Forcat e armatosura të SHBA-së dhe Izraelit po planifikojnë të rifillojnë sulmet ndaj Iranit pas zgjedhjeve të mesit të man...
AKTUALITET
Ecte nëpër shtëpi i dehur e lakuriq dhe abuzoi sek*ualisht me të shoqen para fëmijëve, 17-vite burg për shqiptarin
PiranjatPërditësimi i fundit 8 Tetor 2025, 13:50
Gjykata e Selanikut ka dënuar me 17 vite burg një 40-vjeçar shqiptar, i cili u shpall fajtor për abuzim seksual dhe dhunë fizike ndaj bashkëshortes së tij, shpesh edhe në prani të fëmijëve të tyre të mitur.
Gruaja, 30 vjeçe, bëri denoncimin në muajin mars, pasi arriti të thyejë heshtjen dhe të raportojë ngjarjen në polici. Sipas dëshmisë së saj, e cila u lexua në sallën e gjyqit – pasi ajo nuk u paraqit personalisht për të dëshmuar, i pandehuri e përdhunonte pothuajse çdo ditë, duke ushtruar mbi të edhe dhunë fizike.
Në dëshminë e saj tronditëse, viktima tha se pas përdhunimeve, ai urinonte mbi të, si dhe shëtiste i dehur dhe lakuriq nëpër shtëpi, duke traumatizuar familjen, përfshirë edhe fëmijët.
Pas arrestimit fillestar, shqiptari u la i lirë me kusht, por nuk u paraqit në gjyq dhe u gjykua në mungesë. Pas shpalljes së vendimit, ai konsiderohet i arratisur dhe është shpallur në kërkim nga autoritetet greke.
Në dëshminë e dhënë gjatë hetimeve paraprake, i akuzuari ka pranuar vetëm një akt dhune – një shuplakë ndaj bashkëshortes – por ka mohuar të gjitha akuzat për përdhunim dhe abuzim sistematik.
Hetimet për lokalizimin dhe kapjen e tij janë në vijim.
