Një tjetër eurodeputet i Parlamentit Europian ka reaguar i indinjuar ndaj dhunës së policisë me urdhër të kryeministrit...
POLITIKE
PS nis fushatën në Tiranë, Manastirliu takim në Njësinë Nr. 1
PiranjatPërditësimi i fundit 8 Tetor 2025, 14:18
Kandidatja e Partisë Socialiste për Bashkinë e Tiranës, Ogerta Manastirliu, ka nisur zyrtarisht fushatën zgjedhore nga Njësia Nr. 1, duke theksuar se kjo fushatë do të shtrihet në çdo cep të kryeqytetit për të dëgjuar dhe bashkëbiseduar me qytetarët.
Në këtë takim të parë, Manastirliu prezantoi një nga angazhimet kryesore të programit të saj, çlirimin dhe rikthimin e hapësirave publike.
Ajo tha tutje, se vizioni i saj është kthimi i Tiranës në një qytet ku hapësirat e përbashkëta ndikojnë drejtpërdrejt në përmirësimin e cilësisë së jetës dhe mirëqenies së qytetarëve.
“Ne duam që çdo hapësirë të kthehet në një vend të gjelbër, të shëndetshëm e çlodhës për familjet, të rinjtë dhe të moshuarit. Për këtë po punojmë ngushtë me sipërmarrjen dhe grupet e arkitektëve, në mënyrë që Tirana të ketë gjithnjë e më shumë kënde të bukura, funksionale dhe moderne, kemi një plan të qartë, të strukturuar dhe intensiv për transformimin e Tiranës. Jam e bindur se, së bashku me qytetarët, do ta bëjmë realitet një qytet më të gjelbër, më të bukur dhe më miqësor për komunitetin. Kjo është Tirana që duam dhe kjo është Tirana që do të ndërtojmë bashkë,” përfundoi Manastirliu.
