Reperi i njohur kosovar, Capital T, u ka bërë thirrje mediave në Kosovë që tu kushtojnë më shumë vëmendje zhvillime...
POLITIKE
"Qeverisja e Ramës nuk siguron dot..."/ Denoncimi i PD: Polici në Elbasan bllokon hapësirën publike, asnjë institucion nuk u shkon në ndihmë banorëve
E.DPërditësimi i fundit 20 Prill 2025, 15:20
TIRANË- Zëdhënësja për Antikorrupsionin në Partinë Demokratike, Genta Vangjeli, ka denoncuar një rast të rëndë abuzimi me detyrën nga një punonjës i Policisë së Shtetit në fshatin Bradashesh, Elbasan. Gjatë deklaratës Vangjeli theksoi se qytetarët kanë paraqitur një ankesë ndaj shtetasit me inicialet D. B. Sipas saj ai akuzohet për bllokimin e hapësirave publike duke penguar tre familje të përdorin rrugën për të shkuar në banesat e tyre.
Gjithashtu vangjeli theksoi se edhe pas tre ndërhyrjeve të strukturave shtetërore për lirimin e sheshit të bllokuar, i njëjti punonjës policie ka rifilluar bllokimin e rrugës, duke sfiduar urdhrat ligjorë dhe vendimet e autoriteteve. Kjo situatë, sipas Partisë Demokratike, ka sjellë përplasje me banorët dhe ka ekspozuar qytetarët, përfshirë të moshuar dhe fëmijë, ndaj kushteve të vështira të qarkullimit, pasi janë detyruar të kalojnë nëpër përrua për të hyrë në shtëpitë e tyre.
Po ashtu PD kërkon marrjen e masave urgjente ndaj punonjësit të policisë së shtetit që ka bllokuar rrugën. Ndër të tjera Vangjeli theksoi se qeverisja e Edi Ramës nuk siguron dot as përdorimin e hapësirës publike.
Deklarata e zëdhënëses së Antikorrupsionit në PD, Genta Vangjeli:
Duke falënderuar qytetarët për besimin që kanë në qëndrimin e Partisë Demokratike për mbrojtjen e tyre, njoftojmë se banorë të fshatit Bradashesh (Elbasan), kanë paraqitur ankesën e tyre për shtetasin me inicialet D. B., pjesë e strukturave të Policisë së Shtetit.
Personi i mësipërm akuzohet për bllokimin e hapësirave publike duke penguar 3 familje të përdorin rrugën për të shkuar në banesat e tyre.
Për shqetësimin e tyre janë me dije:
-Kryeplaku i fshatit Bradashesh;
-Inspektoriati i Mbrojtjes së Territorit pranë bashkisë Elbasan;
-Shërbimi për Çështjet e Brendshme dhe ankesat pranë Ministrisë së Brendshme;
-Drejtoria Vendore e Policisë Elbasan dhe Drejtoria e Përgjithshme e Policisë së Shtetit;
-Agjencia e Mbikëqyrjes Policore.
Pas kalvarit të përsëritur 3 herë me lirimin e sheshit nga strukturat shtetërore përkatëse, shtetasi i mësipërm ka ribllokuar hapësirën publike duke krijuar konflikt me banorët e prekur nga fenonemi dhe duke injoruar zbatimin e detyruar të ligjit.
Inspektoriati i Mbrojtjes së Territorit pranë bashkisë Elbasan me anë të vendimit nr.212, datë 19.09.2020 ka urdhëruar prishjen e objektit të kundraligjshëm dhe lirimin e rrugës për banorët.
Bllokuesit e rrugës kallëzuar për veprën penale të “vetëgjygjësisë” nga banorët të cilëve i pengohet kalimi në hapësirën publike, paditën vendimin e IMT Bashkia Elbasan, duke kërkuar pavlefshmërinë e tij dhe deri në përfundim të gjykimit të çështjes gjykata ka nxjerrë vendimin e ndërmjetëm për marrjen e masës së sigurimit të padisë.
Vetë z. Muhamet Rrumbullaku vlerëson shqetësues veprimet e punonjësit të komisariatit të Policisë Elbasan D. B. të cilat kanë cenuar imazhin e punonjësit të Policisë së Shtetit në sytë e publikut.
Partia Demokratike kërkon marrjen e masave urgjente ndaj punonjësit të policisë së shtetit që ka bllokuar rrugën, lirimin e menjëhershëm të hapësirës publike, dhe zgjidhjen e menjëhershme të shqetësimit të qytetarëve të cilët sikurse vërtetojnë këto pamje se vetë ata, të moshuarit dhe fëmijët e tyre detyrohen të kalojnë nëpër përrua për të bërë të mundur daljet dhe mbërritjen në banesat e tyre.
Qeverisja e Edi Ramës nuk siguron dot as përdorimin e hapësirës publike, nuk mundëson dot as shërbimet bazë ndaj qytetarëve të cilët duhet të presin me vite derisa e drejta e tyre të njihet nga gjykata..
Bashkë të çlirojmë Shqipërinë nga padrejtësitë ….
Partia Demokratike do jetë gjithmonë në shërbim të qytetarëve …
