Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
Pasuritë e konfiskuara me burim të paligjshëm, Hoxha: Finalja është miradministrimi, kthimi në shërbim të publikut
M.B.Përditësimi i fundit 12 Shkurt 2025, 12:11
TIRANA- Ministri i Brendshëm Ervin Hoxha bëri një ekspoze të situatës, në konferencën “Nga Fitimet e Paligjshme te e Mira Publike: E Ardhmja e Aseteve të Konfiskuara”, duke nënvizuar se lufta kundër krimit është sukses vetëm, kur konfiskohen pasuritë apo asetet që vijnë si rezultat i një veprimtarie kriminale. Hoxha vlerësoi punën që po bën Agjencia për Administrimin e Pasurive të Sekuestruara dhe të Konfiskuara (AAPSK).
Ai u shpreh se “finalja është miradministrimi i një aseti të tillë, që nënkupton kthimin e tij në shërbim të publikut. Qoftë përmes shfrytëzimit nga struktura shtetërore, qoftë edhe dhënies në përdorim privatëve, apo shitjes përfundimtare në ankand, të dyfishtë, siç e parashikon ligji”.
Pjesë nga fjala e Hoxhës:
Konfiskimi i aseteve me burime nga veprimtaria kriminale është faza përmbyllëse e luftës kundër krimit. Marrja në administrim e një prone të krijuar me burime të paligjshme, është faza përmbyllëse e gjithë përpjekjes ndërinstitucionale për të goditur krimin në pikën e tij nevralgjike, që janë pronat, pasuritë, paratë.
Që puna e veprimtaria e Agjencisë (AAPSK), të jetë efikase dhe sa më larg presionit të nëndheshëm që ushtron krimi i organizuar, ka nevojë të domosdoshme për mbështetjen e Policisë.
Ne duam që të shkurajojmë ata individë apo rrjete kriminale, që mendojnë se mund të përfitojnë në mënyrë të paligjshme e më pas t’i shijojnë frytet e një veprimtarie të tillë. Janë një numër i konsiderueshëm ndërtesash apo ambientesh që janë konfiskuar dhe janë vënë në shërbim të publikut. Madje dhe vetë Agjencia punon sot në zyra të konfiskuara. Qëllimi ynë është që asetet e konfiskuara, të ruajnë vlerën e mundësisht të rriten në vlera që të inventarizohen si të mira materiale në shërbim të qytetarëve.
