Profesori i njohur amerikan i ekonomisë, Steve Hanke, ka reaguar lidhur me revoltën studentore në Shqipëri, duke bërë thirrje t&...
POLITIKE
OKB reagon për protestat në Shqipëri: Dhuna është e papranueshme, të respektohet liria e shtypit
PiranjatPërditësimi i fundit 17 Tetor 2026, 20:55
Organizata e Kombeve të Bashkuara në Shqipëri ka përsëritur thirrjen për dialog konstruktiv me qëllim uljen e tensioneve në vend, duke theksuar rëndësinë e respektimit të të drejtave themelore dhe të standardeve demokratike.
Në mesazhin e saj, OKB nënvizon se aktet e dhunës dhe shkatërrimi i pronës publike apo private janë të papranueshme dhe nuk kanë vend në një shoqëri demokratike e paqësore.
Një tjetër pikë e rëndësishme e apelit është mbrojtja e së drejtës për tubim paqësor dhe e lirisë së shtypit, të cilat cilësohen si të drejta themelore që duhet të respektohen dhe të garantohen.
OKB thekson gjithashtu se veprimet e forcave të rendit duhet të jenë në përputhje me parimin e proporcionalitetit, ndërsa çdo person duhet të gëzojë garancitë për një proces të rregullt ligjor.
Apeli vjen në një klimë tensionesh në vend, ku thirrja për dialog, respektimin e lirive themelore dhe shmangien e dhunës mbetet në qendër të mesazhit të organizatës ndërkombëtare.
Reagimi:
OKB në Shqipëri përsërisin sërish apelin për dialog konstruktiv për uljen e tensioneve. Aktet e dhunës dhe shkatërrimi i pronës publike apo private janë të papranueshme dhe nuk kanë vend në një shoqëri demokratike e paqësore.
Përforcojmë mesazhin se e drejta për tubim paqësor dhe liria e shtypit janë të drejta themelore që duhen respektuar dhe mbrojtur.
Theksojmë gjithashtu rëndësinë e respektimit të parimit të proporcionalitetit në veprimet e forcave të rendit dhe të garancive për një proces të rregullt ligjor.
