Ekziston mundësia e një takimi me Presidentin e Shteteve të Bashkuara të Amerikës, Donald Trump, në Kinë, tha sot President...
POLITIKE
"Nuk ka lidhje me zgjedhjet!" Hekurudha “Kuq e Zi”/ Rama: Pa lekë nuk bëhet dot! Se sa do të kushtojë, do ta nxjerrë projekti i detajuar
M.B.Përditësimi i fundit 16 Prill 2025, 10:57
TIRANA- Kryeministri Edi Rama foli në postimin e sotëm të rubrikës "Sy m'sy" për hekurudhën “Kuq e Zi” që do të lidhë Durrësin me Prishtinën. Rama tha se ky projekt nuk ka lidhje me zgjedhjet, por me vizionin e “Shqipërisë 2030”. Ai shtoi se projekti është në fazën e re kur konsulentët austriakë kanë përcaktuar opsionin e kalimit nga Shkodra përmes Gjakovës në Prishtinë. Rama tha se sa do të kushtojë, këtë do ta nxjerrë projekti i detajuar, i cili përsëri do të bëhet, sipas tij, nga një ekspertize ndërkombëtare e nivelit të lartë dhe do të aprovohet nga Fondi Evropian i Investimeve.
“Ky projekt është prezantuar në çdo fazë të tij, madje edhe në një mbledhje të përbashkëta të dy qeverive, kur ishte në nivelin e projekt-idesë. Pra, nuk ka lidhje me zgjedhje, por me fazën e re kur konsulentët austriakë kanë përcaktuar opsionin e kalimit nga Shkodra përmes Gjakovës në Prishtinë si më të mirin.
Prandaj, ekipi ynë i përbashkët e ka parë të udhës ta bëjë me dije edhe mbylljen e kësaj faze, sepse jeta vazhdon. E dyta, se sa do të kushtojë, këtë do ta nxjerrë projekti i detajuar, i cili përsëri do të bëhet nga një ekspertize ndërkombëtare e nivelit të lartë dhe do të aprovohet nga Fondi Evropian i Investimeve të BP.
Por një gjë është e sigurt, që pa lekë, hekurudha nuk bëhet dot. A do mbarojë apo s’do mbarojnë këtë projekt, këtë fatmirësisht nuk e kanë në dorë ata që vetëm shajnë dhe tallen nga kafenetë e Tiranës dhe Prishtinë, por e kanë në dorë ata që punojnë në llogoren e të ardhmes. Këto hekurudhat nisin me radhë, por jo më vonë se 2030″, tha Rama.
