Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
"Një person që është nën hetim nga SPAK" Këlliçi në protestë para Bashkisë: Ambasadori i BE-së po i shet si model suksesi të rinjve të Tiranës, Erion Veliajn
M.B.Përditësimi i fundit 6 Shtator 2024, 12:36
Belind Këlliçi
TIRANA- Drejtues politik i PD-së për Tiranën, Belind Këlliçi, në fjalën e tij gjatë protestës së sotme, ka hedhur kuza në drejtim të Delegacionit të BE-së në Shqipëri. Këlliçi tha se Ambasadori i BE, Silvio Gonzato, po i shet si model suksesi të rinjve të Tiranës, Erion Veliajn, një person që është nën hetim nga SPAK. Ai shtoi se protesta ka treguar vendosmërinë e qytetarëve të Tiranës për t'i bërë ballë atyre që kanë kapur për fyti qytetin.
“Ambasadori i BE, Silvio Gonzato, po i shet si model suksesi të rinjve të Tiranës, Erion Veliajn, një person që është nën hetim nga SPAK. Një njeri që ka dhënë 2 mijë leje ndërtimi, që ka shkatërruar qytetin e Tiranës, dhe këtë njeri zyra e Delegacionit të BE-së dhe një komuniste si Federica Mogherini na e shesin si histori suksesi. A mos vallë nuk e dinë që ky njeri është nën hetim pasuror?
A nuk e dini që ajo organizata që e keni financuar ju, që quhet SPAK, ka nën hetim pasuror Erion Veliajn, që i kanë arrestuar gjysmën e drejtorëve dhe gjysmën tjetër e ka nën hetim. A ka të drejtë një ndërtues i 7 kateve pa leje, një njëri për të cilin janë shembur ndërtesa, përfshi edhe atë të Policisë Bashkiake, dhe shumë godina të tjera, që ti hapen sheshe ndërtimi për të ngritur kulla në mes të Tiranës, këtij njeriu, i cili thotë se janë mbyllur hetimet për dosjen 5D”, tha Këlliçi.
