Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
POLITIKE
Rama komente për drejtësinë: Altin Dumanin kur e ke dëgjuar? Prokuror i ndershëm, i vendosur, i përkushtuar, por nuk ka thirrur dikë më parë...
M.BPërditësimi i fundit 17 Prill 2025, 09:55
TIRANA- Kryeministri Edi Rama, gjatë rubrikës "Sy m’Sy", ka deklaruar këtë paradite se kreu i SPAK, Altin Dumani meriton respekt për të gjitha ato sulme barbare, sipas tij që i kanë bërë atij dhe familjes. Rama tha se kjo ndodh sepse sot ka drejtësi të pavarur nga pushteti politik. Ai shtoi sërish se shpatën drejtësisë ia dha ai dhe forca e tij politike në pushtet dhe se Dumani ndonëse Prokuror i ndershëm, i vendosur dhe i përkushtuar nuk kishte thirrur më parë njërëz që i përkisnin funksioneve të larta shtetërore.
"Altin Dumanin kur e ke dëgjuar? E di që ka qenë prokuror në detyrë në këto kohë që po flas, prokuror i ndershëm i vendosur i përkushtuar por nuk ka thirrur dikë të thotë si i vrave ti ata katër veta, sepse nuk e kishte shpatën. Madje shefja e madhe e Dumanit, vetëm se çoi një copë letër për disa drejtues policie që ti pyeste se çfarë ndodhi, u gjen në pozitën që të shohë kryeministrin në TV që i thotë popullit se ajo është një lavire...
E njeh Fatos Nanos? Ke dëgjuar? U fut në burg me urdhër nga i pari. Hidhu përpjetë ti bashkë me kukumjaçkat dhe insektet e kënetës nën ritmin e bufit, por e vërteta është kjo. Nëse sot ka një SPAK, një Altin Duman, që meriton respekt, kjo ndodh sepse sot ka një drejtësi të pavarura nga pushteti politik, këtë e solli PS, me mua në krye. Nëse ne e hodhëm këtë hap, ti mendon që ne nuk e dënim që një drejtësi e pavarura do të godiste edhe brenda nesh. Vinte bufi herë pas here që përkëdhelte Lulin këtu. Më ke dëgjuar kur them që duam një drejtësi që të mos shohim majtas e djathtas, por të godasim majtas e djathtas", tha Rama.
