Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
POLITIKE
"Pikëpamjet mbi integrimin e Shqipërisë në BE", Bardhi dhe Gjekmarkaj priten nga Kryetari i Komitetit për Çështje Europiane në Bundestag
M.B.Përditësimi i fundit 16 Maj 2024, 14:21
Foto nga takimi
GJERMANI- Kreu i Grupit Parlamentar të PD-së, Gazment Bardhi dhe nënkryetari i kësaj partie, Agron Gjekmarkaj, janë pritur sot nga Kryetari i Komitetit për Çështje Europiane në Bundestag, Anton Hofreiter. Me anë të një postimi në rrjetet sociale, Gjekmarkaj thotë se me Hofreiter ndanë pikëpamjet mbi integrimin e Shqipërisë në BE. Ai shton se theksuan rëndësinë e procesit të Berlinit si dhe ngritën shqetësimet e tyre për Reformën Zgjedhore.
Gjekmarkaj thotë se patën mundësinë e një bashkëbisedimi të gjërë me deputetët e këtij komiteti të cilet bënë shumë pyetje për çështje të integrimit, drejtesisë, Ballkanit të Hapur dhe procesit të Berlinit, bashkimit të opozitës, marrvëshjes Rama-Meloni, emigracionit dhe shkaqeve të tij etj. Ai shton se edhe në këtë takim ka rrëfyer sagën e trishtë, sipas tij, të arrestimit të liderit të opozitës Sali Berisha pa akuzë e pa hetim.
Postimi:
Sot sëbashku me z. Gazment Bardhi, kryetar i grupit parlamentar të PD dhe Nënkryetar i kesaj partie, u pritem nga Kryetari i Komitetit per Çeshtje Europiane në Bundestag z. Anton Hofreiter, me të cilin bashkëndamë pikëpamjet tona mbi integrimin e Shqiperisë në BE, si dhe e falenderuam për mbeshtetjen e pakursyer që Gjermania i ka dhënë vëndit tonë në këtë proces e jo vetem gjatë 34 viteve pluralizem.
Theksuam rëndësinë e procesit të Berlinit dhe mbeshtetjen që Opozita i ka dhënë atij që në gjeneze. I shprehem shqetesimet tona per stanjacionin e Reformes Zgjedhore e cila me patjeter duhet të reflektojë rekomandimet e OSBE-ODIRH per zgjedhje të lira e të ndershme dhe barazi të pjesmarrësve në zgjedhje.
Gjithashtu sot patem mundësinë e një bashkëbisedimi të gjërë me deputetët e këtij komiteti te cilet bënë shumë pyetje per çeshtje të integrimit, drejtesisë, Ballkanit të Hapur dhe procesit të Berlinit, bashkimit të opozites, marrveshjes Rama-Meloni, emigracionit dhe shkaqeve të tij etj. U shpreha kolegëve gjermanë gjithë respektin dhe falenderimin per vemendjen e kohen që na kushtuan, duke ju shpjeguar se populli shqiptar, jo vetem nga sondazhet të cilat e nxjerrin si popullin me proevropian, por nga historia e cila e ka vënë disa here në balle të perpjekjeve për të luftuar për Europen dhe në emer të saj, të një populli që e di ç’do të thotë të humbasesh si realitet e ta ruash si identitet, të ndeshkohesh prej saj e për të, për arsye shpirterore e kulturore si të tillë, si europiane dje, sot dhe neser, e meritojmë të jemi në bashkësinë e saj politike. Unë kam qënë 16 vjeç kur na u ofrua ëndrra europiane tani jam 50 vjeç dhe ajo ngjan me një vijë horizonti që sa i afrohemi po aq largohet. Popujt e Ballkanit Perëndimor e duan Europën, ndonjëherë qeveritë e tyre jo, sepse kështu konsolidojnë të pashqetësuar autokracinë!
Edhe në këtë takim rrëfeva sagen e trishtë të arrestimit të Liderit të Opozites Sali Berisha pa akuze e pa hetim, duke e shndërruar atë në një subjekt nën ligjin, duke prekur ad personam nenin 73 të Kushtetutës për ndeshkim. Opozita dhe PD e bashkuar janë realitet por ende peng i vendimeve gjyqësore që nuk respektojnë sensibilitetin shoqeror i cili pret sa me shpejt nga ata një vendim.
“Vdekja” e Ballkanit të hapur është e vetmja “vaki” që është pritur me gëzim duke zvogluar ndikimin e tërthortë rus nëpërmjet Serbisë në Ballkan. U shpjeguam gjitha hallkat, ngecjet dhe vonesat e Reformes në Drejtesi. Po ashtu ritheksuam nevojen e rikthimit të misionit faktmbledhës të Bundestagut gjatë vitit elektoral në Shqiperi.
