Të rinjtë protestues kanë refuzuar thirrjet për dialog me kryeministrin Edi Rama.
Gjatë protestës, studentët kanë p&e...
POLITIKE
Përjashtimi 20 deputetëve demokratë, Bardhi: PS po tregon frikë nga qytetarët dhe opozita
PiranjatPërditësimi i fundit 22 Tetor 2026, 16:58
Kreu i grupit parlamentar të PD-së, Gazment Bardhi, ka reaguar për kërkesën e grupit të PS për përjashtimin e 20 deputetëve demokratë nga Kuvendi, duke e cilësuar vendimin si një agresion politik dhe përpjekje për të mbytur zërin e opozitës.
Bardhi akuzon mazhorancën se po vepron nga frika e qytetarëve dhe e opozitës, ndërsa thekson se deputetët demokratë nuk do të heshtin dhe nuk do të tërhiqen nga beteja politike.
Sipas tij, përjashtimi i deputetëve nuk e ndal opozitën, por dëshmon mungesën e respektit për demokracinë parlamentare dhe pluralizmin politik.
Kanë humbur qetësinë, kanë humbur arsyen dhe po tregojnë hapur frikën nga qytetarët dhe opozita!
Përjashtimi i 20 deputetëve të PD-së nga Kuvendi është një akt i rëndë agresioni politik dhe një përpjekje e hapur për të goditur opozitën dhe për të mbytur zërin e qytetarëve që ajo përfaqëson.
Ata që qytetarët i kanë refuzuar dhe i kanë shpallur të padëshiruar, sot kërkojnë të përjashtojnë nga Kuvendi përfaqësuesit e opozitës. Ky është kulmi i arrogancës dhe i shpërfilljes së demokracisë parlamentare.
Kuvendi nuk është pronë e pushtetit dhe opozita nuk është në Kuvend me lejen e qeverisë, por me mandatin e qytetarëve! Ndryshe nga deputetët vasalë të klaneve kriminale, mbi të cilët rëndojnë akuza dhe dyshimet për lidhje me krimin e organizuar apo akte korrupsioni, deputetët e PD-së janë aty për të përfaqësuar interesat e qytetarëve, për të denoncuar abuzimet dhe për t’i kërkuar llogari një pushteti që kërkon të sundojë pa kundërshtim.
Përjashtimi i deputetëve nuk e mbyll gojën e opozitës, nuk e fshin të vërtetën dhe nuk e ndal betejën për demokracinë. Përkundrazi, çdo përpjekje për të përjashtuar opozitën vetëm sa dëshmon frikën e pushtetit nga fjala e lirë dhe llogaridhënia.
Opozita nuk do të intimidohet, nuk do të heshtë dhe nuk do të tërhiqet përballë asnjë presioni politik. Demokracia nuk mbrohet duke përjashtuar kundërshtarët, por duke respektuar pluralizmin dhe vullnetin e qytetarëve.
