjeti këtu, fjetën bashkë apo veç, nuk ka lidhje fare. E nuk ka lidhje fare me akuzat që bëjnë. Të them dhe stilin e akuzave. Unë kam marrë dhe prevaluar në varësi të interesit publik, pavarësisht miqësisë së dikurshme që kisha me një njeri normal, që nuk është pronari i inceneratiorit të Tiranës. Ja kanë marrë, ata djem janë masakruar. Ata janë përdorur edhe nga SPAK në mënyrë ilegale. Herën e tretë do të nxjerr se për veset e mia imagjinare kanë përdorur komunikim ilegal mes Altin Dumanit dhe inceneratorëve. Ta zgjidhë vetë Altin Dumani, se si e ka bërë këtë gjënë. Këtë e ka me veten dhe me publikun një ditë. Si ka mundësi që kërkohet kjo gjëja, nga e ka ditur Altin Dumani, për pseudo sajesa vesesh. Edhe po ti kisha veset, unë në punën time zyrtare ...

Peka: Altin Dumani po ju heton edhe për sjellje të pahijshme...

Ahmetaj: Besoj tani në qëllim të angazhimit që ka marrë ndaj uzurpatorit në reformën në drejtësi të Edi Ramës, indirekt Erion Veliajt, indirekt dhe Belinda Ballukut dhe Ulsi Manjës, të bëjë salto mortale.

Peka: Është koha të flasim konkretisht. Ju keni refuzuar inceneratorin e Tiranës. Pyetja është, ju refuzuat, kush e miratoi. Çfarë roli ka Edi Rama dhe Erion Veliajt tek inceneratori i Tiranës dhe a u prish miqësia juaj me Mirel Mërtirin kur refuzuar inceneratorin e Tiranës. Këto janë gjëra që kërkojnë përgjigje. Vera e 2017, të hetohet çfarë ndodhi në fund të gushtit të 2017. Kush e bëri të mundur inceneratorin e Tiranës?

Ahmetaj: Kush e bëri të mundur...

Peka: Këtë duhet të ma thoni ju...

Ahmetaj: Edi Rama, Erion Veliaj. Edi Rama, Erion Veliaj. Ishte i bllokuar. Pyeteni mbase në një moment vendos të jetë i sinqertë Edi Rama, se çfarë ka komunikuar dhe me kë në verën e 2017. Mbase vendos të mos bëjë atë batutaxhiun, por i shkas ndërgjegja dhe të thotë, çfarë garancie jo formale ka kërkuar, nga kush e ka kërkuar, çfarë bisedash janë bërë, etj.

Peka: Ka komunikuar me ju në gusht të 2017, Edi Rama me ju.

Ahmetaj: Për këtë gjë? A e dini se çfarë komunikimi kam pasur unë me Edi Ramën gjatë 2017, që isha në spital se isha aksidentuar me Mirel Mërtirin dhe aty bazohet dhe teoria e konspiracionit për të thithur në sifon të vërtetat. Kishte nevojë për një akt normativ që të rishikonte investimet dhe jam ngritur nga shtrati dhe kam thirrur punonjësit e ministrisë së Financave në spital për të bërë aktin normativ, gati që ditën që krijonte qeverinë e re të ecte përpara me shpejtësi. Këtë kam bërë unë. Jo nuk ka komunikuar me mua për inceneratorin e Tiranës, nuk kishte nevojë të komunikonte me mua, se unë nuk isha as përdorues, as klient as autoritet kontraktor, unë kisha lënë shkresa.

Ahmetaj: Kisha lënë shkresa, e zezë mbi të bardhë. Aty është dhe gjithë kjo historia.

Peka: Në raport me Edi Ramën, a është ky gabimi i jetës që ka bërë Arben Ahmetaj, ajo shkresë dhe refuzimi.

Ahmetaj: Jo, jo. Nuk kam unë pendesa.

Peka: A ka filluar këtu përplasja ...

Ahmetaj: Përplasje me kryeministrin, kam pasur ditët e mia të mira dhe të këqija, jam përplasur shumë herë me kryeministrin. E dinë këta që janë të gjithë aty.

Peka: Me ju nuk paska komunikuar Edi Rama, për inceneratorin e Tiranës se keni bërë refuzimin. Thatë pak më parë se, në rast se ai do të mbizotërojë sinqeriteti dhe të flasë, të tregojë se me kë ka komunikuar dhe çfarë ka komunikuar. Çfarë garancish informale ka kërkuar. Me kë ka biseduar ai?

Ahmetaj: Pyeteni. Për momentin nuk e di.

Peka: Më vonë prisni të ju vijnë informacione?

Ahmetaj: Pyeteni. Me vonë mund të vijë dhe kujtesa. A e shtymë intervistën për shkak të kovidit. Kur të pastrohet mendja dhe truri nga kovidi, mund të vijnë ...

Peka: Çdo gazetar do të bënte këtë ndërhyrje: Arben Ahmetaj, ju e dini se çfarë ka komunikuar, se si ka ndërhyrë, por nuk po e thoni sepse po jeni mesazh.

Ahmetaj: Jo, nuk është kështu. Nuk kam unë çfarë të jap mesazh. Mesazhin tim e kam dhënë. Jam katërfish i motivuar ti shkoj të drejtës time, familjes time, deri në fund. Unë sot ndihem në një surealitet, sikur të isha një familje çifute në Poloni në vitin 1939-1940. Atë persekutim ndjej. Që nga fëmijët, ish-gruaj, gruaja, që nga ish-kunati, kunetërit, motra, shokët, nga kontaktet e mia të jetës, masakër. Altin Dumani thotë që skam njerëz dhe nuk merret me inceneratorin e Tiranës, ku është bërë gropa me OLAFI-n, sterilizimin, rrugët që është gropa miliardëshe. E di çfarë ka thënë Edi Rama, se nuk ja ke vënë veshin e se e pëlqen e dimension tjetër ...

Peka: Nuk e pëlqej fare, por kaq shumë skandale ka bërë qeverisja juaj, ku keni qenë pjesë, sa nuk di çfarë të thuash më përpara.

Ahmetaj: E di çfarë ka thënë kryeministri.

Peka: Arben Ahmetaj vendosi të flasë publikisht vetëm kur u sulmua personalisht.

Ahmetaj: Patjetër. Kam folur brenda deri kur isha brenda. Tani jam jashtë, do flas jashtë.

Peka: Çfarë ka thënë kryeministri.

Ahmetaj: Ka thënë; Thembra e Akilit të korrupsionit janë tenderat. Tani do të të sjelle katër shembuj.

Peka: Para se të shkojmë këtu, se dhatë një deklaratë shumë të fortë qepar dhe nuk dua ti kthehem pas sepse dua ti marr me radhë. Arben Ahmetaj nuk ka përgjegjësi për inceneratorin e Tiranës dhe është bërë me ndërhyrjen e Edi Ramës dhe Erion Veliajt. Pyetja ime është; keni thënë aty janë vjedhur miliona euro. A ka përgjegjësi Rama e Veliaj?

Ahmetaj: Unë mendoj që përgjegjësi ka sot dhe Altin Dumani. Pse ka dhe ky për inceneratorin e Tiranës. Tha se kemi merak për arbitrazhin. Unë do të ju sjell një shembull alogjik, llogjike.

Peka: Altin Dumani ka përgjegjësi, ata kanë përgjegjësi apo jo?

Ahmetaj: Do të vijmë, po të përdor një rast të një alogjike të ministres Balluku. Ka refuzuar ti paguajë paratë e fundit inceneratorit të Fierit që është investim publik. Kjo në një dimension është praktikisht dëm ekonomik për një vepër e cila degradon. Në anën tjetër pse nuk përdoret e njëjta alogjik tek inceneratori i Tiranës. Ndërpriteni sot gjakderdhjen buxhetore, ndërpriteni. Anulojeni kontratën sot dhe ndiqni paratë. Mos më ndiqni pllakat e banjës së Eriolës. Ndiqni dhe ato. E dini ju se kanë thërritur dëshmitarë dhe i kanë kërcënuar.

Peka: Si i kanë kërcënuar?

Ahmetaj: Ky i ka thënë dikujt, është hera e fundit që unë të thërras si person në dijeni, nëse ti nuk ndërron dëshminë. E di çfarë i ka thënë dikujt, prokurorja Enkelejda Millonaj.

Peka: Altin Dumani i ka thënë dikujt, që nëse ti nuk e ndërron dëshminë, herës tjetër nuk të thërras më si person në dijeni...

Ahmetaj: Po në korridor, se nëpër dhoma kanë kamera.

Peka: Po Millonaj çfarë ka bërë?

Ahmetaj: Millonaj i ka thënë një gruaje kur e ka pyetur, do të të çoj tek vendi i shurrës. Kjo përfaqësuesja e drejtësisë së re, i flet sikur të jetë gestapo një qytetareje përballë.

Peka: Për çfarë arsye?

Ahmetaj: Për çështjen time, trego ti të vërtetën se unë ty do të të çoj tek vendi i shurrës. Sikur të jetë gestapo. Kjo është drejtësia e re, këtë kemi aspiruar. Për këtë kemi votuar. Jo. Për këtë kanë aspiruar SHBA, që janë e vetmja garanci, që i gjithë ku degradim i kësaj drejtësie të re, të rregullohet, që të drejtat e njeriut dhe prezumimi i pafajësisë të rivendosen. E vetmja garanci janë SHBA.

Peka: Asnjë garanci nuk janë. Të kthehemi tek thelbi. Është vjedhur tek Tirana, miliona euro. Ju e keni refuzuar e ka shtyrë Rama e Veliaj dhe me këto që po shoh, edhe Belind Balluku. Kush i mori këto para që janë vjedhur?

Ahmetaj: Nuk e di, nuk është detyra ime. Unë kam kërkuar ndjekjen e parave, këto ndjekin kunatën e Eriolës nga pas.

Peka: I mori Mirel Mërtiri këto para...

Ahmetaj: Çfarë Mireli, ai është viktimë. Një djalë dikur punëtor, këta e kanë përdorur dhe e kanë eliminuar dhe syrgjynosur. Mos e zini më Mirel Mërtirin, e gjithë historia është një zhvillim i teorisë së konspiracionit se Mërtiri dhe Zoto janë kokat. Kush e ka bërë Tiranën?

Peka: Kush e ka bërë inceneratorin e Tiranës?

Ahmetaj: E ka bërë Edi Rama dhe Erion Veliaj.

Peka: Dhe dëmi ekonomik do të shkojë 700 milionë euro...

Ahmetaj: Do të shkojë nëse nuk ndërpritet sot. Dhe cila është arsyeja që nuk ndiqen paratë.

Peka: Dhe dëmi ekonomik do të shkojë 700 milionë euro nëse nuk ndërpritet sot dhe po thoni se Mirel Mërtiri është viktimë. Inceneratorin e Tiranës e ka bërë Edi Rama dhe Erion Veliaj.

Ahmetaj: Mirel Mërtiri është viktimë. Është përdorur. Mërtiri një djalë punëtor dikur, që ngrihej në orën 5 të mëngjesit, e futën në një rrugë me xm y, z,  që do ta themi në detaje tek takimi ynë i tretë. I kanë thënë se, ai maskarai ju ka penguar. Unë nuk kisha fuqi ti pengoja se nuk merrja dot pjesë në procedurë. Isha në një pozicion që nuk kishte lidhje me procedurën. As nuk isha autoritet kontraktor.

Peka: Por keni refuzuar me një shkresë...

Ahmetaj: Kam refuzuar patjetër. Kam kërkuar që të gjithë rrisqet e një investimi publik të ishin me privatin. U ka pëlqyer apo jo, punë e tyre.

Peka: Ju po thoni se, Mirel Mërtirit i është thënë që ju i keni penguar tek inceneratori i Tiranës...

Ahmetaj: Kur i kanë dërguar diku tjetër, jo në zyrën e të madhit (Edi Rama), por diku tjetër. Ai i kontrollon të gjitha. Madje dhe lutjen për mua, përveçse është pronari i flamurit, atdheut, që unë jam pa atdhe, që unë jam derri në pyll, pra unë isha një derr në pyll. Për këtë dhe mediat shqiptare ishin kazani, se kështu i trajton mediat, si kazani që nga Top Channel, tek Karlo. Kryeministri ka thënë me të drejtë, që thembra e Akilit të korrupsionit janë tenderat. Thashë do sjell katër shembuj.

Peka: Ju po thoni shumë gjëra... në cilën zyrën e dërguan Mirel Mërtirin...

Ahmetaj: Nuk e di në çfarë zyre. Le të investigojë Altin Dumani, mos të merret 5 herë, se pas daljes time të intervistës, përveç se bëri akuza familjare, persekutim si çifute, si në 39-40 në Poloni, përveç se bëri persekutim familjar, përtej kufijve ligjor, tani e ka për detyrë të investigojë që të mos ketë gjakderdhje. A ka thënë kryeministri që, thembra e Akilit të korrupsionit janë tenderat. Katër shembuj. Infrastruktura me të gjitha institucionet e varësisë, ka bërë diku tek 10 miliardë euro tendera nga 2019.

Peka: Belinda Balluku që nga 2019, 10 miliardë euro tendera...

Ahmetaj: I kam shifrat, se i kam në kompjuter, se mi sjellin vetë njerëzit e tyre. Erion Veliaj diku tek 5-6 miliardë euro. Pa lejet e ndërtimit. Shëndetësia diku te 2-3 miliardë euro. Arben Ahmetaj në të gjitha pozicionet që ka pasur, zero lek. Katër shembuj. Altin Dumani, pasi i tregohem si target sulet dhe refuzon të hyjë tek inceneratori i Tiranës, ku gjakderdhja është tmerr. Tani, të të them një gjë. Imagjinoje sikur unë për një sekondë, të solla katër shembuj. Prezumimi i pafajësisë është prezumim, po të solla katër shembuj, për statistikë. Belinda Balluku që nga 2019 me të gjitha institucionet e varësisë, gati 10 miliardë euro. Erion Veliaj diku mes 5-6 miliardë, pa lejet e ndërtimit. Shëndetësia diku te tre. Unë zero. Pra unë nuk qekam tek thembra e Akilit.

Peka: Në jetën tuaj si zyrtar, ju keni zero vlerë të tenderuar. Belinda Balluku 10 miliardë euro tender, Veliaj 6, Shëndetësia 3. Ndërsa Rama ka thënë se, thembra e Akilit në korrupsion janë tenderat. Ju zero tendera, këta nuk hetohen.

Ahmetaj: Unë po të isha, thotë, po të isha prokurori dhe gjykatësi, unë do ta çoja këtë në të s’ëmës. Mua do më çonte në të s’ëmës. Shiko, se të gjithë teorinë e konspiracionit e ngre mbi këto dy shtylla. Është e qëllimshme teoria e konspiracionit që të varrosë të vërtetën. Shiko se ky e ka njohur Mirel Mërtirin. Po e kam njohur, pse nuk fole ti me mua për Elbasanin, por kërkove 17 vendime të vijnë për një sekondë, e bëre me prokurim të drejtpërdrejtë dhe me demek bëre fajtor atë që nuk është fajtor dhe është në burg. Ku e gjete këtë njohje. Po tek Tirana, pse e bëre ti. Unë kisha refuzuar, unë që e njihja. Dhe tjetra pastaj, që ky prishi unitetin e PS. E ke parë si po hahen tani, janë gati të vriten me njëri-tjetrin. Pas ikjes time, që unë prishja unitetin, duhej që uniteti aty të ishte spektakolar.

Peka: A janë gati realisht të përplasen?

Ahmetaj: Janë gati të hanë kokat e njëri-tjetrit. Unë i shoh,  unë e di se çfarë bëjnë me njëri-tjetrin, kush çon dokumente për kë. Nuk kam unë të kem dërguar dokumente. Njërën e kam dashtur si motrën time, tjetrin e kam dashtur si ta kisha vëlla të madh. Më kanë nxjerrë në pritë.

Peka: Motra ishte Belinda, vëllai ishte Rama ...

Ahmetaj: Nuk ka gjë tani, respekto dhe këtë gjënë time, jam ...

Peka: Respektoj dhe publikun që të jemi sa më shumë konkret. Dhe ju kanë nxjerrë ne pritë.

Ahmetaj: Në pritë ...

Peka: Edi Rama, Belinda Balluku ...

Ahmetaj: Erion Veliaj, mos e harroni. Dhe shiko çfarë bën Erion Veliaj. Veliaj kërcënon Edi Ramën, unë nuk e dija çfarë ndodhte me 5D, me këtë, me atë, si dhe kryeministri nuk dinte çfarë bënte zv/kryeministri. Po ua them tani, Edi Rama e ka ditur 100% çfarë kam bërë unë. 100%, por ky i dërgon mesazh kërcënimi; unë e di çfarë ke bërë ti. Ky. Të thuash, e di çfarë ka bërë zv/kryeministri, ti e di, ku e ke. Ky nuk ka asnjë firmë, asgjëkundi. Ky firmë ka vetëm tek ulja e borxhit dhe deficiti. Kaq ka firmë ky njeri dhe tek dalja në tregun ndërkombëtar dhe tek sigurimi i financimit të rindërtimit dhe tek ligji i rindërtimit që unë duhet të bëja zero tendera. Dhe kam bërë zero tendera. E dini çfarë i bëjnë asaj Ola Xamës. E masakruan që ta fusin në komplekse. I thonë ke marrë tendera, të ka dhënë Ben Ahmetaj tendera rindërtimi. Ndërkohë që dhe e kanë kompleksuar. Një gazetar nuk kompleksohet, por burri i saj paska marrë nënkontraktime nga kompanitë që kanë marrë tendera tek Bashkia e Tiranës, unë skam bërë asnjë tender rindërtimi. Zero. E kam shënuar vetë në ligj. Pra imagjino Çim Peka, të të them një gjë; sikur unë të kisha bërë IPARD-in. Sikur unë të kisha bërë 5D. Nuk e kanë bërë këta djemtë që janë brenda, 5D. Sikur unë të kisha bërë gjithë zallamahinë e rrugëve, sikur unë të kisha bërë gjithë zallamahinë e energjisë. Sikur unë të kisha bërë AKSHI-n. AKSHI është kopshti privat i Edi Ramës.

Peka: AKSHI është kopshti privat i Edi Ramës?

Ahmetaj: Imagjinoni sikur punonjësit e mi të kishin bërë 5D, të kishin bërë tenderat e rrugëve, imagjinoni sikur punonjësit e mi të kishin bërë këto pagesat e Tigrave në Vlorë. Mua Edi Rama si pionieri i antikorrupsionit të kontrolluar dhe Altin Dumani të dy bashkë si heronjtë e fëmijëve tanë do të dilnin të dy me nagantë të më vrisnin në rrugët e Tiranës dhe pastaj të merrnin trupin tim ta dënonin me 20-30 vite burg pas vdekjes. Këta po masakrojnë familjen time në gjenezë, zero tendera, zero firma. Bazuar e gjitha, ky e ka njohur atë. Edhe sikur të kishte qenë ideja ime. E kam thënë herën e parë, nuk marr vesh nga mbetjet, unë e di mirë se nga çfarë marr vesh. Ideja dhe zbatimi janë dy gjëra të ndryshme. Kujt ja shesin këto teori konspiracioni, venë në ambasada të dy e të tre; na zhgënjeu.  Ndërkohë zero firma, paratë e inceneratorit të Tiranës, nuk gjenden dhe fajtorët e vërtetë nuk janë përballë drejtësisë.

Peka: Ju merrni vesh nga mbetjet, ju keni punuar për 11 vite me mbetje. Vetëm kur era e mbetjeve vjen tek ju, ju reagoni. Morët disa shembuj ku ka gjakderdhje financiare të tmerrshme, sot e mësuat? Tek kolegët e RAI-t, një dëshmi deri diku e vjedhur, ju keni pohuar se ju keni parë në zyrën e kryeministrit grupet më të frikshme kriminale dhe ky vazhdon e bashkëpunon me ta. Këto nuk janë gjë tjetër veç se mbetje, e ju keni vazhduar të punoni me ta e nuk keni reaguar publikisht. Prandaj ju vetëm që merrni vesh nga mbetjet, por këto mbetje duhet të na kishit ndihmuar me kohë ti largojmë.

Ahmetaj: Unë e kam bërë punën time dhe nuk heq asnjë presje nga ato që kam thënë. Kam thënë se çfarë kam thënë. Edhe nëpër ritrite qeveritare, edhe nëpër mbledhje qeverie, i kam thënë unë.

Peka: I keni thënë kryeministrit pse shoqëroheni me grupe kriminale?

Ahmetaj: Unë ti them kryeministrit pse shoqërohesh me grupe kriminale? Unë e kam marrë vesh se kush ka hyrë e ka dalë, shumë më pas, kur është bashkuar fytyra, zëri dhe emri. Nuk është detyra ime. Unë kam detyrë personale. E ka përgjegjësinë personale. Si mund të shkohet e ti kërkohet licencë kazinoje kryeministrit. Pse çfarë është ky, shpërndarës i licencave është ky. Ky cakton arkitektët, jep licencat e energjisë, jep lejet e ndërtimit, ky jep ishujt, gadishujt. Çpunë ka ky, a ka përgjegjësi, a ka procedurë. Po ka punë, edhe ngjyrën e godinave e vendos, për të kuptuar se nuk ka asgjë atje që nuk kalon në tryezën e tij. Prodhuesi i parë i mollave, dardhave dhe pjeshkave. Pastaj del e bën batuta, kanë ngrënë dardha në kurrizin tim, e ankohet ky për PS se po përballet me drejtësinë. Me kë drejtësi, me këtë që ke deformuar ti. Nuk ishte kjo drejtësia që deshëm. Me dy standarde. Njerëzit që ti do nuk i prek. Ti nuk do të preket Erion Veliaj, ti e ke futur Erion Veliajn në psikologjinë e njeriut që është në buzë të greminës. Pse nuk e dorëzon. Ti nuk e dorëzon, se ti e do gjysëm të vdekur. Edhe Erioni ka të drejtën të jetë i prezumuar i pafajshëm. I keni parë diskutimet dhe kërcënimet me njëri-tjetrin se kanë bërë marrëveshje pa fund. Dhe ky thotë, ta mbaj gjysëm të vdekur, sepse po më funksionon strategjia. Ja kam futur opozitës, gjithë opozita merret me Veliajn, unë atë dua, që të merren me të. Po më funksionon strategjia. Këtë nuk e lë të vdesi, larg qoftë jo fizikisht, e mbaj aty te buza e greminës dhe aty është tensioni. Larg meje tensioni. E ka strategji. E ka futur me qëllim Erionin në këtë lloj psikologjie.

Peka: Dhe ju po thoni që po e mban Erion Veliajn, nuk po e lëshon.

Ahmetaj: As nuk diskutohet, nuk jemi për të vënë bast me drejtësinë.

Peka: Kaq ndikim ka mbi Altin Dumanin sipas jush?

Ahmetaj: Jo vetëm mbi Altin Dumanin, por mbi të gjithë strukturën e drejtësisë. I di me detaje, kemi kohë të flasim me emra dhe mbiemra. Do jemi tek takimi i tretë dhe i katërt, unë nuk ndaloj. Ky është një nga 6 emrat, që nëse më ndodh, del dosja dhe rekordet. Po. As nuk dua të ja di fare.

Peka: Ky është një nga 6 emrat ... Edi Rama?

Ahmetaj: Po mo po. Nuk ka rëndësi. Janë 6 emra, që nëse më ndodh gjë janë personat përgjegjës, me emra dhe me profilizime pse.

Peka: Nëse ju ndodh gjë ju?

Ahemtaj: Po dhe nuk dua të ja di.

Peka: Ju po thoni se diku keni depozituar garancinë...

Ahmetaj: Nuk është garanci, nuk janë të rëndësishme për qytetarët se çfarë kam bërë unë. Unë jam një individ i akuzuar padrejtësisht dhe i përdorur si kokë turku për të mbyllur aferën e inceneratorëve. Nuk i shkoj, sepse ajo gjëja është bërë kavaletë. E kupton çfarë ka ndodhur. Nuk ka incenerator dhe nuk janë paratë. Kontrata me 1 mln dollarë në muaj dhe andej e këtej. Media e përfshirë. A kam thënë tek intervista që ka një strukturë që ja di krahët, por nuk ja di kokën që praktikisht përfshin politikë-media-incenerator. A doli TCH i përfshirë, Endrit Habilaj. Më vjen keq. Nuk e dua, nuk dua të shoh kënd në situatën që jam. Janë përdorur nga Vjollca Hoxha. Si ka mundësi që TCh nuk flet fare për Eco Parkun. Pse? Ka thënë një ish-krushqia ime se TCH është partizan i antikorrupsionit. Ku e ke? Ka folur 2 muaj për mua. Për asgjë. Janë marrë me jetën time. Pse? Paguar nga inceneratorët, faktet po dalin. Kontratat e shitblerjeve të aseteve të kompanive, i përfshirë drejtori i TCH. Sa herë del ndonjë lajm episodik për mua, TCH nxiton ta nxjerrë, Karlo po, i paguar nga inceneratorët. Të gjithë janë të paguar nga inceneratorët. Edhe ai që ka bërë akuzën e ka deklaruar, ka thënë se më kanë bërë kontratë me Klod Zoton, kanë ngatërruar emrin. Ka bërë me një nga inceneratorët për të më goditur mua. Okej, e bëri, mirë bëri, nuk kam gjë unë me të, është mercenarë.

Peka: Gazetari që ju ka denoncuar ju, Adriatik Doçi ka bërë kontratë...

Ahmetaj: Unë kam me drejtësinë që përdoret, me median që është përdorur, me politikën që ka ndërhyrë. Të tre këta. Me miqtë e mi që nuk lexuan dosjen dhe ti thonin Altin Dumanit; çfarë je duke nxjerrë, shiko çfarë ke shkruar, megjithëse ky nuk ka firmë dhe nuk ka qenë i pozicionuar në funksione përgjegjësie, mendohet të jetë koka e inceneratorit? Si, me frymën e shenjtë? Komplet drejtësi e kapur. Shiko dhe rastet e tjera. Rasti Beleri, se dhe atë njëlloj si mua, i bën gjyq popullor. Është stil i vjetër sovjetik, të bëjnë gjyq popullor, ky është maskara, ka vese, pastaj çojnë dosjen kaq të madhe tek gjyqtari me bullshit dhe gjyqtari thotë; Arben Ahmetaj, ky është maskara se e kam dëgjuar tek TCH. E çfarë të lexoj unë tani këtë e ndërkohë këtu tek veshi i thotë Altin Dumani; gjykata bën afërmendsh atë që i kërkojmë ne. Të dënohet me 200 vite burg. Po dale se nuk ka firmë. Dmth është përmbysur sistemi. Dhe po ta them që Edi Ramës i pëlqen që Shqipëria është nën terror antidrejtësie. Se terrori i antidrejtësisë është mpirja e ndërgjegjes së klasës së mesme duke injektuar frikë. Dhe nuk është PS kjo. PS është partizane liberale e një shoqërie demokratike. Nuk është kjo PS, është ky dhe të mos dalë me batuta e të vazhdojë sa të dojë.

Peka: Ish-PS mund të jetë ajo që thoni ju.

Ahmetaj: Jo mo jo, aty është shpirti. Ka dashur të flasë Fatmir Xhafa. Të më falë, por i di të gjitha çfarë ndodh në PS, kryeministri, bashki, tek ministria e Infrastrukturës. Të gjitha.  Dhe tani kanë nisur qytetarët e dërgojnë pafundësisht dokumente, sikur nuk më mjaftojnë ato që kam.

Peka: Jeni bërë qytetar digjital në ekzil...

Ahmetaj: Unë kam një natyrë tjetër, jam shumë i drejtpërdrejtë për tu bërë qytetar digjital, nuk e bëj dot unë atë. Pra me PS kam vetëm këtë. Leximin e dosjes sepse ka njerëz me shumë integritet. Ka dashur të flasë Fatmir Xhafaj, e ka ndaluar ky të flasë. E ka ndaluar të flasë. I di të gjitha.

Peka: Ku ka dashur të flasë Fatmir Xhafaj.

Ahmetaj: Ditën që u hoq imuniteti im, ka dashur të flasë për parimin. Prit, se prezumimi i pafajësisë. E ka ndaluar ky.

Peka: Një njeri me integritet nuk e ndalon dot kush të flasë. Kush e ndaloi të flasë më vonë. Njëra që ndahemi bashkë dhe nuk kemi për të qenë ndonjëherë bashkë është raporti dhe gjykimi juaj për PS. Unë e konsideroj organizatë kriminale, ju si PS.

Ahmetaj: Më the, fakte, fakte. Do fakte ti. Oborri i kryeministrit.  

Ahmetaj: Doni fakte, doni oborrin e familjes së Edi Ramës. Meqë është futur tek familja ime, kanë kaluar derën në mënyrë të paligjshme. Shumë e kollajtë është të futesh brenda shtëpisë së një burri, nuk e di sa kollaj është të dalësh. Ja AKSHI ku është. Ka 8 muaj që investigohet, është bërë një përgjim ambiental që është në SPAK, edhe mund ta zhdukin, por dikush e ka tjetër. Dikush e ka, dhe ai dikush më ka garantuar se një kopje e saj, është në një kuti. Kanë bërë përgjim ambiental ku është përfshirë familja e kryeministrit tek AKSHI. 43 mln nëpërmjet prestanomeve.

Peka: Ka rënë familja e kryeministrit tek AKSHI në përgjim ambiental...

Ahmetaj: I është përmendur emri për shumë, shumë gjëra në atë përgjim ambiental. Nuk janë thashetheme. Dhe që atë ditë, ABS që ka qenë një prestanome e njerëzve të afërt të kryeministrit, prestanome, që ka marrë 43 mln, që është rritur në mënyrë të papritur, ju këput filli trak. Pse, se u thërrit në SPAK dhe deponoi. U thërrit në SPAK dhe deponoi. Çfarë ka thënë  në SPAK unë e di. Me siguri edhe kryeministri e di. Deri sa e di unë, sigurisht që e di dhe kryeministri. Këtu janë 43 mln. Dhe tani është në kontroll të dikujt tjetër. AKSHI është tmerr. Danieli është kërcënuar. Tani ata që e kuptojnë e dinë shumë mirë që të mbylli gojën. Danieli është kërcënuar nga vetë kryeministri që të mbyllë gojën. Le të dalë e të bëjë batuta, jo tha...

Peka: Danieli kush është?

Ahmetaj: Një ish-punonjës i ABS.

Peka: Është kërcënuar nga kryeministri?

Ahmetaj: Po, drejt për së drejti. Ta thashë edhe njëherë, le të dalë me batuta. Ky i kërkuari, ky derri në pyll, ky pa atdhe.

Peka: Të ikim ne nga batutat.

Ahmetaj: E dyta, tuneli i Llogarasë ëshë një aferë perse, korruptive. Dmth, një kompani shqiptare shumë dinjitoze ka garuar në tender dhe ka fituar. Ja kanë anuluar. E ka fituar me 140 mln euro. Pasi janë bërë takime në Ankara, le ta zgjasim këtë punën e batutave se do të ju them detaje. I është dhënë tenderi një kombinimi turk i cili sipas...

Peka: Kush i bëri bisedimet në Ankara...

Ahmetaj: Të gjithë i ke me fotografi. Sipas të gjithave analizave që unë i kam bërë bilancit nuk ka sjellë asnjë makineri. Përsëri punën e ka bërë nënkontraktori prestigjioz Gjokaj. Ama kompania turke, fiton pas taksash, në përllogaritje në referencë të bilanceve kontabël të tyre që unë i kam studiuar me vëmendje, kombinimi turk 32 mln euro. 32 mln pabërë asgjë. Meqë deshët fakte. Meqë më thatë së, dikush thotë që unë nuk kam fakte. Unë nuk jam 007, nuk ka bërë kush deal me mua për 1 mln arsye. Me kë i bën deal i di vetë ai. Le ti urdhërojë të gjithë gangsterët, kriminelët. E di ca i thotë qeverisë, më gjeni patjetër çfarë ka bërë Ben Ahmetaj. E thotë në mbledhje qeverie, ma thonë njerëzit  e tij. Pra, kombinimi turk vetëm ka faturuar fitimin. Zero makineri dhe pajisje, gjithë punën e ka bërë firma shqiptare. Pyetja është pse ja hoqën Gjokës, këta ai e ka bërë gjithë punën. Pse ja hoqën, 140 mln, pse u shtua e shkoi 190 mln euro, me kursin e sotëm. Çfarë ka ndodhur në Ankara. Kujt i tregon ky korrupsion në tendera. Ja ku e ke. Do Altin Dumani të ndjekë pllakat. Ju hoq tenderi Gjokës me presion, i cili ofroi 140 mln euro. U ritenderua 190 mln euro me kursin e sotëm dhe një procedurë e parapërgatitur e merr ‘InterkarASL’, kombinim turk. Kombinimi turk nuk ka sjellë asnjë makineri dhe pajisje në Shqipëri. Gjithë punën e ka bërë Gjoka.

Peka: Pra ju dha dikujt me 50 mln euro më shumë kosto?

Ahmetaj: Po. Dhe punën e bëri i njëjti gjë që e anuluan. Se ai është i specializuar për tunelet.

Peka: Dhe marrëveshja është bërë në Ankara.

Ahmetaj: Po patjetër, le të thonë sa të duan, jo takime zyrtare. Duan ta vazhdojnë bisedën le ta vazhdojnë.  Ky Altin Dumani, heroi i fëmijëve të mi, pse nuk merret me gjakderdhjen ...

Peka: Ministrja përgjegjëse për këtë tender, Belinda Balluku? Ishte Belinda Ballukunë Turqi kur u bë ky takim.

Ahmetaj: Merrni dhe investigojeni ti dhe Altini. Ti si gazetar e Altini si prokuror. Jooo do futeshin tek unë, ta çojmë në të s’ëmës këtë, se kështu na ka thënë ky burri i madh i shtetit.

Ahmetaj: E dini sa paga ka paguar turku? 2 mln euro paga. Bechtel paguante 50 mln. Imagjino edhe menaxhimin e ka bërë Gjoka, këta kanë marrë para ekstra pa bërë gjë. Le ta investigojnë, nuk kanë këllçe ta investigojnë se i del ai që i del, siç i thotë njerëzve; o Zot kudo që ne hapim një dosje, na del ai, për kryeministrin. Dhe nuk ka këllçe ta vazhdojë. E ka thënë, ja them unë Edi Ramës, kështu e ka thënë. Që sa herë hap një dosje i del ti, sipas atij. Ti që ke thënë që, thembra e Akilit të korrupsionit janë tek tenderat, që Infrastruktura ka bërë gati 10 miliardë tendera, bashkia 6, shëndetësia 3 miliardë euro tendera dhe Ben Ahmetaj zero. Dhe ky urdhëroka arrestim për mua. Dhe fillojnë njerëzit, që o vëlla po, patjetër që është politike, por kështu janë këta. Ou. Dmth Shqipëria është vari leshtë për këta. E drejta është vari leshtë për këta. Reforma në drejtësi është vari leshtë për këta, sepse këtu kemi Kim Jongun që komandon me batuta të gjithë nëntokën dhe mbi tryezë dhe u dashka që të bëjnë një ish/zv-kryeministër kokë turku që ta përdorim dhe si statistikë se na duhet suksesi. Ja ku e ka faktin, meqë deshët fakt.

Peka: Kaluam nga AKSHI, tek tunelet...

Ahmetaj: Çështja Beketi. E di ti pse nuk është hetuar çështja Beketi dhe është përmbysur. E di ti si e ka fituar Beketi çështjen në Nju Jork.

Ahmetaj: Jo nuk e di. Mesazhe kërcënuese nga autoritetet shqiptare. Pse nuk e merr dosjen. Po të investigohet ajo, dëmi që ka ardhur nga 2 persona, shkon 120 mln euro interesi. Pse u refuzua komisioni hetimor për Beketin. Cila ishte arsyeja?

Peka: Ju keni qenë brenda, ju e dini.

Ahmetaj: Ja kjo është arsyeja, sepse aty do të shkohej të merrej dosja, do të lexoheshin sms, kërcënimet.  U marrka njeriu që nuk na pëlqeka, dakord që Beketi nuk është njeri i mirë, manipulator arbitrazhes, por ka gjyqe ndërkombëtare që e ka fituar e bazuar në komunikim e kërcënime arbitrare nga autoritetet shqiptare. 120 mln. Ku është Altin Dumani. Është i shqetësuar për pllakat e banjës së Eriolës, por jo për 120 mln eurot ...

Peka: Ndoshta për rastin Beketi, Dumani është nisur dhe nga intervista juaj në Neës24, kur Beketi fitoi gjyqin, kur keni thënë se, ato para nuk do ti marrë kurrë.

Ahmetaj: Nuk ja jepja. Po të isha prap ministër Financash nuk do të ja jepja. Nuk ka. Këtu nuk po flasim do ti merrte apo jo paratë. Nuk kishte, nuk e mbante dot deficiti. Një ditë ai do ti marrë, se do të bllokojë burime ndërkombëtare të Shqipërisë, por me firmën time si ministër Financash nuk do të ja jepja, nuk do të ma bënte dora. Mbase do kisha bërë shkelje, por nuk më ka ardhë ndonjë vendim gjyqi mbi tryezë. Nuk do të jepja ato para, se është manipulator. Por ka një shkak ligjor të konsoliduar në dosjen e tij, kërcënimet dhe veprimet arbitrare të autoriteteve shqiptare. Kush e mban përgjegjësinë për dëmin. Pse nuk lejua komisioni hetimor. Shumë e thjeshtë është ti hysh në shtëpi një burri, nuk e di sa e lehtë është të dalësh.

Peka: AKSHI, tuneli i Llogarasë, Beketi. Tjetër...

Ahmetaj: Arkitektët ndërkombëtarë janë të gjithë të caktuar nga Rama. Të gjithë. Si ka mundësi për shembull, që i kërkohet FSHZH-së, të bëjë tender të kufizuar për godina multifunksionale. Tender i kufizuar për godina multifunksionale, nuk u bë tender i drejpërdrejtë për tërmetin. Çfarë, është paracaktuar tenderi? Unë i lutem Tanit të jetë djalë me integritet siç ka qenë  gjithë kohës dhe të mos i bëjë këto gjëra. Le të ja kërkojë ky, bashkë me atë tjetrin nga ana tjetër e korridorit.

Peka: Tani kush është?

Ahmetaj: Dritan Agolli i FSHZH-së. Ecoparku ka firmosur vetë, kanë zhdukur një letër që ata kujtojnë se nuk ekziston.

Peka: Ndalojmë tek Ecoparku.

Ahmetaj: Pse nuk e investigon EcoParkun, Dumani. Pse sajon akuza ndaj meje. A nuk i mjaftoi ‘Buka SHA” që është qesharake. A nuk i mjaftoi arrestimi im nga punonjësi i vet, Dumani. Pse vazhdon e kërkon, kërcënon, e ruajtë Zoti, ta ndihmojë Zoti. Pse vazhdon e kërcënon çfarë arsye ka. Do shkojë në të s’ëmës. Do të shkoj në të s’ëmës, por deri atë ditë unë do të bëj këtë gjënë që bëj, me të gjitha mënyrat e mia ligjore. Është shumë kollaj të kalosh në mënyrë të paligjshme derën e shtepisë së një burri. Nuk e di sa e lehtë është të dalësh po kaq kollaj.

Peka: EcoParku, çfarë ka.

Ahmetaj: EcoParkun e ka firmosur vetë në mënyrë të drejtpërdrejtë dhe e ka marrë një kombinim kompanish inceneratorësh. Ndërkohë që një nga njerëzit e familjes ka qenë e punësuar nga personat e inceneratorëve për të bërë arkitektin, për të bërë projektin, përpara se projekti të dilte në tender. Është ky fakt apo jo. Unë nuk jam gjarpri që pickon në gji, gjarpri është ai, që nxjerr në pritë. Unë e kam defektin në të qenit i drejpërdrejtë. Kam dhe defekte të tjera unë, që nuk e mbaj dot nganjëherë që duhet mbajtur. Po të kam besuar dhe me naivitet kam punuar 24 orë. E kam bërë për Shqipërinë. McGonigal se po lexoja dosjen. E dini që në Dubai ka video të McGonigal me autoritetet shqiptare në një fabrikë.

Peka: Në Dubai ka video të McGonigal me autoritetet shqiptare në një fabrikë?

Ahmetaj: Po. Po. Kush e ka korruptuar McGonigalin. Unë?

Peka: Kryeministri, është në dosje nuk është ndonjë sekret.

Ahmetaj: E heton Altin Dumani, apo merret me pllakat e banjës së Eriolës.

Peka: Si mund ta hetojë Altin Dumani, kur vjen sekretari i Shtetit, ditën që do të dënohet McGonigali.

Ahmetaj: Nuk kam punë unë me atë punë. Ajo është politikë tjetër. Po të them kaq, pas çdo projekti qëndron një njeri që këtij i duhet për të rrotulluar pushtetin. Në çdo projekt që jepet. Aman o burrë, pse nuk e qetëson dhe ti, tani lufton. Njerëz nga Shqipëria.

Ahmetaj: Po. I thashë dikujt, çfarë të qetësoj. Të iki në të s’ëmës, po do iki një ditë, por burri ikën normal. Ikën me luftë për të drejtën e vet, përdor instrumente ligjor. Dmth ky të vazhdojë të tallet ky, derri i pyllit. 

Peka: Dmth nuk jam unë i vetmi që vij nga Shqipëria për t’iu investuar. Ka dhe të tjerë që vijnë e ju japin mesazh që të qetësohesh.

Ahmetaj: Po unë kam dhe telefona. Shiko mos u merr me atë se ai është Kim Jongu, ai të vret, ai ... Kë vret. Bujrëm, le ti lëshojë, siç i lëshoi në Tiranë. Se këta duan të bëjnë fajtor... ej, 10 miliardë tendera ke bërë ti dhe Belinda, 6 të ka bërë  ai tjetri, 3 ajo tjetra. Zero unë. Aa e di kryeministri, ta çojmë këtë në të s’ëmës. E di kryeministri çfarë ka bërë zëvendësi i vet, thotë ai tjetri. I ftova shqiptarët të imagjinonin sikur të gjithë këto zullume ti kisha bërë unë. Dhe dolën me kabrioltet të festonin heqjen e imunitetit tim. I them Altin Dumanit, që nuk ka incenerator.

Ahmetaj: Paratë nuk gjenden, por një pyetje kam unë. Kush e ka pasur detyrimin për monitorimin e kontratës, kush ka qenë autoritet kontraktor. Belinda Balluku, a ka ndonjë raport. A ka raport punimesh, a ka raport të ecjes së koncesionit. Është rast që akuzohet për shpërdorim detyre. Minimalisht, ja hedhin pingpongun Erion Veliajt. Jo nuk e ka Veliaj. Erion Veliaj me standardin që përdor SPAK, me emailet që ka dërguar, urdhërim, ky paguan e ky jo, është pronari faktit. Mos të bëjë kështu me kapele bën fushatë. Është pronari faktit i inceneratorit të Tiranës. Kjo tjetra, zv/kryeministrja, ministrja e Infrastrukturës ka pasur detyrë të monitorojë që në 2019. Ka ndonjë raport. Nuk ka. Pse Altin Dumani nuk e shikon këtë. Mos është njeri i kryeministrit, të na thotë ai njëherë. Po nuk na tha ai, nuk bëjmë ne. Për këtë na tha ai, do të shkojë në të s’ëmës. Ka dërguar këshilltarin ai në SPAK, Rama. Nuk është thashetheme. Ka dërguar atë dhe ka thënë; djema, kryeministri e do në burg atë. Do ta themi herën e tretë edhe me emër. Pra këto janë faktet. Pastaj turr median. TCH merret me mua, ndërkohë as me AKSHI-n, as me rrugët. Drejtoresha editoriale e TCH është Belinda Balluku, njerëz nga brenda, i kam të regjistrua që më thonë, që po bëhet çfarë thotë Belinda Balluku. E dini çfarë kanë bërë me Ervinin Meten e shkretë.

Peka: Ervin Mete, ministri i Financave, i shkretë.

Ahmetaj: Po. Gruaja e një shoku tim të fëmijërisë, i masakruar, i hequr nga puna pas heqjes time, shkon tek ankohet tek ministri i linjës, tek Ervini. Dikush aty spiunon në paradhomë, hap derën dhe i dërgojnë haber kryeministrisë. I jepet urdhër gazetarëve mercenarë, të goditet Ervin Mete. Pas 2-3 ditësh në portalet e paguara dhe të kontrolluara nga Edi Rama, Ervin Mete, njeriu i Arben Ahmetaj. Unë nuk kam njerëz. Kam punuar në Ministrinë e Financave me të njëjtët njerëz që kam punuar edhe në 1992, plus ata që kam gjetur aty. Nuk kam marrë njeri në ministri.

Peka: Më josh pak kjo çështja e medieve. Ju po thoni se Belinda Balluku është tashmë kryeredaktore e TCH? Nuk është më Veliaj?

Ahmetaj: E kanë spostuar Veliajn, ngaqë është forcuar uniteti në parti shumë. Unë kam pasur konflikte me Erion Braçen, konflikte fiskale, ai mendonte për një gjë, unë mendoja ndryshe. Debate, njëherë fitonte ai, njëherë fitoja unë. Si nuk flasin për një gjë. Shikoni se çfarë ka ndodhur. Nuk ka incenerator. Po mirë, ti bëj unë një pyetje Erion Braçes. Të lutëm se nuk ka nevojë të më përgjigjesh se nuk dua të hyj në debat me ty. Dmth njohja e një njeriu është përgjegjësi. Sa ka njohur Erion Braçe, Fatmir Xhafaj, Edi Rama, që kanë dalë ashtu siç nuk ishin, që ka dashur ti çojë në të s’ëmës si puna ime. Dmth i bie që njohja ime me Mirel Mërtirin, nuk ka rëndësi pastaj se kush i bëri procedurat, kush ka vjedhur, ka incenerator apo jo, ku janë paratë,  ca 5D-je ka, çfarë  IPARD ka, nuk ka rëndësi çfarë AKSHI ka, çfarë tuneli ka. Apo të ja rrasim këtij, se njihte njërin. Kjo është PS. Jo nuk është kjo. PS është Erion Braçe, Fatmir Xhafaj, është Ben Pëllumbi që nuk pati kurajo. Është Majko me gjithë të mirat e gjysëm të këqijat. Ka njerëz me dinjitet që nuk flasin. Pse nuk flasin.

Peka: Se janë me dinjitet...

Peka: Ku ka njeri me dinjitet aty.

Peka: Ju po hetoheni se keni pasur shok njërin, ndërkohë që ky që është me dinjitet e ka vëllain të dënuar dhe e fsheh.

Ahmetaj: Mos e ngatërro. Emra si këta, nuk më kanë dashur mua, por e di se do të vijë dita që do të flasin. Një ditë, njëri nga këta emra do të marrë të lexojë dosjen. Erion Braçe thotë e urrej këtë njeri, se ku ka qenë në mendjen e tij, kundër subvencioneve të bujqësisë, për shkak të pozicionit. Por të ja lexoj njëherë dosjen maskarait. Do ta lexojë dhe do të llahtariset. Fatmir Xhafaj mbase e ka lexuar dhe është llahtarisur. E del aty e thotë një sekondë, në parlament. E jep një mesazh që SPAK ti flasë mendjes. Pse SPAK nuk merret me këto. Edhe punën në konsulencën e Eriolës, jashtë Shqipërisë, që ska lidhje me inceneratorët, investimet publike, nuk ka lidhje me mua, e quan fiktive, është pastrim parash. Po pse more djalë të do qejfi ty që çdo ditë të jetës time ta cilësosh fiktive dhe pastrim parash. Shitja e pronave të familjes time dhe të Albinës ta cilësosh pastrim parash. E di çfarë bën. Investigon 2004, çpunë ka ky me 2004. E çfarë bën. Kur unë ribëj pas divorcit deklarimin, deklarim i rremë se nuk ka qenë aty. E kam deklaruar që në 2004, në 2009 e kam deklaruar aty, është ndarje pasurie me ish-gruan. Ooo, si ka mundësi që ti, apo nuk i lexon, apo të ka zënë sytë dashuria për bosin. E para njëherë po ta jap si këshillë personale, kujdes me dashurinë për bosin.

Peka: E keni nga eksperienca personale ...

Ahmetaj: Se pritat janë të pritshme, e dyta, mos e shkel ligjin për dashurinë për bosin. Zbatoje ligjin me rigorozitet për ti treguar dashurinë për bosin. Mos e bëj këtë. Mos e merr personale me askënd, as me atë doktorin që kur vjen në gjykatë, i thua, erdhi ky plehra. Se ka një doktor ai që ky ka dashur ta mbajë brenda, se ky do ti mbajë të gjithë  brenda. Dhe kur vjen ky në gjykatë, që kanë seancat, erdhi ky plehra, thotë Altin Dumani. E kanë  dëgjuar njerëz aty. Ka surpriza, të reja, kemi arrestuar ish-zv/kryeministrin për inceneratorët. Inceneratorët ta përsërita, e lexon dosjen ti, apo ta bën Millonaj me gjysëm llafet e saj, dhe Besmiri i Ulsiut. Të të sjell një fakt tjetër. Rasti Beleri. Beleri në kujtesën time të rinisë, është një burrë që ka cenuar integritetin e Shqipërisë. Dakord. Kështu është, dikur. Besoj i di thashethemet.

Peka: Nuk janë thashetheme, e di gjithë ngjarjen. Por në atë kohë PS, bënte protestë për ta mbrojtur në 1994. Po e kujtoj për publikun, ndjesë pastë i ndjeri Luan Hajdaraga, kurrë nuk e harroj që drejtonte një protestë në mbrojte të Belerit në atë kohë. Se mua më intereson shumë ky muhabeti i PS.

Ahmetaj: Në çfarë vend të botës ndodh ajo që ndodhi me Belerin. Që sot e kërcënon kryeministri, nesër arrestohet. E dyta, në cilën drejtësi të botës ndodh ajo që ka ndodhur me vendimin e një gjyqtareje që ka vënë në dyshim legjitimitetin e provave. E kam vendimin në kuti. Dhe SPAK e ka fshehur, ku ka ndodhur kjo. Kjo është drejtësia. Por çfarë ndodh në Shqipëri. Në ca vendi ndodh, do ta lejonin këtë në Amerikë, çfarë do ti bënin prokurorit. Do ta lejonin këtë në Francë, çfarë do ti bënin prokurorit.  Do ta lejonin këtë në Gjermani, çfarë do ti bënin prokurorit.  Do ta lejonin këtë në Itali, çfarë do ti bënin prokurorit. Po pse në Shqipëri nuk i ndodhka asgjë, heroi të fëmijëve tanë. Cila është arsyeja?

Peka: Cila është arsyeja?

Ahmetaj: Arsyeja është se është kapur drejtësia. Nuk flet media, media komandohet, bjerini Ben Ahmetajt. Ma kanë pranuar vetë. TCH një televizion i dashur, i një burri mik i shtrenjtë i imi, ndjesë pastë, arrin e më godet mua me urdhër të kryeministrit për arsye, që do i themi tek e treta me data, me emra dhe persona. Shet dinjitetin TCH për çfarë.

Peka: Do të jetë i largët takimi i tretë...

Ahmetaj: Jo nuk do të jetë i largët. Do të ecim më shpejt se mund të ikim në të s’ëmës, meqë unë isha derr dhe duhet bërë një task forcë për gjueti të derrave. Derri pa atdhe, ky është, kanë sulmuar flamurin po sulmuan këtë. Tipik autokratik jo modern. Se ka autokrat modern që nuk e merr vesh. Autokrat komplet i vjetruar.

Peka: Jemi rikthyer sërish me Arben Ahmetaj, ish-zv/kryeministër, në fakt një intervistë më shumë akuzuese dhe sipas tij, me një analizë konkrete dhe me fakte për korrupsionin nga tendertimet miliardëshe që kanë emër dhe mbiemër dhe ka akuza direkte ndaj familjes së kryeministrit Edi Rama. Edi Rama pas kësaj interviste të paktën mediatikisht dhe në opinion do të jetë njeriu me më shumë i bërë me gisht nga ish-bashkëpunëtori i tij i ngushtë si i lidhur direkt me korrupsion masiv të kësaj qeverisje.

Ahmetaj: Unë vetë çuditem kur dalin fakte të llahtarshme dhe pastaj kur bëj dhe statistikat e numrave dhe puç dhe fjalët e tij sot në ftohtësi, sigurisht që bie dakord me Altin Dumanin që u thotë njerëzve, se në çdo lloj çështje që hap, më del Edi Rama. Sepse po të them, cakton edhe ngjyrat e kullave, le më kontroll total mbi çdo gjë. Dhe ka të drejtë kryeministri, tek tenderat është korrupsioni, patjetër. Për çfarë u kërkon anëtarëve të kabinetit, gjeni çfarë ka bërë Ben Ahmetaj. Çfarë kam bërë unë, ministër Financash, kam ulur borxhin dhe deficitin, e kam shkuar në tregun ndërkombëtar. Ministri i Financave nuk u jep para privatëve, ministri i jep para ministrive, dhe pastaj ministritë i shpërndajnë me tendera të ndryshëm. Pse e bërr ti gjithë këtë histori, ta bëjë delen e zezë Ben Ahmetaj që të bëhej e thjeshtë. Pse? Me qëllim e bëre. E ke pasur qëllim që ditën 1, pas 2021.

Peka: Dhe ju e keni pasur qëllim që të mos e pengoni?

Ahmetaj: Dhe ju e keni pasur qëllim që të mos e pengoni. Unë kam qenë, siç thotë njëri, budallai me shkollë. Kështu që e pranoj se kam qenë budallai me shkollë.

Peka: Nuk e kuptuar se dy anijet që erdhën në Vlorë, ishin korrupsion i pastër.

Ahmetaj: Dy anijet që erdhën në Vlorë, më fal, ky Altin Dumani, do të merret me pllakat e banjës së Eriolës, apo 80 mijë dollarët çdo ditë. Meqë ku është si heroi i fëmijëve tanë, i interesuar... Çfarë funksioni luajnë agregatët e energjisë në Vlorë. Cila është kontrata, për çfarë paguhet, çfarë aseti është, kujt i përket, për çfarë funksioni shkon 80 mijë euro në ditë, apo edhe 1 mijë euro në ditë, për çfarë funksioni shkon. Cili është benefiti publik. Ka krizë energjetike, jo, nuk ka krizë.

Peka: Kur e mori, pretendoi se kishte...

Ahmetaj: Pse e rrëzoi variantin tjetër të turqve dhe mori këtë dhe është më i shtrenjtë. Pse kur mbaroi kriza energjetike nuk u ndërpre. Pse nuk u ndez asnjë ditë, çfarë kosto, benefit ka. Çfarë debati është bërë mes Ministrisë së Financave dhe Ministrisë së Infrastrukturës për këtë investim.

Peka: Çfarë debati është bërë?

Ahmetaj: Është bërë debat që është jo rentabël. Pse nuk hetohet. Nuk mund të investigojmë se e ka Edi Rama aty.

Peka: Kush ndërhyri që ta humbasë këtë debat, ministria e Financave në atë kohë.

Ahmetaj: Nuk e di sinqerisht, se kisha punët e mia dhe nuk, por e di që është bërë debati, sepse një bisedë e ka bërë edhe me ish-ministren e dikurshme të financave aty. I kam sugjeruar të shikojë deficitin edhe buxhetin. Megjithatë gjithsesi, nuk ka rëndësi fare kjo që pyete, ndjesë, mbase ka rëndësi për ty, por për mua ka pak rëndësi, në respekt të asaj që thua dhe pyet. Cilat janë arsyet që në 4 shembujt që solla, nuk hetohet asnjë tender, por hetohet një njeri që nuk ka bërë asnjë tender. 10 miliardë, 6 miliardë, 3 miliardë, zero. Çfarë është kjo drejtësi që shkon tek ky zero, e drejtuar është. Patjetër që është e drejtuar. E bën target, Top Channel, Top Neës, Endrit Habilaj, Karlo Bolino që merr tendera pa fund tek AKSHI, prona pa fund, para nga inceneratorët dhe vjell vrerë kundër meje. Çudira që të vjen për të vjellë. Kishte shkruar; ai jeton në një shtëpi antike luksoze. Po sikur të të them Çimi që shtëpia është modeste, normale. Nuk ka as ashensor, as kondicionim, as parkim, meqenëse është luksoze. Ta verifikojnë, e dinë ku jetoj. Meqë jetoj në një shtëpi luksoze.

Peka: E dinë ku jetoni. Altin Dumani sa herë bën takime informale me gazetarët shprehet se është në kërkim, kemi bërë shkresat tona, pak ditë më parë ishte dhe Taulant Balla në Zvicër ku foli për ekstradime. A ndjehet Arben Ahmetaj i rrezikuar se Rama-Dumani, do bëjnë çmos të ju kthejnë.

Ahmetaj: Sigurisht që do bëjnë çmos të më kthejnë, por nuk ka rëndësi, do të kthehem në Shqipëri. Dhe e dini kur do të kthehem.

Ahmetaj: Kur të kem marrë përfundimisht qëndrimin në Zvicër dhe do të përballem me të gjithë një e nga një. Mendoni se kam frikë nga ekstradimi. Unë e kam kaluar momentin e frikës. Unë kam objektiva të tjerë në jetë tani. E ke lexuar çfarë lexon Frojdi, motivi kryesor i jetës së njeriut e di cila është; trashëgimnia. Emër që më ka baltos Ed Rama do të ju unë fëmijëve të mi. Prag dere të shkelur padrejtësisht do ti lë unë fëmijë të mi. Jo, jo, qëllimi im është tjetër gjë në jetë. Qëllimi im e ka tejkaluar frikën.

Peka: Kur na dërgonte në gjyqe Edi Rama, për akuza gjithmonë për shpifje dhe pastaj tërhiqej, se nuk provonte dot pretendimin e tij, thoshte po e bëj për Zahon se kur të rritet Zaho nuk dua të mendoj kështu.

Ahmetaj: Licencat e kazinove për Zahon i ka dhënë.

Ahmetaj: Leje çfarë  e ngatërron Zahon, fëmijë, pastë jetën e gjatë dhe shëndetplot. Nuk bëhemi ne siç janë bërë këta, janë marrë në dosje me Kejlis, janë përmendur 430 emra. Livia, Kejlis, Flamur Hoxha, babai i Eriolës, Eljona, emra kot. Rënie në qafë totale. Nuk kam punë unë me fëmijët e askujt. Aty ku ka konflikt interesi, ku është bërë korrupsion, si në dy rastet qoftë tek AKSHI dhe EcoPark është tjetër gjë. Nuk e kaloj unë derën e shtëpisë së askujt, por kush e kalon derën e shtëpisë time, të gjitha instrumentet e mundshme ligjore për ti kthyer reston.

Peka: Edhe mendoni se këtë po bëni tani?

Ahmetaj: Po, këtë po bëj. Unë e kam çdo ditë të jetës time të vështirë. Po i them urime Ed Ramës dhe Altin Dumanit, ma kanë bërë jetën skëterrë. Bravo ju qoftë, ja keni dalë të ma bëni jetën skëterrë. Ja keni dalë në mënyrë të padrejtë të zeroni gjithë jetën time. Me shkolla në Amerikë, me doktoraturë, me punë në ministri të financave, në privat, punë me rindërtimin, punë si zv/kryeministër. Bravo ju qoftë e keni zeruar. O djalë, ke nxjerrë një urdhër arresti dhe e mban si statistikë të bësh karrierë. Si ke thënë; e kam personale. E ke personale me mua, bravo ju qoftë. Jeta ime është e vështirë, shumë e vështirë. Prandaj them që dhe armiqve të mi, më mirë ju uroj një dhimbje dhëmballe, të kundërtën siç thotë Ibseni se sa të jenë në situatën time. Edhe miqve të mi, që kanë thënë  broçkulla në SPAK. Na ka prezantuar Klodian Zoton, Ben Ahmetaj, që nuk është e vërtetë. As nuk e kam pasur në klasë, nuk i kam dhënë licenca, por nuk ka rëndësi.

Peka: Miqtë tuaj kanë bërë dëshmi të rreme në SPAK.

Ahmetaj: 100%. Nuk ka vlerë kjo, ua kuptoj hallin, nuk dua unë ti shoh. As Endrit Habilajn, as Adriatik Doçin, nuk dua ti shoh keq. Më mirë ti dhëmbë një dhëmballë se të jenë siç jam unë sot. Që kanë qenë njerëzit e instrumentalizuar me Top Channel, kundër meje. Por kush ka hyrë në shtëpinë time, nuk mund të ketë të drejtë të dalë, ashtu siç ka hyrë.

Peka: A mund të ma thuash se, pse gjithë kjo armiqësi e Top Channel ndaj jush. Kur them TCH po flasim për median më të kontrolluar nga Edi Rama.

Ahmetaj: Nuk ka armiqësi as Vjollca me mua, as goca e vet që e drejton. Janë dy krijesa në punë të vet. Në njërën anë influenca e inceneratorëve me para, në anën tjetër kontrolli politik nga Rama, kjo dihet publikisht. Kam të regjistruar personin që thotë, që editorialet i bën Belinda Balluku. Erioni nuk ekziston më, shumë rrallë. TCH, aspirimi i lirisë së medias në Shqipëri, të kthehet në një instrument të kryeministrit. Pse, çfarë frike kanë, frikën e financave, të pastrimit të parave, apo të pronësisë. Nuk kanë pse të kenë asnjë frikë nga këto. Zero. Është djersa e babait të tyre të ndjerë.

Peka: Nëse të gjitha këto që ju thoni qëndrojnë, pagesat e inceneratorëve.

Ahmetaj: Si qëndrojnë, nuk i keni parë juve.

Peka: Pse thua nga se duhet të kenë frikë. Nga ato që kanë bërë.

Ahmetaj: Po flasim si TCH, si ndërmarrje. Ka qenë influenca e parave të inceneratorëve që tani kanë dalë me fakte dhe orientimi politik. Ndërkohë, unë prap e ngrej pyetjen. Pse nuk hetohet, ku janë paratë 80 mln dollarëshi. Ku janë 80 mln dollarëshi. Ku është inceneratori i Tiranës, çfarë ka ndodhur me bashkinë e Tiranës në aferat e tjera. Ku janë paratë që shkojnë për ‘Tigrat’. Çfarë ka ndodhur me AKSHI-n. Çfarë ndodh me EcoParkun, pse Beketi ka fituar. Çfarë ka ndodhur me tunelin. Ka të tjera sa të duash. Unë e di çfarë pres? Unë pres luftë të re, dmth të sajojnë ndonjë çështje qesharake si ‘Buka’. Si ka mundësi që prokurori e merr telefonin dhe ja kthen se ka parë llahtar dhe nuk ka asnjë përgjegjësi. Si ka mundësi. Ku ndodh kjo, në çfarë drejtësie normale ndodh kjo. Si ka mundësi që prokurori i çështjes ‘Buka SHA’ nuk mori këshillin kombëtar të kontabilistëve dhe ti thoshte; letër, dua 10 ekspertë të pavarur një ekspertizë, si kjo që kanë bërë ekspertët e pavarur në 2014-2015. Si ka mundësi. Qëllimshmëri e orientuar deri në kërkim mase nga bosi i vet. Hajde ti rrasim pastrim parash, korrupsion, shpërdorim detyre.

Peka: Për një shikues të pavëmendshëm apo për dikë që e dëgjon për herë të parë këtë intervistë, numri dy i qeverisë, ndoshta njeriu me më influencë...

Ahmetaj: E keni gabim, njeriu me më influencë është ai që shpenzon paratë vëlla, ai që shpenzon paratë, njeriu me më influencë janë ministri i Infrastrukturës  dhe Energjisë, kryetari i Bashkisë së Tiranës, ministrja e Shëndetësisë, ajo e Bujqësisë, këta janë njerëz me influencë. Ministri i Financave nuk ka influencë. Ai thotë, hej kurrizi i Shqipërisë nuk mban dot më shumë se 10 lek. Tani kryeministër ja ku janë 10 lekët, ti ke njeriu që ke vizionin e Shqipërisë, këta janë njerëzit që zbatojnë vizionin tënd, unë jam gardiani i kërcitjes së damarëve dhe trarëve të vendit. Që të mos bien damarët dhe trarët nuk jap dot më shumë se 10 lek, 10 lekëshin e merr kush. Këta janë njerëzit me influencë, mos i ngatërro gjërat, me informacion shumë, me influencë jo.

Peka: Me informacion të besueshëm?

Ahmetaj: Le ta gjykojnë njerëzit që e dëgjojnë

Peka: Atëherë prap kthehem tek ky shikuesi i ri, vjen një i huaj dhe dëgjon këtë intervistë të  ish-zv/kryeministrit, njeriut që din se sa mban kurrizi financiar i Shqipërisë, që këtu qenkan abuzuar kaq shumë me paratë publike sipas asaj që ju analizuar vetë në 11-12 vite dhe ky njeri ka qenë pjesë e kësaj strukture politike dhe vazhdon e thotë që PS, për të cilën unë jam krenar. A e kupton se sa e vështirë është kur kjo parti trashëgimi qeverisje ka këtë 11- vjeçar.  Çfarë mund ti bëni më tepër Shqipërisë dhe ju vazhdoni e thoni, vetëm Rama dhe për PS jam krenar.

Ahmetaj: Z. Peka, nëpërmjet pyetjes tënde legjitime ti po bën edhe fushatë opozitare, nuk po them elektorale.

Ahmetaj: Konstatimi është me ngjyra gazetareske legjitike dhe politike. Dhe unë do të kthej një përgjigje. E para njëherë, unë drejtova gishtin tek statistikat dhe thashë, unë e respektoj prezumimin e pafajësisë. Unë iu referova Dumanit, si ka mundësi që merret me një njeri që ka bërë zero, me dashuri të madhe për Kim Jongun...

Peka: Edhe Dumani prodhim i juaj është. A e thatë vetë, e duartrokitën. Unë e konsideroj ministër.

Ahmetaj: Fatkeqësisht po. Por kur e nisëm ne, ne e deshëm të pavarur.

Peka: Kush e bëri të varur, e bëra unë? Kjo mazhorancë e bëri.

Ahmetaj: Unë jam viktimë e abuzimit të pushtetit të tij dhe varësisë së tij politike. Ti mos më kërko mua llogari për këtë, pse je ti i vdekur.

Peka: Nuk po të kërkoj  llogari pse ti je i vdekur, por kur më thua jam krenar për PS, çfarë krenarie?

Ahmetaj: Jam, nuk është kjo PS.

Ahmetaj: Një sekond Çimi, të lutem sepse është me bë, gjithë popullin gjerman fajtor për Hitlerin dikur. Jo. Të bëjmë gjithë dynjanë fajtor për një njeri. Me bë gjithë PS fajtore për një moment. Jo mo.

Peka: Nuk po flas për anëtarin e thjeshtë, as për 900 mijë patronazhistët që i rikthyet. Po flas për figurat kryesore politike.

Ahmetaj: Ti mua nuk më ndryshon dot...

Ahmetaj: Më pyete. Ti mua nuk ma ndryshon dot krenarinë time për PS. Unë i kam dhënë dhe kam marrë dinjitet nga PS dhe punë e përgjegjësi. Unë me timen, ja kam shpërblyer. Shumë mund të mos më duan, shumë mund të më duan, shumë kanë frikë të flasin, shumë kanë frikë të më flasin, shumë kanë frikë të thonë të vërtetën, shumë përtojnë të lexojnë dosjen, shumë kanë frikë ta lexojnë dosjen. Shpirti aty është te PS. Ja ka helmuar shpirtin gjarpri. Një ditë ai shpirt do të ngjallet, dhe historia ime, apo historia e Ed Ramës në raport me jetën e PS, prej 11 vitesh nuk ka pikë rëndësie. Secili do të kujtohet për bëma e veta. Njëri do të kujtohet për helmin, tjetri për naivitetin edhe të qenit i drejtpërdrejtë.

Peka: Të flisnit me kaq pasion, shpirti aty është, një ditë do të ringrihet. Nuk jam unë dhe Rama. Të flisnit me kaq pasion për Shqipërinë dhe jo për partinë, e dini sa dinjitoz do ishit. Me kaq pasion mund të flisni për Shqipërinë. Për cilin shpirt më thua, për ata që vijnë e takojnë në kryeministri, kryeministrin, bandat kriminale.

Ahmetaj: Fola për Partinë Socialiste.

Peka: Partia është kryeministri, grupi parlamentar, strukturat të cilët nuk flasin dot për këtë çfarë po të bëjnë ju.

Ahmetaj: Shpirti aty është, sot dominon batuta, prodhimi i dardhëve, pjeshkave dhe kumbullave, nga një njeri. Dominon intriga, kapja e medieve nga një njeri. Dominon kapja e drejtësisë nga një njeri, ja ka dalë. Bravo i qoftë që ka përdorur të gjithë pasionin e të gjithë emrave që kam përmendur unë, duke përfshirë edhe pasionin për punën time për të bërë këtë që ka bërë. Bravo i qoftë që pastaj të bëjë atë që bën, që e ndan e shet Shqipërinë, jep ishuj, jep gadishuj, jep kështu dhe ashtu. Besoj se e lexuat raportin e fundit të Departamentit të Shtetit. Shumë i sinqertë me qytetarët e vet, se është raport për qytetarët e vet. Thoshte që, nga investitorët strategjikë i kanë marrë njerëzit e Ramës. Fliste për drejtësinë dhe thoshte është e kapur, a thoshte kështu. Po raporti i DASH për qytetarët amerikanë.

Peka: Çfarë u thotë qytetarëve shqiptarë; jeni me fat që e keni kryeministër.

Ahmetaj: SHBA po ta them janë e vetmja garanci për rikthimin e reformës në drejtësi në binarët e duhur, të së drejtës, të pavarësisë dhe të respektimit të të drejtave të njeriut. Janë e vetmja garanci aty. Ka rënë në dorë të një njeriu që manipulon. Si ka mundësi çfarë po ndodhe me median, pyet njeri? Apo është normale që çdo gjë të vazhdojë kështu. Mbylle gojën atje, mos shkruaj për këtë. Po shkruajte për këtë, ne të grimë, të sulmojmë. E ke parë çfarë i kanë bërë atij drejtuesit të KLSH-së. Ai ka guxuar të shkruajë si punonjës me dinjitet, integritet në një institucion të nxjerrë potencialisht procese korruptive dhe dëme në buxhetin e shtetit. E masakruan, pse? Po nuk mund të na dalësh nga kontrolli. Çfarë bën ti, na del nga kontrolli, ne të shkrijmë, të gjejmë dhe ndonjë gjë, ndonjë ves. Komunizmi e kishte edhe më në maturim të vet, në vitet 70-80 filloi të hiqte dorë nga këto. E di si është drejtësia nuk është më si në 1993, drejtësia në Shqipëri është si në 1946, kur merrej Gjergj Kokoshi që nuk u pëlqente komunistëve se ishte liberal demokrat dhe pushkatohej. Jo 1993 me Prel Martinin se dhe Prela një në 10 çështje e bënte një drejtësi.

Peka: Ekzakt këtë po them. Aftësia e këtij formacioni politik që ju jeni krenar për të, për ta ripërsëritur veten është më shumë se mbreslënëse.

Ahmetaj: E ngatërron me qëllim.

Peka: Edhe viktimat e saj, sjelljen e kanë të njëjtë.

Peka: Çfarë ngatërroj.

Ahmetaj: Ti nuk ke mbaruar për psikologji.

Peka: Ti more një shembull të 1946, ripërsëritje e vetes është.

Ahmetaj: Ti nuk ke mbaruar për psikologji i dashur, që të bësh psikanalizë timen dhe unë nuk jam ndonjë karakter i thjeshtë për tu analizuar. Nuk jam. E di. Po sillem unë si viktimë, unë viktimë jam, por nuk sillem si viktimë.

Peka: Ju po bëni betejë.

Ahmetaj: Viktima shtrihet në tokë dhe kërkon mëshirë nga Kim Jongu. Unë nuk dua  asnjë lloj ndihme nga Kim Jongu, zero. Unë do të ja dal deri në fund të jetës time vetë. Mjerë ata që kanë kaluar derën e shtëpisë time në mënyrë të paligjshme. Nuk do të lë instrument ligjor pa përdorur, të ja kthej hisen deri në orën time të  fundit të jetës. Për hatër të së vërtetës time, të familjes time, të atyre që kam lënduar, të fëmijëve të mi, miqve të mi. Këtë ta fiksojnë mirë ata që kanë kaluar derën e shtëpisë time. Ta fiksojnë mirë. Dhe le të merren këta që paguhen nga inceneratorët, i poshtri.

Peka: Edhe me këtë që keni bërë sot keni bërë jo pak. Pyetja ime e fundit është njëlloj si pyetja e emisionit të parë, deri tek emisioni i tretë. Çfarë prisni pas kësaj interviste.

Ahmetaj: Pas intervistës në shkurt të thashë i pres të gjithë. Këta e trajtuan familjen time si familje çifute në Poloni në vitet 1939-40, pas okupimit nazist. Këta akuzuan ish-gruan dhe gruan, për pastrim parash. Çfarë më thanë mua këta. O të çojmë në të s’ëmës të lëmë fëmijët jetimë, ti marrim e ti fusim në burg dhe gruan dhe ish-gruan po fole. Unë po flas, po flas se unë e kam ndarë mendjen. O djalë, ka një njeri që flet në dialekt verior në Itali me një numër italian, me një emër romun. Do ta zbulojmë lidhjen. Është nga Shkodra që ka lidhje me SPAK-un. Do ta zbulojmë lidhjen dhe do ta themi me detaje, me emër dhe mbiemër, herën e tretë. Boll u sollët si polici politike. Boll nuk ja kam borxh njeriu. Borxh ja kam vetëm drejtësisë të më trajtojë me prezumim pafajësie, me dinjitet si një ish-punonjës i shtetit dhe me letra jo se i dashka qejfi Kim Jongut, batutaxhiut të lagjes, me dardha, molla, pjeshka. Prodhuesi i dardhave, mollëve dhe pjeshkave. Prodhuesi dhe ngrënësi. Çfarë pres? Pres sulm, sajesa deri tek jeta. E kam ndarë mendjen. Ka njerëz që kanë pyetur miqtë e mi, çfarë bën, shiko se, në formë kërcënimi. Nuk funksionon. Nuk funksionon. Do ti shkoj deri në fund. Ed Rama të vazhdojë të tallë atë që quhet ashtu, me batuta. Të thotë që ankohen sikur ja ka fajin PS, mos e barazo veten me PS, as me flamurin dhe atdheun. Vazhdo e më quaj pa atdhe, vazhdo e më quaj derr, vazhdo e kërko të shkoj në të s’ëmës. Vazhdo e organizo atë që ke tentuar të organizosh në Shqipëri, vazhdo e thuaji Top Channel të më godasë, vazhdo e kërkoi Karlo Bolinos të më godasë. Vazhdo e kërkoi Altin Dumanit të sajojë ndonjë gjë tjetër. Të tëra i pres.

Peka: Ju do të vazhdoni siç thatë, ti shkoni deri në fund. Unë do të vazhdoj të ju shqetësoj deri në fund, për të folur sa herë të jeni i gatshëm të flisni. Të falënderoj shumë edhe për këtë intervistë të dytë.

Peka: Kjo ka qenë intervista e dytë me Arben Ahmetaj, ish-zv/kryeministër. Siç e tha dhe vetë që e mbajti premtimin nga intervista e parë që do të rishihemi sërish, njoftoi një intervistë të tretë, të cilën unë sërish ngul këmbë ta kemi sa më shpejt. Bashkë natën e mirë!

Artikuj te sugjeruar

n.f POLITIKE 30 Korrik12:28

Hapet gara për Portin në Porto Romano, Rama: Kapitull i ri për vendin! E larguam nga qyteti, ishte zonë e errët e veprimtarive kriminale

Rama DURRËS- Ditën e sotme është hapur gara për ndërtimin e portit të ri në Porto Romano. I pranishëm ka qen&e...

r.ll POLITIKE 30 Korrik12:16

Kërkoi pezullim të dekretit për zgjedhjet në Himarë, Gjykata Administrative rrëzon Fredi Belerin

gjykata adminstrative TIRANË- Gjykata Administrative ka rrëzuar kërkesën e Fredi Belerit për pezullim të dekretit të pre...

r.ll POLITIKE 30 Korrik11:57

Pasardhësja e Beqajt, shkarkohet nga detyra Jona Suli, drejtoresha e SASPAC

jona suli, ilir beqaj TIRANË- Pas arrestimit të ish-ministrit të Shëndetësisë, Ilir Beqajt me urdhër të SPAK, ...

r.ll POLITIKE 30 Korrik11:51

Dekretohen emërimet e ministrave të rinj në qeveri, pasditen e sotme mbahet seanca e posaçme në Kuvend

kryeministria TIRANË- Presidenti Bajram Begaj ka dekretuar ndryshimet e reja në qeveri të propozuara nga kryeministri Edi Rama në Kongr...

n.f POLITIKE 30 Korrik11:42

Kërkesë për pavlefshmërinë e akteve dhe revokimi i masës, mbahet sot seanca në GJKKO për Berishën

Berisha TIRANË- Ditën e sotme do të mbahet seanca e radhës për kreun e Partisë Demokratike, Sali Berisha. Mësohet se sea...

n.f POLITIKE 30 Korrik11:41

Zgjedhjet e pjesshme në Himarë/ Vangjel Tavo për "CNN Greece": Unë jam grek dhe të gjithë e dinë! Gjikuria nëse nuk kthehet në SHBA, e ftoj të bëhet nënkryetar

Tavo HIMARË- Edhe pak ditë dhe himariotët do të shkojnë drejt qendrave të votimit në zgjedhjet e pjeseshme për...

r.lll POLITIKE 30 Korrik08:07

U shty prej mosdekretimit nga presidenti, mbahet sot në Kuvend seanca e posaçme plenare për ndryshimet e reja në qeveri

kuvendi TIRANË- Pasditen e sotme në orën 18:00 pritet të mbahet seanca e posaçme plenare për ndryshimet në qeveri t&e...

n.f POLITIKE 30 Korrik08:02

Kryeministri më jetëgjatë me ministrat e Financave më jetëshkurtër

Rama TIRANË- Ndryshimet e fundit në qeverinë “Rama 3” prekën përsëri një ndër ministritë që d...

I.A POLITIKE 29 Korrik23:08

Ahmetaj: Paguhen 80 mijë euro/ditë për TEC-et lundruese, përse SPAK nuk heton Ramën?

ZVICËR- Ish-zv/kryeministri Arben Ahmetaj ka bërë me dije se dy TEC-et lundruese në Vlorë janë një aferë e vërtet...

I.A POLITIKE 29 Korrik22:58

Deklarata e fortë e Arben Ahmetajt: Më thanë Edi Rama të vret, le t’i lëshojë siç bëri zëvendësi i vet

ZVICËR- Ish-krahu i djathë i Edi Ramës, Arben Ahmetaj, ka bërë një deklaratë të fortë se dikush i ka thën&eu...