Përfaqësuesi ligjor i PD publikon shifrat e KQZ-së: 2902 zarfe të diasporës të numëruara nga 2896 zarfe në total!

TIRANË- Përfaqësuesi ligjor i PD, Marash Logu përmes një postimi në "Facebook" ka denoncuar një tjetër skandal në lidhje me votën e diasporës të administruar nga KQZ. Logu ka postuar shifrat e publikuara nga faqja online e KQZ, ku zarfet e numëruar janë më shumë se totali i tyre.

‘Vota e Diasporës në shifra! 2902 zarfe nga 2896 zarfe në total’, shkruan Logu në Facebook.

Logu pasditen e sotme në deklaratë para mediave ka reaguar në lidhje me vendimin e KAS për pranimin e ankesës së PS dhe shpalljen të pavlefshëm të vendimit të kryekomisionerit Ilirjan Celibashi që diferencoi votat nga Greqia. Logu shprehet se PD kërkon që të mos numërohet asnjë zarf që ka ardhur nga Greqia deri në momentin që do provohet që ato zarfe janë marr nga zgjedhësit në Greqi.

Ai shprehet se vota e diasporës në Greqi është shkelur masivisht protokolli i sigurisë. Sipas tij ka patur persona të cilët kanë marrë qindra zarfa dhe i kanë dorëzuar. Përfqësuesi i PD-së tha që nuk duan të bllokojnë numërimin, por kërkojnë që votat e Greqisë duhet të veçohen dhe të sigurohen se janë shprehje e vullnetit shqiptar dhe pasi të vërtetohet do ti nënshtrohen numërimit.