Prezenca e OSBE-së në Shqipëri ka reaguar pas protestave të dhunshme dhe tensioneve që kanë përfshirë Tiranën gjat&...
POLITIKE
Rakip Suli pengon nxënësit e Kamzës të dalin në protestë kundër qeverisë
Nga Piranjat NewsPërditësimi i fundit 15 Tetor 2026, 12:23
Kryetari i Bashkisë Kamëz, Rakip Suli, po ndërhyn aktivisht për të ndaluar pjesëmarrjen e nxënësve në protestat kundër qeverisë. Nëpërmjet njoftimeve që janë dërguar prindërve dhe mësuesve, ai kërkon që fëmijët të mos lejohen të dalin nga shkolla dhe të mos bashkohen me protestuesit.
Në këto njoftime, që kanë qarkulluar gjerësisht sot, theksohet se bojkoti i mësimit është i papranueshëm dhe se prindërit e mësuesit duhet të ndërgjegjësojnë nxënësit që të qëndrojnë në klasë. Mesazhi është i qartë: të mos lejohet asnjë formë e organizimit apo daljes në rrugë.
Paralelisht, Suli ka dalë publikisht duke minimizuar situatën. Ai pretendoi se janë vetëm rreth 50 nxënës që kanë braktisur mësimin dhe se në 25 shkollat e Kamzës gjithçka vazhdon normalisht. Sipas tij, këta të rinj janë “të manipuluar nga rrjetet sociale”.
Kjo qëndrim vjen në një moment kur gjimnazistët e Kamzës kanë nisur të dalin në rrugë dhe të bashkohen me protestat studentore që kërkojnë dorëheqjen e qeverisë. Në vend që të respektojë të drejtën e të rinjve për të shprehur pakënaqësinë e tyre, kryetari i bashkisë po përpiqet t’i mbajë brenda mureve të shkollës dhe t’i paraqesë si një pakicë të parëndësishme.
Veprimet e Suli tregojnë qartë se prioriteti i tij nuk është dëgjimi i zërit të nxënësve, por mbrojtja e status quo-së dhe pengimi i çdo forme proteste që mund të dëmtojë imazhin e qeverisë./ Piranjat News
