Gjykata e Tiranës ka caktuar masën e sigurisë detyrim paraqitjeje për 18 persona të arrestuar gjatë protestave në Tiran&eum...
POLITIKE
"ORE KUSH JENI"/ Rama dhe Bardhi përplasje në distancë: Nuk jemi anëtar të asnjë grupi të strukturuar kriminal...
b.zPërditësimi i fundit 28 Maj 2024, 15:57
Gazmend Bardhi, Edi Rama
TIRANË - Një përplasje e regjistruar gjatë seancës së djeshme plenare në Kuvend, mes ministres Spiropali dhe Kreut të Grupit Parlamentar në PD, Gazmend Bardhi ka shkaktuar replika dhe ironi mes këtij të fundit dhe kryeministrit të vendit Edi Rama.
Ka qënë kryeministri Rama ai i cili fillimisht në një postim në rrjete sociale, ka publikuar pjesë nga fjalimi i Spiropalit dhe Mnajës të cilët e pysnin Bardhin “Kush je”, ndërsa shkruan me ironi KUSH JANË NË FAKT?!, referuar deputetëve opozitarë.
“KUSH JE?” “ORE KUSH JENI?” KUSH JANË NË FAKT",- shkruan Rama në fb.
Fill pas postimit të Ramës ka ardhur edhe replika e Bardhit i cili po në një reagim në rrjete sociale shkruan se të paktën sipas tij deputetët e opozitës nuk janë anëtarë të asnjë grupi kriminal, që vjedhin zgjedhjet për të vjedhur Shqipërinë.
“Vëllai Olsit” na paska pyetur kush jemi?! Mqs çdo shqiptar e dinë tashmë kush është Edi Rama dhe ekipi i tij , ky vetë duhet të dijë kush ne nuk jemi. Ne nuk jemi Ols Rama, Arben Ndoka, Rrahman Rraja, Armando Prenga, Saimir Tahiri, Arben Ahmetaj, Ilir Beqaj, Elvis Rroshi, Agim Kajmaku, Valdrin Pjetri, etj. Nuk jemi anëtar të asnjë grupi të strukturuar kriminal, që qeverisë Shqipërinë prej 11 vitesh sipas parimit: “të vjedhim Shqipërinë për të vjedhur zgjedhjet, dhe të vjedhim zgjedhjet për të vjedhur Shqipërinë",- shkruan Bardhi në fb.
