Në fjalën e saj në Kuvend Ina Zhupa ka mbajtur një qëndrim të ashpër ndaj qeverisë Rama.
Zhupa theksoi se ësht&e...
POLITIKE
"PS dhe fuqia e gruas nuk janë të rastësishme!" Rama: Parlamenti më parë ishte si odë otomane
M.B.Përditësimi i fundit 11 Prill 2025, 18:36
TIRANA- Kryeministri Edi Rama tha sot gjatë eventit “vajzat dhe gratë socialiste për Shqipërinë 2030”, se PS dhe fuqia e gruas nuk janë të rastësishme, por janë të ndërlidhura kaq shumë me njëra tjetrën. Rama tha se Parlamenti më parë ishte si odë otomane ku mungonte zëri i gruas. Ai shtoi se nëse gratë do të largoheshin një muaj nga vendi, Shqipëria do të ishte mbushur me burra me mjekra me flokë të gjata, të palarë rrugëve.
"PS dhe fuqia e gruas nuk janë të rastësishme, janë të ndërlidhura kaq shumë me njëra tjetrën, është një sinergji shumë domethënëse se ka nisur të krijohet që 20 vite më parë kur i sapozgjedhur në krye vizitoja organizata dhe nuk kishte asnjë grua dhe asnjë vajzë, ajo që e bënte black out, dëshpërues takimin ishte përgjigja e pyetjes sime pse nuk ka asnjë grua në organizatë, ‘po ku ka gra këtu tek ne’, dhe unë vijoja ‘po juve kush ju ka pjellë?’
Kur ata s’reagonin shtoja pyetjen tjetër ‘në shtëpi kush kujdeset për ju’, imagjinoje sikur ju të largoheshit një muaj nga Shqipëria do ishte mbushur me burra me mjekra me flokë të gjata, të palarë rrugëve. Parlamenti ishte si odë otomane", tha Rama.
