Pak orë para protestës së paralajmëruar, Policia ka rrethuar me barriera metalike perimetrin pranë Parlamentit, nga Xhamia e Namazgja...
POLITIKE
Një vit nga sulmi në Banjskë/ Ministria për Evropën dhe Punët e Jashtme: E papranueshme që autorët përgjegjës të këtij krimi mbeten ende të lirë
M.B.Përditësimi i fundit 24 Shtator 2024, 18:05
TIRANA- Ministria për Evropën dhe Punët e Jashtme ka përkujtuar me anë të një reagimi të publikuar në rrjetet sociale sulmin e ndodhur në Banjskë, në veri të Kosovës një vit më parë ku mbeti i vrarë efektivi Afrim Bunjaku. Ministria shkruan se duke kujtuar me nderim, sakrificën e Afrim Bunjakut, Shqipëria mbështet Kosovën në përpjekjet dhe arritjet e saj, për vendosjen e sundimit të ligjit në të gjithë territorin e vendit.
Po ashtu në reagim shtohet se është e papranueshme që autorët përgjegjës të këtij krimi mbeten ende të lirë. dhe se drejtësia duhet të vihet në vend pa vonesa dhe justitifikime. Gjithashtu, në reagim thuhet se Shqipëria mirëpret vendimin e Prokurorisë së Kosovës, për të ngritur aktakuzë kundër të dyshuarve për organizim dhe kryerje të këtij sulmi brutal.
REAGIMI:
Sot mbushet një vit nga sulmi terrorist i grupit të armatosur serb në Banjskë, ku mbeti i vrarë rreshteri policor i Policisë së Kosovës, Afrim Bunjaku.
Duke kujtuar me nderim, sakrificën e Afrim Bunjakut, Shqipëria mbështet Kosovën në përpjekjet dhe arritjet e saj, për vendosjen e sundimit të ligjit në të gjithë territorin e vendit.
Është e papranueshme që autorët përgjegjës të këtij krimi mbeten ende të lirë. Drejtësia duhet të vihet në vend pa vonesa dhe justitifikime.
Shqipëria mirëpret vendimin e Prokurorisë së Kosovës, për të ngritur aktakuzë kundër të dyshuarve për organizim dhe kryerje të këtij sulmi brutal. Llogaridhënia është element kyç për parandalimin e përshkallëzimeve dhe konsolidimin e paqes në të gjithë rajonin.
