Ish-kreu i Autoritetit Rrugor Shqiptar (ARRSH), Gentian Gjyli, dhe ish-drejtori i Korporatës Elektroenergjitike Shqiptare (KESH), Erald Elezi, janë ...
POLITIKE
Paralajmërimi i Berishës: Do të ketë analizë për çdo njeri në PD
PiranjatPërditësimi i fundit 6 Dhjetor 2025, 14:27
Gjatë deklaratës së tij për mediat, Sali Berisha theksoi se Partia Demokratike do të zhvillojë një analizë të thelluar për çdo individ brenda strukturave të saj, duke e cilësuar këtë proces si domosdoshmëri për një forcë politike të lirë dhe demokratike.
Kreu i PD-së u shpreh se anëtarët, militantët dhe simpatizantët kanë të drejtë të kërkojnë sqarime dhe llogari, ndërsa drejtuesit e partisë kanë detyrimin të dëgjojnë kritikat, të shpjegojnë vendimmarrjet dhe të informojnë çdo demokrat për realitetin që, sipas tij, është përpjekur të fshihet nga narko-regjimi.
Berisha akuzoi se gjatë gjithë procesit elektoral është ushtruar presion i jashtëzakonshëm për të mos denoncuar krimin zgjedhor dhe për të mos mbrojtur votën, duke përfshirë – sipas tij edhe kërcënime ndaj vëzhguesve ndërkombëtarë. Ai theksoi se pavarësisht zërave të izoluar që kërkojnë analiza të menjëhershme për t’i shërbyer propagandës së Edi Ramës, PD-ja do të ndjekë procesin e vet të brendshëm, të pakushtëzuar dhe të hapur.
Deklarata:
Do të ketë analizë për çdo njeri.Një parti e lirë nuk njeh kufij, absolutisht secilit nga ne.
Ne do të dëgjojmë zërin e tyre.
Ka gjëra që militantët, anëtarët dhe simpatizantët tanë kanë të drejtë, ka gjëra që duhet t’ua shpjegojmë, nuk i dinë, nuk kanë faj, nuk janë informuar, duhet t’i informojmë.
Ju e kuptoni se përpjekje e madhe shumë që ne të mos denonconim krimin elektoral, të mos i dilnim zot votës, përpjekje e jashtëzakonshme nga Edi Rama, kërcënim direkt ndaj drejtuesve të misioneve vëzhguese.
Sikur të ishin në Bandistan dhe jo në një vend anëtar të Këshillit të Europës dhe që ka negociatat. Ka të tjerë që vraponin o analizë tani, që të bëjmë gjithçka që t’i japim material Edi Ramës për të dobësuar raportin.
Ka të tjerë që prisnin që të mund të thoshin se këto ishin zgjedhjet më të mira në mënyrë që të mohojnë farsën elektorale, të mohojnë narko-diktaturën, të mohojnë diktaturën autoritare. Po këta janë skllevër, janë mjeranë, nuk e meritojnë lirinë, se këtë që bëjmë ne e bëjmë për çdo shqiptar.
Ne patëm programin më të shkëlqyer në historinë e vendit.
Ne morëm ekspertin më të shkëlqyer të planetit.
Por farsa elektorale jo që nuk u ndalua, por mori përmasat më gjigante se kurrë.
Kështu që ne jemi pra, nuk i mbyllet kujt goja njëherë, kjo të jemi të qartë, e vetmja kërkesë, e vetmja gjë, që kjo analizë të bëhet brenda partisë.
Si ta duan, të hapur për mediat, të mbyllur për mediat, si të kenë qejf, nuk kanë asnjë lloj kufizimi.
Kreu i PD-së, Sali Berisha ka komentuar foltoret e Ervin Salianjit dhe Ilir Alihmemetit me demokratët, duke u shprehur se nuk impresionohet nga taki...
