Personi në foto, efektivi i ‘Shqiponjave’ Edison Adri, i cili mbeti i plagosur gjatë operacionit policor të zhvilluar në zon&e...
POLITIKE
"Pushteti në Shqipëri, sot e ka..."/ Berisha: Drejtësia është kapur, Rama ka hyrë në ‘rrethin e kuq’ evropian
E.DPërditësimi i fundit 5 Maj 2025, 22:39
TIRANË- Kreu i Partisë Demokratike, Sali Berisha, shprehu kritika të forta ndaj kapjes së drejtësisë në Shqipëri, duke e konsideruar mungesën e kontrollit mbi institucionet e drejtësisë si një kërcënim për shtetin ligjor. Berisha i ftuar në emisionin “Çim Peka Live”, në SYRI TV, u ndal veçanërisht në rolin e SPAK-ut.
Kreydemokrati deklaroi se prokurorët dhe gjyqtarët janë jashtë çdo mbikëqyrjeje efektive dhe kjo, sipas tij, ka krijuar një klimë të pandëshkueshmërisë për qeverinë e Edi Ramës. Gjithashtu Lideri i opozitës përmendi edhe rezolutën e Partisë Popullore Evropiane, e cila kritikon qartazi kapjen politike të drejtësisë në Shqipër
Sali Berisha:Qeveria nuk mund të bëjë prokurorin. Jo! Jam dakord 100%, por ligji po.
A e di ti që ata janë pa asnjë lloj kontrolli mbi tokë?
Të lutëm, a mund të ketë institucion mbi to, pa asnjë kontroll? Zero kontroll. Asnjë lloj kontrolli.
Duhet të ketë padiskutim kontrolle ligjore. Padiskutim që duhet të ketë mekanizma të padiskutueshme.
Të gjejnë mënyrën të mos jenë nga ekzekutivi, por nga ligji patjetër, si jo. Si mund të mos jetë?
Ai kontrollon gjykatësin. E kuptoni apo jo. Prokurorë që kontrollon gjykatësin dhe vetë nuk kontrollohet. S’ka drejtësi në botë kjo. Gjykatësin e kontrollon, vetë jo.
Dhe thoshte që jemi aq të kontrolluar. Po kush të kontrollon ty mor të thua?
Ai fyen çdo njeri me deklaratat e tij.
Unë këtu kam rezulotën e Partisë Popullore Evropiane, të partisë së kancelarit Friderich Merc, Ursula Von Der Leyen, Roberta Macolës dhe 14 kryeminstrave të tjerë të Evropës. Kjo rezolutë emergjente e votuar katër ditë më parë në Valencia, thotë ekzakt se shteti ligjor nuk mbështetet për shkak të kapjes së drejtësisë dhe pandëshkueshmërisë. Kapjes së drejtësisë, të vërtetat vonojnë por absolutisht nuk harrojnë.
Se si e ka kapur Rama. Tek i vetmi që nuk duhet të japë llogari, është Rama. Në asnjë mënyrë nuk duhet të japë llogari tek kryeministri. Jo! Por duhet të ketë mekanizmin ligjor i cili e mbikëqyr dhe vëzhgon. Ai mekanizëm nuk ekziston, por sot, ata që janë përpjekur kanë bërë avokatinë e SKAPI-it në mënyrën më të paimagjinueshme. Kanë marrë një përgjigje, shteruese. Shteti ligjor nuk funksionon për shkak të kapjes.
Nuk është fjala për Sali Berishën këtu, është fjala për Edi Ramën mosndeshkueshmëria, është fjala për Ulsi Manjën.
Është fjala për dosjen ‘184’ ‘339’. Është fjala për kapjen e SPAK-ut.
Ka një hob cilësor sot në qëndrimet ndaj realitetit shqiptar. Dhe ky hob cilësor është arritur 6 muajt e fundit.
E vërteta është që sot për ata që qeverisin Europën, regjimi i Tiranës është një regjim që minon votën e lirë shqiptarëve. Është e shkruar e zezë mbi të bardhë. Është një regjim që shtyp pluralizmin. Nuk ka gjë më të rëndë.
Shtyp pluralizmin thotë. Është një regjim që shtyp opozitën. Është një regjim që bashkëpunon me krimin. Pra, Edi Ramës i është bërë autopsia tashmë dhe unë po e deklaroj që është futur në rreth të kuq, ju garantoj që këto nuk ka forcë në botë që t’ia heqë më Edi Ramës.
Këtu kemi të bëjmë me një gjë. Sigurisht, pushtetin në Bjellorusi e ka Lukashenko. Por diktatori i Bjellorusisë është i damkosur.
Pushteti në Shqipëri, sot e ka Edi Rama. Edi Rama sot është njeriu më i damkosur. Kjo është rezoluta e katërt.
Lukahenko ka patur ‘Big Brother’-in. ‘Big brotheri’ atë e ka mbrojtur dhe e mbron, kurse këtij, ‘big brother’ i ka marrë fund, se edhe ky kishte ‘big brother’. Nuk u bë Edi Rama pa ‘big brother’.
‘Big brotheri’ i tij ishte administrata e Biden. Ishte shumë e njohur ajo. Por tani ka tek është, rezoluta e firmosur, e votuar nga partia e Merc. Nga partitë më të mëdha të qendrës së djathtë në Europë, 82 parti politike.
Opozita nuk them se ka ‘big brother’, por them këtë: e konsideroj arritje të jashtëzakonshme faktin që nga një izolim i plotë, këto rezoluta forcojnë kauzat për të cilat ne kemi luftuar. Dhe këto përbëjnë një gjë jashtëzakonisht të rëndësishme. Këto janë një përmbysje e madhe. Edi Rama në qoftë se përpara shkruante raporte nga zyrat e tij dhe i transferonte, sot është ky që del këtu. Ju garantoj ju që është me rreth të kuq dhe Edi Rama nuk e kalon dot më, ka marrë fund me këtë kuadër. Opozita bëri një gjë që duhet të ishte bërë me kohë.
Patë ato problemet që dihen por më në fund Shqipëria si kurrë në këto 6 muaj ka qenë epiqendër të të gjitha organizatave politike të botës së lirë.
Është një situatë krejtësisht tjetër. Nuk po them që opozita ka ‘big brother’. Jo!
Por opozita është në sintoni. Kauzat e saj kanë marrë mbështetjen më të fuqishme në tërë historinë e ekzistencës së kësaj opozite.
