Ka nisur protesta e pestë në mbrojtje të Zvërnecit, ku qytetarët kundërshtojnë projektin për ndërtimin e një r...
POLITIKE
PS nuk dorëzoi Ballukun, reagon ambasada e Holandës: Kusht për integrimin në BE, ndjekja penale e zyrtarëve të nivelit të lartë në pushtet!
PiranjatPërditësimi i fundit 12 Mars 2026, 13:32
Ambasada e Mbretërisë së Holandës në Shqipëri ka reaguar lidhur me vendimin e sotëm të Kuvendit të Shqipërisë, i cili rrëzoi kërkesën e SPAK për heqjen e imunitetit të Belinda Ballukut.
Sipas deklaratës, Holanda mbështet procesisn e integrimit të Shqipërisë në BE, por thekson se një nga kushtet kyçe për avancimin në këtë proces të bazuar në meritë është ndjekja penale efektive e korrupsionit, përfshirë edhe rastet që përfshijnë nivelet më të larta të pushtetit.
Ambasada nënvizon se pret qartë që, në raste të tilla, sistemi i drejtësisë të jetë në gjendje të veprojë me shpejtësi dhe pa pengesa. Gjithashtu theksohet se politika shqiptare mbetet përgjegjëse për të garantuar që ky proces të zhvillohet në mënyrë të papenguar.
“Lidhur me vendimin e sotëm të Parlamentit të Shqipërisë në lidhje me heqjen e imunitetit, Ambasada e Mbretërisë së Holandës në Shqipëri deklaron:
Holanda mbështet integrimin e Shqipërisë në Bashkimin Evropian, në përputhje me dëshirat e popullit shqiptar. Një kërkesë kyçe për përparimin në këtë proces të bazuar në meritë është ndjekja efektive penale e korrupsionit, përfshirë edhe në nivelet më të larta.
Ne presim qartë që, në raste të tilla, sistemi i drejtësisë do të jetë në gjendje të vazhdojë shpejt dhe pa pengesa. Politika shqiptare mbetet përgjegjëse për sigurimin e këtij procesi”, thuhet në reagimin e ambasadës.
