Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
POLITIKE
Parregullsitë e procesit zgjedhor në diasporë/ PD letër KQZ dhe misionit të OSBE, kërkon audit për votën e emigrantëve në Greqi e Itali
n.fPërditësimi i fundit 7 Maj 2025, 11:31
TIRANË- Partia Demokratike ka dërguar një letër për Komisionin Qendror të Zgjedhjeve, KQZ dhe misionit të OSBE-ODIHR në Shqipëri për vëzhgimin e procesit elektoral. Në këtë letër PD ka ka ngritur shqetësimet në lidhje për rrezikimin e integritetit të procesit zgjedhor në kuadër të votës së diasporës për zgjedhjet e 11 majit.
PD shprehet se në raportin e saj përfshihen problematika me parregullsitë me votën e diasporës në Greqi, por edhe në vende të tjera të BE, SHBA dhe Britaninë e Madhe. Më tej në letër theksohet se shkeljet kryesore të pikasura kanë të bëjnë me dërgimin e parregullt të zarfeve, zarfe të lëna pa firmë marrësi, në adresë të gabuar, ose të marra nga persona të tretë. Problematika të tjera kanë të bëjnë me dërgimin e zarfit me dy fleta votimi, mungesë udhëzimi për votuesit gjë e cila sjell që ata të bëjnë gabime dhe vota e tyre të dalë e pavlefshme.
Partia Demokratike ka kërkuar një audit të gjithë logjistikës së votës së diasporës, rishikim për pavlefshmëri të çdo vote të dorëzuar, hetim penal nga ana e SPAK për blerje të votave dhe përfshirje të Partisë Socialiste në shpërndarjen e tyre si edhe një dërgim të një misioni të OSBE-ODIHR në qendrat e diasporës në Greqi mes të tjerash.
