Kryetari i PD-së, Sali Berisha i bëri thirrje maxhorancës të anulojë një anti-miting të paralajmëruar për ta mbaj...
POLITIKE
Protesta para bashkisë së Tiranës/ Blushi: Nuk ka drejtësi në këtë vend pa ndaluar dy kokat kryesore të krimit të organizuar!
n.fPërditësimi i fundit 5 Korrik 2024, 12:49
Blushi
TIRANË- Sekretari i Përgjithshëm i Partisë së Lirisë, Tedi Blushi ka marrë pjesë ditën e sotme në protestën para bashkisë së Tiranës. Blushi është shprehur se nuk ka drejtësi në këtë vend pa ndaluar dy kokat kryesore të krimit të organizuar, Edi Ramën e Erion Veliajn.
Ai më tej shtoi se në asnjë vend të botës demokratike, një hajdut dhe një organizatë kriminale si kjo në bashkinë e Tiranës nuk mbrohet me forca speciale policie dhe një drejtësi e kapur. Blushi shtoi se nuk ka drejtësi duke arrestuar vetëm drejtorë dhe ish-ministra që me ndërgjegjie bëjnë burgun për Edi Ramën dhe Erion Veliajn.
"Ne jemi sërish sot këtu dhe do të jemi deri ditën që këta hajdutë të lirojnë godinat e shtetit, të përfundojnë në burg, kur ky grup i strukturuar kriminal me në krye Erion Veliajn të marrë ndëshkimin e merituar.
Jemi ndoshta vendi i fundit në Europë dhe botë ku krimi mbrohet me policë. Kjo tregon dhe njëherë fytyrën kriminale të këtij narkoshteti që ka kapur dhe sistemin e drejtësisë. Në asnjë vend të botës demokratike, një hajdut dhe një organizatë kriminale si kjo në bashkinë e Tiranës nuk mbrohet me forca speciale policie dhe një drejtësi e kapur.
Të gjithë ata që entuziazmohen nga rezultatet e drejtësisë me regji, ju themi e keni gabim. E keni gabim sepse një organizatë kriminale ka kryetarin e saj, dhe kjo në bashkinë e Tiranës ka një kryetar dhe ky është Erion Veliaj.
Nuk ka drejtësi duke arrestuar vetëm drejtorë dhe ish-ministra që me ndërgjegjie bëjnë burgun për Edi Ramën dhe Erion Veliajn. SPAK duhet të përgëzohet vetëm atëherë kur të arrestojë Edi Ramën dhe Erion Veliajn, ndryshe kemi të bëjmë me një strukturë drejtësie të kapur nga Rama, aleate me të dhe Veliajn dhe partnerë të tyre në krim.
Nuk ka drejtësi në këtë vend pa ndaluar dy kokat kryesore të krimit të organizuar, pa arrestuar Erion Veliajn, i cili duhet të ishte arrestuar 4 vite më parë. Pa arrestuar Edi Ramën që ka firmosur 17 vendime për inceneratorët për dy orë. Në çvend demokratik ndodh kjo, që kjo drejtësi nuk sheh krimet, që kjo drejtësi mbyll sytë para kullave të drogës dhe mafies së plehrave ka marrë peng bashkinë e Tiranës’, tha ndër të tjera, Tedi Blushi gjatë fjalës në protestën e 15 qytetare te bashkia e Tiranës," tha ai.
