Ekziston mundësia e një takimi me Presidentin e Shteteve të Bashkuara të Amerikës, Donald Trump, në Kinë, tha sot President...
POLITIKE
"Pensionistë e të papunë do vijnë të thonë fjalën e tyre", Berisha: Miratimi i këtij buxheti do të shoqërohet me protestë të fuqishme rreth parlamentit
ZH.LLPërditësimi i fundit 11 Nëntor 2024, 12:57
Sali Berisha
TIRANË- Kreu i opozitës, Sali Berisha ka njofuar një protestë rreth parlamentit ditën kur do të miratohet buxheti.
Në konferencën me gazetarët, teksa komentoi buxhetin për vitin 2025, duke e konsideruar si vjedhjen më të madhe në histori, Berisha tha se dita e miratimit te buxhetit do të shoqërohet me një protestë të fuqishme nga qytetarët, pensionistët, fermerët, të papunët dhe bizneset e vogla.
"Natyrisht ne kemi zgjedhur që të paraqesim amendamentet tona në komisione dhe seancë plenare, të sigurt se ato nuk pranohen nga qeveria, e cila ka një synim kryesor, plaçkitjen maksimale të këtij buxheti nga organizata kriminale që kryeson Edi Rama, por paraqitja e tyre është një detyrim solemn para shqiptarëve për të bërë avokatinë e tyre dhe për të qenë të obliguar që në mbledhjen e parë të parlamentit shumicë të PD, ato ligje të votohen dhe të hyjnë në fuqi menjëherë.
Sigurisht, miratimi i këtij buxheti do të shoqërohet me protestë të fuqishme rreth parlamentit, ku qytetarët, pensionistët, fermerët, të papunët, bizneset e vogla, të gjithë ata që dëshirojnë të thonë zërin e tyre në ditën e plaçkitjes më të madhe të vitit, plaçkitjes së buxhetit në parlamentin e krimit", tha Berisha.
