Zbardhen detaje rreth profilit të autori ttë ngjarjes në Maliq, që vrau një polic dhe plagosi një tjetër. Violand Bracellar...
POLITIKE
Protesta para bashkisë së Tiranës/ Këlliçi: Guxoni prekni qytetarët, do e keni personale me Partinë Demokratike!
n.fPërditësimi i fundit 14 Qershor 2024, 11:56
Belind Këlliçi
TIRANË- Anëtari i Kryesisë së PD, Belind Këlliçi ka marrë pjesë ditën e sotme në protestën e opozitës para bashkisë. Këlliçi gjatë fjalës së tij i ka drejtuar një paralajmërim të hapur Policisë së Shtetit nga protesta para Bashkisë së Tiranës. Ai u shpreh se nësë ata do të prekin qytetarët do të thotë se e kanë personale me PD.
“Guxoni prekni qytetarët, jeta është shumë e gjatë. Do e keni personale me qytetarët dhe Partinë Demokratike, qoftë ti Met Rrumbullaku qoftë ti Tonin Vocaj, qoftë ai hajduti i bashkisë”, tha Këlliçi.
Ai u shpreh se beteja do të vijojë deri në fund dhe nuk do të tërhiqen. Ai shtoi se në Bashkinë e Tiranës është një hajdut, një fundërinë si Erion Veliaj, i cili do të marrë faturën që i takon.
“Demokratë mos u mërzisni, me betejën tuaj, me qëndresën tuaj, ia dolëm të shembim planin e Edi Ramës që donte të linte vendin pa opozitë. Për një të vërtetë shumë të madhe ju ftojmë të qëndroni, në Bashkinë e Tiranës është një hajdut, një fundërinë si Erion Veliaj, i cili do të marrë faturën që i takon”, tha Këlliçi.
Ai u shpreh se kushdo që ka prekur taksat e qytetarëve të Tiranës, që ka grabitur qytetarët e Tiranës, do të përballet me drejtësinë, do të shkojë atje ku e meriton.
