Senatorja amerikane Elissa Slotkin (Demokrate nga Miçigani) ka reaguar në rrjetin social X lidhur me dhunën policore në protestën stu...
POLITIKE
"O kriminel"/ Berisha-Ballës: Mburresh se ke arrestuar 600 shqiptarë në një ditë, por ti je një porositës vrasjesh!
b.zPërditësimi i fundit 6 Qershor 2024, 20:38
Sali Berisha
TIRANË - Kreu i PD-së, Sali Berisha ka akuzuar mbrëmjen e sotme Ministrin e Brendshëm Taulant Balla se ky i fundit është një porositësh vrasjesh. Sipas Berishës Balla është fytyra e zezë e narkoshtetit të Shqipërisë, ndërsa shton se Balla mban karrigen e ministrit dhe zbaton porositë e kryekriminelit që sipas tij është kryeministri Rama.
Sipas Berishës Balla dhe vartësit e tjerë të Ramës nuk arrestojnë kriminelat që transportojnë tonelata me kokainë në Europë, apo vrasësit me pagesë, por arrestojnë njerëzit e thjeshtë duke i akuzuar për vepra penale qesharake.
Pjesë nga fjala e Berishës:
Miqtë e mi, mos harroni kurrë kur vetëm pak vite më parë, rrihnin gjoksin se kishin arrestuar në një vit 38 mijë shqiptarë për dritat e papaguara, për faturat e ujit, për çështjet civile. As në diktatura nuk ndodh kjo. Por kjo ndodh në atë diktaturë që nuk ka ligj, moral, kod dhe asgjë.
Dhe që kërkon me çdo kusht të mbjellë terror, terror dhe vetëm terror. Të dashur miq, këto ditë një nga eksponentët më kryesorë të trafiqeve të drogës, të porositjes së vrasjeve, të lidhjeve të tmerrshme me bandat Shkodër, Krujë, Elbasan, Durrës, Taulanti me 5 mbiemra, rrah gjoksin se vetëm në një ditë policia thotë arrestoi 600 qytetarë. A nuk është ky një terror masiv ndaj shqiptarëve nga një grusht kriminelësh me pushtet?
Qytetarë dhe qytetare, ky që rrah gjoksin se arrestoi në një ditë 600 shqiptarë, mos harroni se dy javë më parë me mercenarin Altin Dumani dhe kriminelë të tjerë përcolli për turizëm kokaine, për vrasje me porosi 7 bosët e familjeve më të madhe mafioze dhe lejtnantët e tyre pa u hyrë ferrë në këmbë. A nuk është kjo një fytyrë e zezë e narkoshtetit në Shqipëri? Ata të cilët sjellin në Shqipëri tonelata kokaine dhe eksportojnë në Europë, ata nuk arrestohen, ata lajmërohen, ata mbrohen, ndërsa fatkëqinj, që janë viktima të veprimtarisë së tyre, arrestohen dhe plasen në burgje sikur të mos ishin qenie njerëzore. Po ti o kriminel që mburresh se ke arrestuar 600 shqiptarë në ditë, je një porositës vrasjesh, ti je më i zi nga vrasësit e paguar, sepse ti mban karrigen e ministrit dhe zbaton porositë e kryekriminelit, e kreut të Meduzës, kreut të krimit të organizuar, Edi Ramës.
