Denzel Dumfries mund ta cilësojë veten që tani një futbollist i Real Madrid, ndonëse “me letra” mbetet ende për mome...
POLITIKE
Protesta e PD/ Këlliçi: Çmimi i naftës dhe korrupsioni, arsye për revoltë
PiranjatPërditësimi i fundit 22 Mars 2026, 17:25
Deputeti i PD, Belind Këlliçi i ka bërë thirrje qytetarëve të marrin pjesë në protestën që do të organizohet pasditen e sotme para Kryeministrisë.
Në një reagim në rrjetin social facebook, Këlliçi shkruan se çdo qytetar ka arsye për të protestuar duke përfshirë këtu “koston e jetesës, varfërinë, padrejtësitë apo korrupsionin qeveritar.
Një tjetër arsye që Këlliçi liston është rritja e çmimit të naftës, ku shton se kryeministri Edi Rama është ai që pasurohet më shumë nga e gjithë kjo situatë. Sipas deputetit, çdo ditë qeverisje e Ramës është një ftesë për të protestuar.
Secili ka arsyet e motivet e përditshme për të protestuar, për koston e jetës, për varfërinë, për padrejtësitë, për korrupsionin qeveritar që tanimë mbrohet me votë në Kuvend.
Edhe sot disa orë para bashkimit tonë në shesh, Edi Rama u dha qytetarëve një tjetër nxitje për revoltë.
Çmimi i naftës ka kaluar 2 mijë lekë, madje është 2 mijë e 140 lekë dhe ai e quajti këtë një kërcim të vogël.
Edi Rama nuk e ka problem se preket ekonomia e xhepi i njerëzve.
Nga këto kërcime, ai pasurohet sepse më shumë para shkojnë në arkën e qeverisë të cilën e përdor si qesen personale.
Qeverisja e tij, çdo ditë e tij në karrige, janë një ftesë për t’u ngritur, për rezistencë.
