Zbardhen detaje rreth profilit të autori ttë ngjarjes në Maliq, që vrau një polic dhe plagosi një tjetër. Violand Bracellar...
POLITIKE
"Unë merrem me politikë", Meta: Përgjegjësinë financiare e ka Monika, edhe deklarimin e pasurisë e kam firmosur me mirëbesim
r.llPërditësimi i fundit 13 Qershor 2024, 16:54
ilir meta, monika kryemadhi
TIRANË- Presidenti i Partisë së Lirisë, Ilir Meta në konferencën për gazetarët ka dhënë detaje nga thirrja e tij në Prokurorinë e Posaçme. Ai tha se ndër pyetjet e bëra ishte, a kishte dijeni për një shumë 20 mijë euro që Kryemadhi ka tërhequr para 16 vitesh.
Meta tha se nuk është marrë asnjëherë me çështje financiare, ndërsa përgjegjësitë ia atribuoi bashkëshortes së tij Monika Kryemadhit. Ai shtoi se edhe deklarimin e pasurisë që është bërë çdo vit e ka firmosur me mirëbesim, pasi Kryemadhi kishte një avokate që i ndiqte çështjet.
"Në datën kaq 2008 zonja Kryemadhi ka tërhequr 20 mijë euro këtu, dini gjë e ka diskutuar me ju? Mbaj mend unë me Monikën në 2008 se çfarë ka tërhequr apo si ka tërhequr, ajo ka bërë tërë ato veprime sepse kanë pasur tërë ato pronat e tyre, kanë pasur pallatin e tyre, pronat e tyre, ka pasur pjesën e mamasë së saj, ka bërë pagesa për fëmijët, punët e saj, unë nuk kam ndërhyrë kurrë në këto çështje dhe kurrë nuk jam marrë as me çështje, financiare, edhe me deklarimin e pasurisë që është bërë çdo vit, unë kam firmosur në mirëbesim pasi ajo kishte një notere, avokate që i ndiqte këto çështje.", u shpreh kreu i PL-së.
I pyetur nga gazetarët nëse ishte pyetur për të njëjtat çështje si bashkëshortja e tij Monika Kryemadhi, ndër to hetimin pasuror, Meta përsëriti se përgjegjësitë financiare i ka mbajtur ajo, ndërsa ai ka bërë politikë. Ai tha se çështjet e pronave dhe ato financiare, është përgjegjëse vetëm Kryemadhi.
"Unë se di si janë bashkuar, ajo mund t’i dijë më mirë këto punë, unë po ju them për çfarë u pyeta unë sot. Për këto gjëra u pyeta, t’i bëjnë si të kenë qejf ata çështjet, unë jam i hapur. Nuk kam pasur asnjë përgjegjësi, të gjitha i ka Monika, unë jam marrë me politikë këtë e bëj mirë. Merren me histori paske diskutuar ti me Monikën në shtëpi, këto veprime që ka bërë Monika në llogarinë e vet, përralla të tilla, as çështje pronash as financiare nuk kam pasur asnjë përgjegjësi, çdo përgjegjësi i ka pasur Monika, e kanë pasur mysafire (SPAK), unë merrem me politikë.", tha Meta.
Kreu i Partisë së Lirisë ka dëshmuar paraditen e sotme për rreth 3 orë në SPAK. Ai tha se u thirr nga prokurorët si denoncues i aferave sipas tij të qeverisë së Edi Ramës. Kjo paraqitje e Metës në SPAK vjen një ditë pas bashkëshortes së tij, Monika Kryemadhit.
