Në fjalën e saj në Kuvend Ina Zhupa ka mbajtur një qëndrim të ashpër ndaj qeverisë Rama.
Zhupa theksoi se ësht&e...
POLITIKE
"Nuk do të ketë prerje shiriti!" Emigrantët e parë mund të mbërrijnë në Shqipëri këtë javë, ministri italian: Qendrat janë të ngjashme me ato në vendin tonë
M.B.Përditësimi i fundit 14 Tetor 2024, 08:46
ITALIA- Ministri i Brendshëm i Italisë, Matteo Piantedosi, ka deklaruar se këtë javë do të mbërrijnë emigrantët e parë në kampin e Gjadrit. Piantedosi, teksa fliste në një aktivitet në Firence, tha se nuk do të ketë ndonjë ceremoni për hapjen e qendrave.
Ai garantoi se qendrat në Shqipëri do të jenë të ngjashme për nga standardet me ato të hapura në Itali. Po ashtu Piantedosi ka shtuar se emigrantët do të kenë të garantuar sigurinë dhe të drejtat e tyre deri në shqyrtimin e kërkesës për azil.
“Ne presim të fillojmë javën e ardhshme. Ne realisht presim që njerëzit e parë të dërgohen në qendrat në Shqipëri javën e ardhshme. Nuk do të ketë prerje shiriti. Qendrat janë të ngjashme me ato në Itali, nuk ka tela me gjemba, ka kujdes shëndetësor", tha ministri italian.
Gjatë këtyre ditëve, mediat italiane i kanë dedikuar artikuj të shumtë kësaj çështjeje duke paralajmëruar hapjen e qendrave të pritjes së emigrantëve. Ato shkruajnë se këto të fundit kanë mure rrethuese, kamera përgjatë perimetrit, një pajisje sigurie brenda, ku zbatohet juridiksioni italian dhe forcat e policisë italiane do të garantojnë rendin.
Sipas tyre, do të ketë gjithashtu staf të UNHCR-së për të monitoruar respektimin e të drejtave të refugjatëve. Kërkesat për azil do të shqyrtohen brenda 4 javësh. Gjithashtu shtohet se janë planifikuar lidhje me videokonferencë me gjykatën e Romës për seancat e vlerësimit të paraburgimit.
