Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
“Paga mesatare është rritur dy herë e gjysmë,” Rama: Në qershor do u përcjellim kompanive vendimin që paga minimale do jetë 500 euro!
n.fPërditësimi i fundit 10 Prill 2025, 09:33
TIRANË- Kryeministri Edi Rama gjatë fjalës së tij në rrjetet sociale ka folur në lidhje me rritjet e pagave në vend. Rama u shpreh se gjatë qeverisjes së tij paga mesatare është 1250 euro në sektorin publik dhe 1000 euro paga e kombinuar. Sipas tij paga mesatare e përgjithshme është rritur më shumë se dy herë e gjysmë.
Ai shtoi se arritjet e bëra gjatë qeverisjes së tij kanë sjellë që PS të votohet masivisht. Rama shtoi se në qershor planifikojnë tu dërgojnë kompanive vendimin që paga minimale do jetë 500 euro.
"Paga mesatare në Shqipërinë 1250 euro në sektorin publik dhe 1000 euro paga e kombinuar. Jemi në kushtet kur paga mesatare e përgjithshme e kemi rritur më shumë se dy herë e gjysmë. Nuk e di se çfarë flet, kur flet për pagat, por jemi pikërisht në këto shifra dhe arsyeja pse ne votohemi masivisht, kur unë i them gjërat në realitet, në realitet ka numër të madh njerëzish që gjërat i kanë para syve.
Kur unë them që paga minimale ishte 157 euro, është 400 euro, ata që e kanë pagën minimale, e dinë shumë mirë se çfarë flas. Në qershor do u përcjellim kompanive vendimin që paga minimale do jetë 500 euro," tha ai.
