Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
POLITIKE
"Një gur i munguar në mozaikun e Vlorës"/ Rama inspekton punimet në Muzeun Hebraik: Destinacion i lakmuar turistik...
b.zPërditësimi i fundit 23 Mars 2025, 14:36
Edi Rama
VLORË - Kryeministri Edi Rama ka inspektuar këtë të diel punimet në Muzeun Hebraik & Qendra Multifunksionale e Zhvillimit Rajonal në Vlorë. Kreu i qeverisë i shoqëruar nga ministrii i Ekonomisë, Kulturës dhe Inovacionit Blendi Gonxhe ishin për të inspektuar punimet që kanë nisur një muaj më parë.
Rama inkurajoi përshpejtimin e punimeve, teksa theksoi se ky Muze është një gur i munguar në mozaikun e Vlorës dhe në mozaikun shqiptar dhe se me vendosjen e linjës ajrore direkt me Izraelin do të kthehet në një destinacion të lakmuar turistik.
“Besoj që do e bëni më shpejt se dy vjet apo jo, domethënë besoj që është ndërtim që ka kompleksitet, por nuk është i pamundur që për 8- muaj të bëhet, nga ana ndërtimore. Unë mendoj që kompania për 8-9 muaj e mbyll këtë. Është shumë e rëndësishme që të kuptohet nga të gjithë që ky është një gur i munguar në mozaikun e Vlorës po dhe në mozaikun shqiptar“ – u shpreh Kryeministri.
Kryeministri u shpreh më tej se Muzeu do të jetë sipas tij një gur i munguar në mozaikun e Vlorës dhe atë shqiptar që do të forcojë edhe më tepër lidhjet e shqiptarëve me izraelitët.
“Historia e hebrejve shqiptarë është e jashtëzakonshme. Me vendosjen e linjës direkte ajrore nga Izraeli, kërkesa për të ardhur turistë në Shqipëri është shumë e madhe. Kanë nisur të njohin historinë tonë të lidhur me ta dhe ky është gur themeli me të cilën do të ndërtojmë gjëra pozitive për turizmin, ekonominë e teknologjinë. Vlora është me fat e krenare që ka këtë histori”,- tha Rama.
