Senatorja amerikane Elissa Slotkin (Demokrate nga Miçigani) ka reaguar në rrjetin social X lidhur me dhunën policore në protestën stu...
POLITIKE
Përfundon takimi i kryetarëve të partive të vogla në Presidencë/ Duka, Shehi, Mediu dhe Dule propozojnë datën 4 maj për zgjedhjet e ardhshme
r.llPërditësimi i fundit 20 Nëntor 2024, 11:12
mediu, duka, dule
TIRANË- Ka përfunduar takimi i kryetarëve të partive të vogla në Presidencë. Bëhet me dije se në takim ishin kreu i Aleanca Progresiste LZHK, Dashamir Shehi, kreu i Partisë Republikane, Fatmir Mediu, kreu i Partia Agrare Ambientaliste, Agron Duka dhe kreu i Partia Bashkimi për të Drejtat e Njeriut, Vangjel Dule.
Kreu i PPA-së, Agron Duka bën me dije se i kanë propozuar Presidentit Bajram Begaj datën 4 maj për të mbajtur zgjedhjet parlamentare në vitin 2025. Duka tha se zgjodhën 4 majin sepse më datë 9 maj në Tiranë do të mbahet samiti i Komunitetit Politik Europian.
“Ne propozuam datën 4. Kushtetuta e përcakton 15 prill-15 maj. Më e arsyeshme për ne është maji, por duke qenë se përfiltet që me datë 19 ka një aktivitet me pjesëmarrje të kryeministreve të Europës kjo mund të ndikojë në zgjedhje dhe mendoj se data 11 është e papërshtatshme. Besoj do të takojë edhe të tjerët presidenti, por në fund të fundit ata që do vendosin dihet se kush janë. Ne kemi dhënë mendimin tonë. Kushtetuta përcakton 4 të diela, data 1 është e përcaktuar në kushtetutë dhe diskutohet patjetër. Por për shkak se paragjykohet për atë që u thashë, mund të ndikojë edhe në zgjedhje, se i bie të mbyllë fushatën me datë 9 të mbledhë të Europës, të flasë si do ai dhe kjo nuk është normale sipas mendimit tim. Kjo është logjike, ne jemi në opozitë. Ju a mendoni kështu si unë, ka efekt nëse këtu ka një efekt kaq madhor? Po. Edhe PD të njëjtin qëndrim do mbajë”, tha Duka.
Në orën 11:45, në presidenci për konsultimet për datën e zgjedhjeve do të shkojë edhe kryetari i Partisë Mundësia, Agron Shehaj, për takimin me Begajn. Ndërkohë takimet me përfaqësues të Partisë së Lirisë, do të zhvillohen të enjten më 21 nëntor, ndërsa me Partinë Socialiste dhe me Partinë Demokratike, më datë 25 nëntor.
