"Piranjat" ekspozuan makthin te urgjenca QSUNT/ PD: Qeveria e promovon si sukses sistemin e shëndetësisës, realiteti për pacientët krejt ndryshe

ilir alimehmeti

TIRANË- Drejtuesi i Departamentit të Shëndetësisë në PD, Ilir Alimehmeti, në një deklaratë për media tha se emisioni investigativ "Piranjat" ekspozuar gjendjen e mjerueshme me të cilën përballen pacientët që kanë urgjenca mjekësore. Alimehmeti u shpreh se edhe pse qeveria e promovon si një sukses të madh sistemin e shëndetësisë, realiteti për pacientët që kërkojnë shërbime urgjente është shumë ndryshe.

"Urgjenca e QSUT pret qindra deri në mijëra raste në ditë për shkak se centralizimi i sistemit shëndetësor detyron që të gjithë të sëmurët të drejtohen vetëm në QSUT dhe pajisjet amortizohen me shpejtësi dhe nuk zëvendësohen, shtretërit nëpër pavione nuk janë të mjaftueshëm dhe nuk shtohen, ndërkohë që Kryeministri premton vetëm ndërtim hoteli dhe parking brenda në QSUT.", tha Alimehmeti ndër të tjera.

Ai shtoi se zgjidhje reale shërbimit shëndetësor i jep vetëm programi i PD për shëndetësinë, i cili sipas tij bazohet në, financimin e duhur të sektorit shëndetësor, decentralizimin e shërbimeve shëndetësore, dhe shtimin e numrit të mjekëve dhe dyfishimin e rrogave të mjekëve dhe infermierëve.

DEKLARATA E PLOTË E ILIR ALIMEHMETIT: 

Ditën e djeshme, gazetarët kurajozë të emisionit ‘Piranjat’ ekspozuan gjendjen e mjerueshme me të cilën përballen pacientët që kanë urgjenca mjekësore. Ndërkohë që Kryeministri e deklaroi sot ne shpalljen e programit si krenari të reformave në shëndetësi, pacientët në urgjencë përballen me kapacitete të kufizuara ambientesh, kapacitete të kufizuara pajisjesh dhe kapacitete të kufizuara personeli shëndetësor. Dhe çfarë pamë?

Mungesë shtretërish në urgjencë dhe pacientët shtrohen nëpër korridore ku kalon kushdo, pa asnjë privatësi dhe pa asnjë kujdes të dinjitetit të pacientit, sepse nuk ka vende nëpër pavione. Mungesë personeli shëndetësor ku, ata pak mjekë që janë, punojnë 16 deri në 24 orë në ditë, duke shkaktuar edhe rënie të cilësisë së shërbimit për shkak të lodhjes së pashmangshme fizike.

Mungesë aparaturash me vetëm një EKG prej tre muajsh në të gjithë urgjencën e QSUT, siç deklarohet nga stafi, ndërkohë që të tjerat janë prishur dhe nuk rregullohen sepse ‘nuk ka lekë’ dhe ‘drejtoria nuk paguan lekët’. Edhe nga dy skanerat e urgjencës ‘ka mbetur vetëm një… u prish tjetri’ shprehen ata. Ta kemi të qartë! Siç shprehet vetë Rama, ‘nuk janë individët që korruptojnë sistemin, por sistemi që korrupton individët’, dhe sistemi është krijuar nga vetë Rama.

Urgjenca e QSUT pret qindra deri në mijëra raste në ditë për shkak se centralizimi i sistemit shëndetësor detyron që të gjithë të sëmurët të drejtohen vetëm në QSUT dhe pajisjet amortizohen me shpejtësi dhe nuk zëvendësohen, shtretërit nëpër pavione nuk janë të mjaftueshëm dhe nuk shtohen, ndërkohë që Kryeministri premton vetëm ndërtim hoteli dhe parking brenda në QSUT.

Ky është rezultati i ‘Shëndetësisë falas’ miq! Dhe në fakt, vetë personeli këshillon të kthehemi te shembulli i Urgjencës së ashtuquajtur ‘të vjetër’ që e vlerësojnë si shembull funksional, ku shtretërit të ishin të ndarë dhe të veçuar nga njëri-tjetri për të krijuar privatësinë dhe përshtatshmërinë e shërbimit shëndetësor që garantohej më parë.

Modeli i propagandës fshehëse të Kryeministrit nuk i jep dot zgjidhje reale shërbimit shëndetësor! Zgjidhja jepet vetëm nga programi i Partisë Demokratike për shëndetësinë, i cili bazohet në, financimin e duhur të sektorit shëndetësor, decentralizimin e shërbimeve shëndetësore, dhe shtimin e numrit të mjekëve dhe dyfishimin e rrogave të mjekëve dhe infermierëve. Ne fokusohemi drejt modeleve funksionale të shëndetësisë! Ne do ta kthejmë Shëndetësinë Dinjitoze Ne do te kthejmë respektin për pacientin, për individin, për shqiptarin!

INVESTIGIMI I PIRANJAVE

3.5 milion thirrje të trajtuara dhe mbi 800 mijë misione të realizuar nga Shërbimi kombëtar I Urgjencës… Kështu deklaroi pak ditë më parë  Kryeministri Edi Rama në një takim me mjekë e infermier të këtij shërbimi. Duke u përpjekur të bëjë dallimin e Urgjencës Kombëtare para dhe pas qeverisjes socialiste.

A ka hyrë ndonjeherë Kryeministri në Urgjencën e QSUT, në një ditë të zakonshme pune, dhe pa lajmëruar se do të shkojë? Për këtë dyshojmë shumë…  Ndaj për ta informuar sa më mire Zotin Kryeministwr, bëmë një vëzhgim disa ditor, duke u përpjekur të sjellim sadopak fragmente të asaj se ccfarë ndodh brenda atyre mureve.

Sapo afrohemi, përvecc një numri të madh personash, brenda dhe jashtë ambienteve të urgjencës, gjëra e parë që arrijmë të dokumentojmë, është ky zotëri, që mbi kokë ka një infermiere dhe një mjeke, qe cila po e viziton mbi krevatin me rrota te nxjerrë nga autoambulanca mu në mes të kooridorit.Sepse me shumë gjasë, nuk ka vende të lira për ta sistemuar në një dhomë.

Ndërkohë në një tjetër korridor janë pozicionuar 2 pacientë, njëri prej të cilëve është duke bërë serum, ndërsa i është vendosur një kateter i improvizuar me një bidon uji, ndërsa dy të tjerët po qëndrojnë ulur në pritje të marrë asistencë nga personeli.

Në të njëjtin kooridor qëndron një tjetër I moshuar në karrocë, I shoqëruar nga një e afërme, edhe ai në pritje të mjekut. Sidoqoftë nuk jemi aty vetëm për të verifikuar praninë e pacientëve që kanë mbushur korridorin, por për të kuptuar edhe se si janë proccedurat për regjistrimin dhe më pas përkujdesjen ndaj tyre. Gjë që duhej të ishte normale, njëlloj si ccdo urgjencë në të gjithë botën.

Për këtë kemi vendosur të asistojmë një të sëmurë dhe bashkë me të nisim të kërkojmë mjekun nëper kooridore me shpresën se mes gjithë atyre njerzve do ta dallonim se cili ishte i duhuri për ne. Infermierja na orienton, por ndërsa ne presim të takojmë mjekun, ajo na dorëzon në duart e një kolegeje tjetër.

Një lloj stafete brenda korridoreve të urgjencës, ndërkohë që as këtë herë mjekun nuk e pamë. Infermierja e dytë na fut në një ambient ku më pas mësuam se kryhet EKG e zemrës. Krahas nesh, aty ka një numër të konsiderueshëm personash që presin në radhë. Një dhomë ekzaminimi në të cilën qëndrojnë të gjithë së bashku, pacientë dhe të afërm, pa minimumin e privatësisë. Dhe më keqja është që mungojnë dhe mjetet e punës…

Ikja e infermieres ka bërë që të gjithë të qëndrojnë me sy nga dera duke pritur rikthimin e saj. Kohë e mjaftueshme edhe për tu njohur me njëri tjetrin. Pasi kemi pritur rreth 15 minuta, më në fund pajisja erdhi, dhe infermierja iu fut menjëherë punës në prani të të gjithë pacientëve që janë aty në pritje… Ekzaminimi u bë vetëm për një paciente, dhe spina e EKG u hoq për tu marrë sërish nga infermierja, ndërkohë që në rradhë ishin edhe 5 pacientë të tjerë në pritje të këtij shërbimi. Sepse EKG-ja ka prioritete.

Pavarësisht këmbënguljes tonë, infermierja nuk na kushton aspak vëmendje dhe largohet bashkë me pajisjen e EKG duke na lënë në pritje edhe për 15 minuta të tjera.... Sepse më në fund arritëm të kuptojmë që në Urgjencën e QSUT, nuk mjafton vetëm mungesa e EKG që shëtit sa andej e këtej, por u dashka të kesh pas vetes një infermiere të dedikuar, sepse përndryshe nuk të merr askush përsipër.

Gjithsesi meqë e kemi detyrim të gjejmë një infermiere, dalim sërisht nëpër kooridore për ta kërkuar…Por në vend të saj, përballemi sërish me pacientët që pamë të shtrirë në kooridore, të cilët marrin shërbim në korridoret e spitalit. Një punonjës i urgjencës na pohon se në këtë repart, nuk ka EKG dhe se në funksion është vetëm 1 e tillë. Diskutimin e prishjes së aparaturave për të favorizuar klinikat private e kemi dëgjuar me dhjetra here, por kur e thotë dikush nga personeli i QSUT, atëherë gjërat bëhen më të besueshme.

Por ccfarë mbetet është fakti se urgjenca me e madhe në vend e cila pret me qindra pacientë në ditë, prej 3 muajsh ka në funksion vetëm 1 EKG, ndërkohë që edhe pjesa tjetër e pajisjeve nuk punon. A është gjithë kjo që pamë panorama e vërtetë e asaj ccfarë ndodh në urgjencën e QSUT? Për fat të keq jo, sepse ajo që do ju tregojmë i kalon kufijtë e ccdo imagjinate... dhe ka për protagonist stafin e këtij sektori, aq të vlerësuar nga kryeministri.

Është mbrëmja e 30 Janarit të këtij viti. Në hyrjen e urgjencës paraqiten dy të moshuar. Burri duket se ka probleme serioze shëndetësore, dhe gruaja e merakosur e cila e ndihmon për të ecur me vështirësi. Pasi qëndrojnë për disa minuta përballë recepsionit pa ia hedhur sytë askush, dy të moshuarit, marrin guximin t’i afrohen një grupi mjekësh dhe infermierësh. Por këta të fundit vijojnë bisedën të pashqetësuar, edhe pse janë vetëm gjysem metri distancë.

Por me sa duket, prania e ciftit të moshuar vetëm sa i jep bezdi atyre, dhe pas pak ccastesh largohen një nga një pa marrë mundimin t’i pyesin se ccfarë problemi kanë. Sorollatja e cciftit nëpër korridore zgjati për më shumë se një orë, deri kur më në fund dikush u kujtua që t’i sqaronte. Kaq e vështirë ishte që dikush t’i sqaronte që në fillim dhe t’i përcillte për tek hyrja, në vend që të silleshin sa majtas djathtas korridoreve të spitalit? Ndaj për këtë situatë kërkuam shpjegim pranë këtij reparti , ku shefja e observimit në Urgjencën e QSUNT, shprehu me shqetësim mungesën e kapaciteteve për të pritur pacientët dhe pranoi mungesën e pajisjeve mjeksore.

ilir alimehmeti urgjenca e qsut piranjat

Artikuj te sugjeruar

r.ll POLITIKE 29 Mars16:18

"6 javë na ndajnë nga dita e fitores", Meta: Rama pasi vodhi për 12 vjet taksat e shqiptarëve, nisi të vjedhë edhe premtimet elektorale të opozitës 

ilir meta TIRANË- Presidenti i Partisë së Lirisë, Ilir Meta ka dërguar një mesazh nga burgu lidhur me zgjedhjet parlamentare ...

r.ll POLITIKE 29 Mars16:11

Kulla 16-katëshe e ish-ministres Margariti dhe dajës së saj ngrihet në mes të pallateve dhe shkollës në kryeqytet, rreziku që iu sjell banorëve dhe nxënësve

foto nga zona ku do te ndertohet pallati TIRANË- Një tjetër rast flagrant i abuzimit me pushtetin dhe ligjin ka shpërthyer në zem...

b.z POLITIKE 29 Mars16:10

Pakti Rama-Meloni për refugjatët/ Qeveria italiane miraton dekretin e ri për transferimin e emigrantëve në Shqipëri, çfarë parashikon projektligji

Foto ilustruese ITALI - Qeveria e krahut të djathtë të Italisë ka miratuar një dekret që zgjeron përdorimin e qendrave s...

b.z POLITIKE 29 Mars15:33

PD i kërkoi KQZ-së ta përjashtojë nga lista e PS-së, reagon Bido: Dolët prapë bllof, shihemi në Kuvendin e Shqiptarëve!

Ardit Bido TIRANË - Kandidati i Partisë Socialiste për qarkun e Vlorës dhe drejtori i Arkivit të Shtetit, Ardit Bido, i ësht&...

Nga Wes Martin POLITIKE 29 Mars14:46

Koloneli amerikan: Loja e Belinda Ballukut me portin e ri cënon sigurinë

Belinda Balluku SHBA - Gjatë mandatit të tij të dytë, Presidenti Donald Trump përqendrohet në sigurinë amerikane dhe n&e...

b.z POLITIKE 29 Mars14:41

"Rama sot pranoi që programi i PD-së është i realizueshëm"/ Bardhi: Për tu realizuar duhet të largohet qeveria e korruptuar!

Gazmend Bardhi TIRANË - Deputeti demokrat Gazmend Bardhi ka reaguar pas deklaratave të kryeministrit Rama gjatë prezantimit elektoral të...

b.z POLITIKE 29 Mars14:32

"Sektori prodhues në fazë të rëndë recensioni"/ Blushi: Bujqësia po falimenton! 10 mijë euro grant për çdo biznes të ri bujqësor familjar...

Tedi Blushi TIRANË - Sekretari i Përgjithshëm i Partisë së Lirisë, Tedi Blushi, ka folur mbi zhvillimet më të fundi...

b.z POLITIKE 29 Mars14:20

FOTOLAJM/ Si e reklamonte Rama "Dimal" si shembull suksesi

Rama në Dimal TIRANË - Disa vite më parë, kryeministri Edi Rama vizitonte ambientet e kompanisë “Dimal” në K...

M.B. POLITIKE 29 Mars14:05

"Vazhdon të jetë në detyrë ndërsa bën fushatë për deputet!" PD: KQZ të përjashtojë nga lista e PS-së drejtorin e Arkivës, Ardit Bido

TIRANA- Zëdhënësja e Antikorrupsionit në PD, Genta Vangjeli ka dalë sot në një deklaratë për mediat nga seli...

e. d POLITIKE 29 Mars13:06

26 vjet nga masakra e forcave serbe në Beleg, Osmani: Drejtësia mbetet borxh ndaj historisë sonë

KOSOVË- Presidentja e kosovës Vjosa Osmani ka kujtuar masakrën e Belegut, ku 26 vjet më parë forcat gjenodicale të Serbisë ...