Prezantohet platforma e regjistrimit të diasporës në zgjedhje, Celibashi: Ofron siguri dhe standard të lartë

TIRANA- Komisioni Qendror i Zgjedhjeve ka prezantuar sot platformën elektronike për regjistrimin e votuesve nga jashtë vendit për zgjedhjet e 11 majit 2025. Kreu i këtij institucioni Ilirjan Celibashi tha se platforma e ndërtuar gëzon të gjitha standardet që përcaktojnë funksionalitetin dhe mbi të gjitha siguri të plotë.

Ai shtoi se platforma siguron plotësisht mbi identitetin e atij që aplikon dhe se krahasuar me të ngjashmet e saj përbën standardin më të lartë të sigurisë.

Sipas prezantimit, platforma përbëhet nga dy module kryesore: Moduli i regjistrimit, ku zgjedhësit paraqesin kërkesat e tyre për regjistrim, dhe Moduli i shqyrtimit të kërkesave, që mundëson verifikimin dhe menaxhimin e tyre nga autoritetet përkatëse.

“Platforma siguron regjistrimin e votuesve nga jashtë nëpërmjet internetit nga atje ku janë pa qenë nevojë të paraqiten në ndonjë zyrë ambasade. Sistemi gëzon të gjitha cilësitë që duhet të gëzojë, në standarde që përcaktojnë funksionalitet e të tilla platformave dhe më e rëndësishmja sigurinë. Platforma siguron plotësisht mbi identitetin e atij që aplikon. Krahasuar me të ngjashmet e saj përbën standardin më të lartë të sigurisë”, tha Celibashi.

kqz