Sami Sheen, vajza e aktorit të njohur Charlie Sheen dhe aktores Denise Richards, ka reaguar publikisht ndaj pretendimeve se jeta e saj luksoze financohet...
Flakët në malin me mbetje në fshatin Halil, Fushë-Krujë, janë shuar nga reshjet e shiut, por zjarri vijon të jetë akti...
POLITIKE
PL bashkohet me PD në protestën e të hënës, Tedi Blushi: Të bashkohemi për të mbrojtur familjen nga ligje çnjerëzore
PiranjatPërditësimi i fundit 16 Nëntor 2025, 14:13
Sekretar i Përgjithshëm i Partisë Liria, Tedi Blushi ka deklaruar se PL-ja do të bashkohet të hënën në protestat e PD-së para Kryeministrisë. Përmes një postimi në rrjetin social Facebook, Blushi u shpreh se do t'i bashkohej kësaj proteste për të mbrojtur familjen dhe fëmijët, të cilët përballen me ligje çnjerëzore që synojnë të normalizojnë perversitetin.
Sekretar i Përgjithshëm i PL-së tha se bashkohet gjithashtu për të mbrojtur demokracinë, e cila po kërcënohet më shumë se kurrë nga një regjim që vepron si armik i lirive dhe të drejtave të qytetarëve.
"Të hënën, më 17 Nëntor, në orën 18:00, bashkohemi të gjithë në protestë përballë Kryeministrisë! Për të mbrojtur familjen dhe fëmijët tanë, të cilët sot përballen me ligje çnjerëzore që synojnë të normalizojnë perversitetin, vesin dhe degjenerimin. Për të mbrojtur ekonominë e familjeve shqiptare, të rënduar çdo ditë e më shumë nga kosto të papërballueshme të jetesës dhe nga hajdutëritë e përditshme të Qeverisë.
Për të mbrojtur demokracinë, e cila po kërcënohet më shumë se kurrë nga një regjim që vepron si armik i lirive dhe të drejtave tona. Le ta ngremë zërin së bashku! Le të tregojmë se ky vend ka njerëz të ndershëm dhe patriotë që nuk dorëzohen kurrë! PROTESTO PËR FAMILJEN, PËR EKONOMINË, PËR DEMOKRACINË" shkruan Tedi Blushi.
