Senatorja amerikane Elissa Slotkin (Demokrate nga Miçigani) ka reaguar në rrjetin social X lidhur me dhunën policore në protestën stu...
POLITIKE
PD i kërkoi KQZ-së ta përjashtojë nga lista e PS-së, reagon Bido: Dolët prapë bllof, shihemi në Kuvendin e Shqiptarëve!
b.zPërditësimi i fundit 29 Mars 2025, 15:33
Ardit Bido
TIRANË - Kandidati i Partisë Socialiste për qarkun e Vlorës dhe drejtori i Arkivit të Shtetit, Ardit Bido, i është përgjigjur deklaratave të Partisë Demokratike, e cila kërkoi sot që KQZ ta përjashtojë nga lista e PS-së, pasi ky i fundit bën fushatë për deputet duke qenë ende në detyrë.
Përmes një video të publikuar në rrjete sociale, Bido thotë se PD nuk e përjashton dot me teknikalitete, ndërsa pretendoi se nga ana e tij nuk ka asnjë shkelje.
Bido thotë se ligji për nëpunësin civil përcakton se titullarët e institucioneve pezullohen me akt të Departamentit të Administratës Publike dhe sipas tij ky akt ekziston në KQZ që prej datës 12 mars.
Bido thotë më tej se vetë ai i ka deleguar kompetencat, siç e parashikon ligji, te zëvendësdrejtori i Përgjithshëm, deri në kthimin në detyrë të titullarit.
Reagimi i Bidos
Për ditën e dytë rresht, Partia Demokratike del në konferencë zyrtare për shtyp vetëm kundër një kandidati, kundër meje. Duket se i ka zënë frika se çfarë do ta gjejë nesër “Aleancën e Antishqiptarisë Kombëtare të Madhe, Madhështore”, kur të gjendet përballë meje në foltoren e Kuvendit të shqiptarëve. Doli sot zëdhënësja e PD-së dhe tha që Ardit Bido nuk ka dhënë dorëheqjen, duhet që KQZ-ja ta përjashtojë. Nuk më përjashtoni dot me teknikalitete, sepse ju nuk dini të lexoni ligjin. Ju nuk dini të kërkoni dhe të shihni dokumentacionin. Ligji për nëpunësin civil përcakton se titullarët e institucioneve pezullohen me akt të Departamentit të Administratës Publike. Po të donit, e kishit parë në KQZ që ky akt ekziston prej datës 12 mars. Si njeri i përgjegjshëm, pak para këtij akti, delegova kompetencat, siç e parashikon ligji, te zëvendësdrejtori i Përgjithshëm, deri në kthimin në detyrë të titullarit; qofsha ai unë, qoftë dikush tjetër. Por, kur ekspertizën ligjore, ekspertizën ekonomike, ekspertizën e të gjitha fushave e merr nga njerëz të cilët janë me brumë të lartë intelektual, si Fredi Beleri, këtu do të përfundosh. Doktor, të lutem, dita e dytë, mos dil më bllof! Mos dil më bllof! Do të shihemi në Parlament dhe do të flasim përballë, ashtu siç na takon: një njeri i cili nuk i fshihet pas gishtit asnjë të vërtete dhe një njeri i cili ndryshon qëndrimet sipas interesit të radhës. Shihemi në Kuvendin e shqiptarëve!
