Edi Rama ka rikthyer në vëmendje krizën e drejtimit të Bashkisë së Tiranës, ndërsa kryebashkiaku Erion Veliaj ndodhet ...
POLITIKE
Parlamentarizmi në rrezik? Gjekmarkaj kërkon shkarkimin e Peleshit
PiranjatPërditësimi i fundit 22 Shtator 2025, 12:34
Ka përfunduar Konferenca e Kryetarëve në Kryesinë e Kuvendit, ku prezentë ishte edhe opozita. Pas përfundimit të saj, ka folur për PD-në edhe deputeti demokrat Agron Gjekmarkaj.
Ai u pyet edhe për aksionin e mëtejshëm të PD-së, nëse do dorëzonte e votonte emrat për komisione dhe drejtim në Kuvend, apo do ndiqnin ankimimin kushtetues. Gjekmarkaj shpjegoi se opozita nuk do linte asnjë hapësirë, por vendimi do merrej nga grupi.
“Ju e patë seancën e dytë, kryeministri bëri që të mos kishte debat dhe as diskutime, pati ambasadorë të pranishëm që mbetën aty. Kërkova ripërsëritjen e seancën, të mblidhet komisioni i legjislacionit, të shihej mundësia e mocionit për shkarkim ndaj Niko Peleshit, të shihet rregullorja e parlamentit dhe që të mos ketë asnjë pengesë për gazetarët. Ende nuk kemi marrë një vendim, në momentin që PD do marrë një vendim për këto çështje do informoheni menjëherë. Ne do shfrytëzojmë çdo hapësirë në Parlament, për t’u përballur me mazhorancën arrogante. Që kërkon dhe tentoi ta zhbënte opozitën, ta çonte në qoshe, që të dilte vetë nga farsa e 11 majit”, tha Gjekmarkaj para mediave.
