Zbardhen detaje rreth profilit të autori ttë ngjarjes në Maliq, që vrau një polic dhe plagosi një tjetër. Violand Bracellar...
POLITIKE
"Përgjegjësia jonë, të adresojmë sfida"/ Mbyllet mbledhja e parë e Komisionit për Antikorrupsionin, Xhafaj: I keqardhur që opozita nuk iu përgjigjën pozitivisht ftesës
M.B.Përditësimi i fundit 14 Qershor 2024, 10:27
Lindita Nikolla dhe Fatmir Xhafaj
TIRANA- Ka përfunduar pas disa minutash nisjeje, mbledhja e parë e Komisionit të Posaçëm Antikorrupsion, mbledhje e cila u bojkotua nga opozita. Kryetari i Komisionit, Fatmir Xhafaj është shprehur se ndihet i keqardhur që opozita nuk iu është përgjigjur ftesës për të marrë pjesë në mbledhjen e konstituimit, duke shtuar se roli i saj është shumë i rëndësishëm.
Xhafaj shtoi se përgjegjësia e tyre është të adresojnë sfida në interesin ë qytetarëve dhe në funksion të integrimit të vendit. Ai tha se ky Komision synon të adresojë çështje me rëndësi jetike për qytetarët, për të ardhmen e vendimit, çështje që shkojnë përtej interesit të partive tona, pasi, sipas tij, i shërbejnë forcimit dhe modernizimit të vendit, të ardhmes së vendit.
Pjesë nga fjala e Xhafajt:
Si mbledhje e parë për konstituimin e Komisionit, çka është një detyrim që rrjedh nga rezoluta e miratuar nga Kuvendi. Ky Komision ka për qëllim thellimin e reformave shtet formuese, për mirëqeverisjen e vendimit, luftën ndaj korrupsionit, kjo është përcaktua qartë në rezolutë.
Objektivi i Komisionit të Posaçëm Parlamentar, përgjegjësia jonë është të adresojmë sfida në interesin ë qytetarëve dhe në funksion të integrimit të vendit. Kam bindjen se do të jetë proces gjithëpërfshirës, në rrafshin politik, institucional e social. Roli i opozitës është tejet i rëndësishëm, pjesëmarrja e saj në këtë proces është me rëndësi për qëllimet që do të adresojë kjo reformë.
Jam i keqardhur që opozita nuk iu është përgjigjur pozitivisht kësaj ftese për bashkëpunim, këtij detyrim të përbashkët për pjesëmarrje dhe angazhim në këtë Komision që buron nga Kushtetuta, pjesë e së cilës jemi bashkarisht. Ky Komision synon të adresojë çështje me rëndësi jetike për qytetarët, për të ardhmen e vendimit, çështje që shkojnë përtej interesit të partive tona, pasi i shërbejnë forcimit dhe modernizimit të vendit, të ardhmes së vendit tonë.
Për fat të keq, kjo situatë e sotme më sjell në kujtesë një situatë të ngjashme kur filloi veprimin në 2014 Komisioni i Oosaçme për Reformën në Drejtësi. Opozita edhe atëherë në 2014. megjithëse e votoi ngritjen e Komisionit, nuk mori pjesën në mbledhjen e parë të konstituimit të atij komisioni dhe në disa mbledhje në vazhdim. Reflektuan me vonesë dhe u përfshinë më pas.
Koha tregoi që kolegët tanë gabuan atëherë, kjo i kushtoi shumë politikisht dhe elektoralisht. Shpresoj që kjo histori të mos përsëritet dhe ta kemi midis nesh opozitën. Procesi do të duhet të ecë përpara duhet zhvilluar një proces sa më gjithëpërfshirës, transparent, duke përfshirë të gjithë aktorët e mundshëm, të shoqërisë civile, botës akademike, grupeve të interesit. Kjo mbledhje është hapi i parë i natyrës formale përgatitore, si mbledhje edhe detyruese për ne.
