Personi në foto, efektivi i ‘Shqiponjave’ Edison Adri, i cili mbeti i plagosur gjatë operacionit policor të zhvilluar në zon&e...
POLITIKE
"Padronë të qytetarëve dhe bizneseve!" Arrestimi i shefit të Antidrogës në Durrës, Hoxha: Çdo polic që shkel ligjin do marrë ndëshkimin më të ashpër
M.B.Përditësimi i fundit 16 Gusht 2024, 13:12
Ervin Hoxha
TIRANA- Ministri i Brendshëm Ervin Hoxha ka reaguar sot në lidhje me arrestimin në Durrës të shefit të Antidrogës, Gazmir Preçi. Ky i fundit u arrestua pasi ka shantazhuar pronarin e një lokali se do ia mbyllte biznesin, nëse nuk i jepte 20 mijë euro.
Ndërkohë, Hoxha thotë me anë të një reagimi në rrjetet sociale se kushdo polic, në çfarë do lloj niveli qoftë, që do të tentojnë të cenojë besimin e qytetarëve tek institucioni, duke u hequr si padronë dhe jo si shërbëtorë të ligjit, do të marrë ndëshkimin më të ashpër ligjor.
Reagim i ministrit Ervin Hoxha:
Operacioni i AMP-së, në bashkëpunim me SPAK, është mesazh i qartë për ata punonjës policie të cilitdo niveli qofshin, që do të tentojnë të cenojnë besimin e qytetarëve tek Policia, duke u hequr si padronë të qytetarëve dhe bizneseve, dhe jo si shërbëtorë të ligjit, do të marrin ndëshkimin më të ashpër ligjor.
Mbështes dhe inkurajoj AMP-në dhe agjencitë e tjera ligjzbatuese, si dhe nxis dhe garantoj qytetarët dhe bizneset të denoncojnë raste të tilla, sepse vetëm bashkërisht arrijmë të realizojmë objektivin madhor, për të pasur një Polici sa më profesionale dhe me integritet të lartë moral e ligjor!
