Detaje të reja janë zbuluar nga operacioni “Lulet e së keqes” të zhvilluar në Greqi, ku u sekuestruan 84 kg kokainë ...
POLITIKE
‘’Po punojnë me 3 turne’’/ Berisha: Rama dhe Lubia duan të bllokojnë proceset gjyqësore!
PiranjatPërditësimi i fundit 6 Janar 2026, 12:47
Kreu i opozitës Sali Berisha tha sot në konferencën me gazetarët se kryeministri Edi Rama dhe Belinda Balluku po pengojnë drejtësinë dhe po punojnë me tre turne për falsifikimin e dokumenteve.
Berisha: Ndërtesa e Ramaduros po punon me tre turne, Lubi Balluku dhe Rama kanë mobilizuar grupe të tëra me të cilat po falsifikojnë dhe manipulojnë dokumenta.
Ndaj dhe po bëhet gjithçka për të bllokuar proceset gjyqësore.
Shqyrtimi i dosjeve deri më tani nxjerr 1.1 mld vjedhje nga Rama dhe Balluku dhe të paktën 700 milionë euro në kopshtin privat të Edi Ramës (AKSHI).
Sot, de facto, Këshilli i Mandateve i hoqi mandatin Lubi Ballukut. Mbledhja është plotësisht valide.
Do të bëhet përgjegjës para ligjit dhe Kushtetutës për çdo pengesë që do sjellë Niko Peleshi.
Edi Rama pretendon për tre javë dhe se nuk kanë lexuar dosjen në një kohë kur Pamela ka lexuar dosjen dhe videot, jo vetëm mesazhet. Po, po, se duhen thënë të gjitha gjërat ndonjëherë. Po, se këta tejkalojnë çdo gjë vije të kuqe, janë të pacipë, tejkalojnë çdo kufi. Ç’do të thotë ajo nuk i kemi lexuar? Çfarë nuk ka lexuar? Ajo ka marrë motrën avokate. Çfarë ka mbetur pa lexuar aty? Por ka ngelur vetëm koha që u duhet për të shkatërruar qindra e qindra dokumente. Kjo po ndodh para syve të shqiptarëve, kjo po ndodh para syve të komunitetit ndërkombëtar të gjithë Europës dhe botës. Po ndodh një ngjarje që nuk ka ndodhur ndonjëherë në histori. PD do t’i përgjigjet me të gjithë forcën kësaj situate si me rrugë ligjore, ashtu edhe me protesta të fuqishme të ligjshme.
