Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
Nga arresti shtëpiak tek marrëveshja e emigrantëve, Berisha intervistë me Rai3: Vazhdoj betejën time! Ne jemi në një regjim diktatorial, qeveria kontrollon vullnetin e qytetarëve me mjete të ndryshme (VIDEO)
n.fPërditësimi i fundit 8 Nëntor 2024, 15:02
Berisha
TIRANË- Kreu i Partisë Demokratike, Sali Berisha ka zhvilluar së fundmi një intervistë për median italian "Rai3". Berisha gjithashtu ka ndarë në youtube intervistën e plotë ndërsa kreu i PD-së e ka zhvilluar bashkëbisedimin me gazetarin ën gjuhën italiane. Ai ka komentuar gjendjen e opozitës në Shqipëri por edhe marrëveshjen e Melonit me kreun e qeverisë shqiptare për emigrantët.
Berisha gjithashtu shtoi se e vazhdon betejën e tij për parimet që mbron dhe theksoi se kauza e tij është e drejtë. Teksa bisedon me gazetarin Berisha e thekson se sipas ligjit shqiptar ai mund ta zhvillojë intervistën por sipas vendimeve të skllevërve të Ramës, jo.
Sa i përket marrëveshjes së emigrantëve mes vendit tonë dhe Italisë Berisha u shpreh se është e pranueshme për ata. Ai u shpreh se kanë qenë gjithmonë kundër për një arsye të vetme, të drejtat e njeriut! Sipas tij kjo ka qenë marrëveshja më e fshehtë pas Luftës së Dytë Botërore që ka parë ndonjëherë.
Gazetari:Ju çdo ditë dilni në ballkon dhe flisni me përkrahësit tuaj. Aktualisht ndodheni në arrest shtëpiak.
Berisha:Unë vazhdoj betejën time për vlerat në të cilat besoj, për parimet që mbroj. Kauza është e drejtë.
Gazetari:Sipas ligjit shqiptar, a mund ta jepni këtë intervistë?
Berisha: Sipas ligjit shqiptar, po; sipas vendimeve të skllevërve të Edi Ramës, jo.
Berisha: Marrëveshja ‘Meloni-Rama’ nuk ishte e pranueshme për ne.
Gazetari: Po flisni për marrëveshjen për të huajt në veri të Shqipërisë?
Berisha: Po, për këtë.
Gazetari: Jeni kundër kësaj marrëveshjeje?
Berisha:Ne kemi qenë gjithmonë kundër për një arsye të vetme: të drejtat e njeriut! Kjo ka qenë marrëveshja më e fshehtë pas Luftës së Dytë Botërore që kam parë ndonjëherë. Presidenti i Republikës së Shqipërisë e mësoi nga TV. Ai ishte në një konferencë kur gazetarët e pyetën dhe ai nuk dinte asgjë.
Gazetari: Giorgia Meloni po ndjek një politikë të eksternalizimit të kufijve.
Berisha: Absolutisht nuk mendoj se kjo është zgjidhja: të jemi një rezervuar për emigrantët që shkojnë në vendet europiane nuk mund të pranohet.
Gazetari:A mund t’ju pyes, ju personalisht çfarë marrëdhënie keni me Giorgia Melonin?
Berisha: E kam admiruar Melonin si një “makinë” të jashtëzakonshme elektorale. Ajo ka qenë një fenomen elektoral. U bë violina e parë e politikës italiane.
Gazetari: Por ka lindur një miqësi e madhe mes Melonit dhe Edi Ramës?
Berisha:Edi Rama është një bluffist, ai tha se nuk humb asgjë. Tha se gjithçka është italiane, sepse ai e dinte se do të kishte një problem të gjatë nga këndvështrimi i marrëdhënieve publike, mediave dhe organizatave për të drejtat e njeriut. Ai e dinte këtë dhe donte të bënte sikur nuk kishte asnjë lidhje me këto probleme.
Gazetari:Pra, ai po ia heq përgjegjësinë vetes dhe ia kalon Giorgia Melonit?
Gazetari:Por atëherë pse Giorgia Meloni u hodh në këtë ide të dy qendrave në Shqipëri?
Berisha: Nuk e di dhe nuk e kam kuptuar këtë gjë, sepse Meloni bëri këtë marrëveshje shumë të rëndësishme në Europë.
Gazetari:Dhe Edi Rama pse e bëri?
Berisha:Rama bën gjithçka për të forcuar pushtetin e tij.
Gazetari: Për arsye të zgjedhjeve?
Berisha:Për arsye të zgjedhjeve, Rama ka kryer dhe krime të rënda.
Gazetari:Përkrahësit e Sali Berishës kanë bllokuar rrugën që të çon nga Tirana në Durrës. Ata protestojnë kundër qeverisë së Edi Ramës.
Berisha:Ne jemi në një regjim diktatorial. Qeveria kontrollon vullnetin e qytetarëve me mjete të ndryshme. Ne do të luftojmë me të gjitha forcat tona që shqiptarët të kenë të drejtën të votojnë si qytetarë të lirë.
