Tensionet e para janë shënuar gjatë protestës së 54-të para Kuvendit të Shqipërisë. Disa prej protestuesve kan&eu...
POLITIKE
“Po e çoni çështjen në limitet kohore që të mos e shqyrtoni”/ Bardhi i kërkon llogari Peleshit: Pse s’e përfshitë në rend dite raportin për Ballukun?
PiranjatPërditësimi i fundit 5 Mars 2026, 10:28
Kreu i grupit parlamentar të PD Gazment Bardhi ka kërkuar futjen në Rendin e Ditës raportin e dalë nga Këshilli i mandateve, në lidhje me kërkesën e SPAK për heqjen e imunitetit që i hap rrugë arrestimit të Belinda Ballukut.
Bardhu u shpreh se është detyrim që raporti të trajtohet në seancën e parë ndërsa akuzoi mazhorancën se po luan me afatet duke e zvarritur çështjen aq sa të përfundojë afati dhe kërkesa e SPAK të quhet e refuzuar.
Bardhi: Siç jeni në dijeni në 23 shkurt këshilli për rregulloren dhe mandatet ka përfunduar mbledhjen për kërkesë e SPAK për arrestimin apo heqjen e lirisë për deputeten Belinda Balluku.
Anëtarët e Këshillit, duke qenë se nuk kishit një qëndrim, 5 anëtarët që e kishin të qartë, kanë dorëzuar raportin. Ju zoti kryetar jeni të detyruar që ta përfshini raportin si pjesë e seancës më të parë të Kuvendit, pas dorëzimit të raportit. Raporti u dorëzua të hënën dhe seanca më e parë është kjo e sotmja.
Në rendin e ditës nuk u përfshi shqyrtimi i kësaj kërkese, që ka natyrë urgjente.
Dhe një javë ka ngelur që kërkesa të ngelet e rrëzuar, për shkak të mosmarrjes në shqyrtim. E keni çuar në limitet kohore të 3 muajve, në kundërshtim me çdo procedurë. Ulsi do më thoshit se do të jetë në bibliotekë dhe se ka përfunduar raportin. Ulsiu të dalë nga biblioteka dhe të sjellë raportin. Mos të mbrojë Ballukun.
