Një oficer kontakti, pranë Ambasadës Austriake në Tiranë, ka kryer një vizitë pune në Prokurorinë e Tiranës,...
POLITIKE
''Parlamenti po bën grusht shteti''/ Berisha: Po pengohet arrestimi i Belinda Ballukut!
PiranjatPërditësimi i fundit 3 Shkurt 2026, 11:52
Kreu i Partisë Demokratike, në fjalën e tij në Kuvend ka deklaruar se Kuvendi po kryen grusht shteti me hedhjen poshtë të kërkesës së Prokurorisë së Posaçme për arrestimin e zëvendës kryeministres Belinda Balluku.
Ai u shpreh se mandatet po kthehen në mburojë dhe parzmore të mbrojtjes së vjedhjeve të kryera.
“Kuvendi çdo moment nxin për aktin anti kushtetues dhe shndërrimin e mandative të krimit në parzmore të vjedhjeve. Ky Parlament kryen grushtin e shtetit, hedh poshtë kërkesën e SPAK për arrestimin e delinkuentes Balluku'', tha Berisha.
Për të treguar se po mbrojnë korrupsionin dhe janë thjesht “automatë” që zbatojnë urdhrat, Berisha solli këtë shembull:
Berisha: Sot do sjell tek ju konstatimin e filozofes gjermane Hana Aren. Kjo filozofe e shquar, në vitet 60 vendosi të ndjek gjyqin kundër Hejtmanit, një nazist që kishte përcjellë në furrat e djegies miliona hebre. U ul në sallën e gjyqit dhe ndoqi të gjitha seancat.
Për habinë e atyre që prisnin konkluzionet e saj, kjo filozofe tha se kemi të bëjmë me të keqen banale. Pra sipas saj, në rastin e këtij burokratit xhelat, nuk ishte një mostër, por një automat që zbatonte urdhrat sic i vinin.
Ndaj ajo la trashëgimi si doktrinën e të keqes banale, me të cilën ju në mënyrë të verbër mbështesni korrupsionin, bëheni shtylla të sistemit të gjakpirës së qytetarëve. Ju bllokoni heqjen e imunitetit të njeriu që të paktën 1.2 miliardë me këto dosje me padronin e saj ua ka vjedhur shqiptarëve”.
