Erjon Vishkulli, i riu që mbeti i plagosur në sy nga një plumb gome gjatë protestës, ka pësuar hemorragji gjatë ndërhy...
POLITIKE
PD: Bashkitë Mat dhe Klos me dosje në SPAK për tendera dhe krime zgjedhore
PiranjatPërditësimi i fundit 11 Shkurt 2026, 21:14
Deputetja e Partisë Demokratike, Denisa Vata, ka deklaruar se dy bashki në qarkun Dibër janë nën hetim nga SPAK për çështje që lidhen me tendera dhe krime zgjedhore. Në një reagim në rrjetet sociale, Vata shprehet se Bashkia Mat ka një dosje në SPAK për procedura tenderimi, ndërsa Bashkia Klos po hetohet për krime zgjedhore.
Postimi i plotë në FB:
Bashkia Mat dhe Klos me dosje të rënda penale në SPAK
Bashkia Mat ka dosje në SPAK për #tendera.
Bashkia Klos ka dosje për #krime zgjedhore.
Pra, në njërën dyshohet për abuzim me paratë publike,në tjetrën për deformim të vullnetit të qytetarëve.
Paratë publike dhe vota.
Dy shtyllat e demokracisë. Të dyja nën hetim.
Ky është alarm.
Sepse kur në një zonë të vogël dalin dy dosje kaq të rënda, problemi nuk është “gabim administrativ”.
Është kulturë pushteti.
Tenderat për ujësjellësa ,sheshe fiktiv e rrugë ,para që duhet të shkojnë për shërbime ,përfundojnë në hetim.
Zgjedhjet që duhet të jenë garë e lirë përfundojnë në dosje penale.
Dhe pastaj na flasin për normalitet.
Nuk ka normalitet kur vota hetohet dhe tenderi hetohet në të njëjtën zonë.
Nuk ka stabilitet kur SPAK troket në dyert e së njëjtës hartë për dy krime që lidhen drejtpërdrejt me pushtetin.
Sepse aty ku hetohet vota dhe paraja publike, aty ku dyshohet për manipulim dhe abuzim në të njëjtin territor, shteti është i kapur.
