Pas refuzimit të përsëritur të studentëve dhe pedagogëve për t’u ulur në dialog me të, kryeministri Edi Ram...
POLITIKE
PD përshkallëzon aksionin në Parlament. Zbardhet vendimi i grupit
PiranjatPërditësimi i fundit 3 Nëntor 2025, 17:47
Kreu i Partisë Demokratike, Sali Berisha, deklaroi se grupi parlamentar ka vendosur të përshkallëzojë aksionin opozitar brenda parlamentit.
Ai theksoi se beteja në Kuvend do të vijojë me intensitet të lartë dhe në çdo terren politik. Berisha shtoi se gjatë mbledhjes është diskutuar gjerësisht edhe për zhvillimin e protestave.
Sipas tij, vendimet konkrete për protestat do të merren në ditët në vijim, pasi fushata elektorale në Tiranë tashmë ka përfunduar.
Pyetje: Në mbledhjen e grupit ditën e premte, pjesa më e madhe e grupit parlamentar nuk ka artikuluar përshkallëzim të aksionit brenda parlamentit. A ka pasur kryesia një qëndrim për ta përshkallëzuar aksionin në parlament?
Sali Berisha: Po, grupi ka pasur vendim për të përshkallëzuar qëndrimet e veta në parlament. Pa diskutim. Grupi vendosi që të vazhdojmë betejën fuqishëm në parlament. Ne kemi eksperiencë të jashtëzakonshme për parlamentin. A do rikthehen ato që ishin apo të tjera, por beteja në parlament nuk diskutohet, do bëjmë betejë në çdo terren që jemi.
Pyetje: A është diskutuar për protestë?
Berisha: Po, është diskutuar gjerësisht për protestën. Janë dhënë mendime pozitive, por vendimet do merren në ditët që vijnë.
Ishte fushatë elektorale, por në Tiranë nuk ka më fushatë.
